Lajme

Drejtori Arbër Ajdini ndanë 14 vendime të përhershme pune në ndërmarrjen “Tetova Transport”

Në një moment domethënës për zhvillimin e ndërmarrjes publike “Tetova Transport”, drejtori Arber Ajdini ka njoftuar sot shpërndarjen e 14 vendimeve të reja pune, prej të cilave 5 janë për administratorë publik dhe 9 për ofrues shërbimesh.

“Këto nuk janë thjesht numra, janë 14 histori të reja, 14 mundësi për një jetë më të mirë, dhe 14 bashkëpunëtorë të rinj që do të jenë pjesë e misionit tonë”, u shpreh Ajdini.

Sipas tij, mungesa e infrastrukturës, linjave të nevojshme, vështirësitë administrative dhe financiare, kanë qenë sfida të vazhdueshme që nuk e kanë ndalur përpjekjen për të ndërtuar një ndërmarrje efikase dhe në shërbim të qytetarëve të Tetovës.

Ajdini theksoi gjithashtu se çdo pengesë e ka forcuar ekipin, ndërsa kritikat i kanë ndihmuar të përmirësohen. “Ky është vetëm një hap tjetër përpara. Rrugëtimi vazhdon, dhe ne do të punojmë çdo ditë për ta bërë shërbimin tonë më të mirë, më të sigurt dhe më pranë qytetarëve tanë”, tha më tej ai.

Një falënderim i veçantë iu drejtua kryetarit të Komunës së Tetovës, Bilall Kasami, për “mbështetjen e parezervë dhe besimin e vazhdueshëm ndaj punës së ndërmarrjes”.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.