Lajme

Martin Andonovski: Të rinjtë janë forca lëvizëse – në Gostivar fillon fitorja e madhe e 19 tetorit

Bartësi i listës së këshilltarëve të VMRO-DPMNE-së për Komunën e Gostivarit, Martin Andonovski, realizoi një takim me Rininë e partisë (UMS) në Gostivar, ku theksoi rëndësinë e përfshirjes së të rinjve në politikë dhe në zhvillimin e ardhshëm të qytetit dhe shtetit.

Në një atmosferë entuziaste, Andonovski u shpreh se rinia është motivimi dhe mbështetja e tij më e madhe në këtë rrugëtim politik.

“Sonte jam me të rinjtë – me motrat dhe vëllezërit e mi me të cilët kam kaluar shumë gjatë kësaj periudhe. Ata janë era në krahët e mi. Janë arsyeja pse besoj se ndryshimi është i mundur,” deklaroi Andonovski.

Ai potencoi se VMRO-DPMNE po u jep hapësirë dhe përkrahje të sinqertë të rinjve, jo vetëm me fjalë, por me vepra konkrete që kanë për qëllim të krijojnë kushte që rinia të qëndrojë në vend dhe të ndërtojë të ardhmen e vet në Maqedoni.

“Si bartës i listës së këshilltarëve në Gostivar, dua të dëshmoj se ne kemi vizion dhe energji të re. Ne nuk bëjmë vetëm premtime, por ofrojmë zgjidhje. Ky takim është vetëm fillimi i një fitoreje të madhe që na pret më 19 tetor,” shtoi ai.

Takimi u përmbyll me mbështetje të fortë nga të rinjtë, të cilët u zotuan për një angazhim të palëkundur drejt fitores së VMRO-DPMNE në zgjedhjet lokale të ardhshme në Komunën e Gostivarit.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.