Lajme

Bashkim Ramosaj: Mbështetje e fuqishme për AAK dhe kandidatin për këshilltar Adriatik Alaj në Drenoc

Në Drenoc, Aleanca për Ardhmërinë e Kosovës dëshmoi edhe një herë përkrahjen e fuqishme të qytetarëve në prag të zgjedhjeve të 12 tetorit. Kandidati për kryetar të komunës së Deçanit, Bashkim Ramosaj, u mirëprit me entuziazëm nga banorët, të cilët rikonfirmuan mbështetjen e tyre për listën nr. 174.

Në fjalën e tij, Ramosaj falënderoi përzemërsisht qytetarët për besimin dhe vullnetin e madh, duke theksuar se kjo përkrahje do të shndërrohet në një fitore të bindshme në ditën e zgjedhjeve.

“Faleminderit për besimin dhe për vullnetin e madh që kjo përkrahje të rikonfirmohet edhe më fuqishëm më 12 tetor, ndaj Aleancës, ndaj meje si kryetar dhe ndaj Adriatik Alaj si anëtar i Kuvendit Komunal me numrin 20,” u shpreh Ramosaj.

Ai shtoi se mesazhi i Drenocit është i qartë: qytetarët janë të vendosur për të mbështetur Aleancën dhe për të kurorëzuar fitoren e saj më 12 tetor.

“Faleminderit nga zemra, Drenoc!”, tha Ramosaj, duke nënvizuar se Aleanca është e përkushtuar të flasë me punë dhe të sjellë ndryshime të prekshme për qytetarët.

https://www.facebook.com/share/p/1B4KMuxwB8/

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net