Lajme

Mustafa Dauti: Merruni ju me shpifje dhe ofendime ne merremi me punë konkrete dhe me fakte

Merruni ju me shpifje dhe ofendime ne merremi me punë konkrete dhe me fakte, por mos harroni se edhe ne dijmë të përdorim gjuhën tuaj ofenduese, por nuk e kemi zgjedhë atë mënyrë të komunikimit pasi që ne përfaqësojmë shqiptarët me dinjitet dhe vendosshmëri dhe se ne jemi ndryshimi I shumëpritur i popullit shqiptar në Republikën e Maqedonisë së Veriut dhe për atë me plot përgjegjësi them se vula e Doganës është në dy gjuhë, ndërsa vula e dështimit tuaj do të mbetet gjatë në ballin tuaj!

Nuk është gjuha ajo që ju pengon, por vulat që sot janë në duar të shqiptarëve. Institucionet nuk menaxhohen me sharje e banalitet, por me dije dhe guxim. Në fjalorin tonë nuk ka vend për mllef, por vetëm për rezultate. Vula e Doganave dikur përdorej për të kontrolluar e dëmtuar shqiptarët, por sot jemi në rrethana tjera po veprojmë me dinjitet dhe përgjegjësi!

BDI dhe hyzmetqarët e tyre nuk e kanë hallin e gjuhës në vula prandaj edhe shpifin pa turp. Halli i tyre është se vulat e Doganës nuk përdoren më për favore grupore e partiake, por qëndrojnë në duar të një shqiptari që vepron me ligj dhe përgjegjësi. Ata shpifin ne i demantojmë me fakte konkrete, ne i mbajmë vulat në dy gjuhë, ata e mbajnë vulën e dështimit që u dha populli si dënim i maltretimit për dy dekada.

Shqiptarët nuk e harrojnë se nē tē kaluarēn posti i zëvendësdrejtorit të Doganave është kujtuar shpesh për akuza të rënda se shqiptarëve u dërgoheshin kontrolle e presione të posaçme. E dhimbshme, por e vërtetë shqiptarët kanë përjetuar presion, terror dhe inspektime nga shqiptarë. Sot ironia është se edhe akuzuesi edhe i akuzuari ndodhen në të njëjtën tryezë politike të emërtuar AKI, që deri dje nuk lanë fjalë më të keqe që egziston e që i përdornin për njëri tjetrin e që sot po ata kanë filluar edhe të thurrin lavde e elozhe ndaj njëri tjetrit.

Kjo epokë i takon së kaluarës. Që nga dita që unë kam marrë këtë detyrë, nuk ka pasur asnjë rast kur ndonjë i punësuar në Doganë të ndjejë presion apo diskriminim të kësaj natyre. Ky është ndryshimi në vepër, jo vetëm në fjalë.

Ne vazhdojmë përpara. E dimë se edhe pak ka mbetur për t’ju dëbuar edhe nga pushteti lokal. Mbahuni, sepse do t’ia merrni dorën opozitës, por për këtë ju duhet kohë, reformim dhe punë.

Shqiptarët sot e kanë vulën, firmën dhe dinjitetin në duart e tyre! Shpifjet nuk kalojnë, pastrone partinë e fjalorin e pistë, reformohuni në tërësi pasi keni mjaftë kohë për ta bërë atë gjat qëndrimit tuaj të gjatë në opozitë!

https://www.facebook.com/share/p/16ZYsGYooi/

Lajme

Artan Grubit nesër i përfundon arresti shtëpiak

Ish zëvendëskryeministrit të parë Artan Grubi nesër i mbaron arresti shtëpiak. Vendimi ekzekutohet sipas fuqisë së ligjit pasi kalojnë 60 ditë nga dita e dorëzimit të propozim-akuzës. Megjithatë, Grubi i cili gati 8 muaj ka qëndruar në arrest shtëpie kërkon që t’i kthehet edhe pasaporta. Për këtë ka ofruar prona si garanci në vlerë mbi 335 mijë euro. Nga Gjykata Penale e Shkupit theksojnë shkurt për Alsat se për këtë propozim ende nuk kanë vendosur pasi e presin mendimin nga Prokuroria, e cila pritet që ta japë gjatë kësaj jave.

Ndërkohë vazhdon gjykimi për Grubin lidhur me keqpërdorimet në “Lotarinë Shtetërore”, megjithatë për dallim nga herët e kaluara, Grubi do të paraqitet në Gjykatë pa shoqërim policor.

Grubi gjykohet për “keqpërdorimin e detyrës zyrtare” pasi ka udhëhequr mbledhjen e Qeverisë ku është miratuar pika e rendit të ditës për nisjen e organizimit të pavarur të lojërave elektronike të fatit, ndonëse sipas Prokurorisë kjo nuk ka qenë e ligjshme. Sipas tyre, këtë e ka bërë në bashkëpunim me të akuzuarin e parë, ish drejtorin Përparim Bajrami.

Me këtë, Prokuroria pretendon se Grubi ka hapur rrugën që Lotaria Shtetërore t’i blejë VLT aparatet në vlerë mbi 9,7 milionë euro edhe pse të njëjtat nuk kanë qenë të nevojshme.

Pretendimet e këtilla Grubi i ka hedhur poshtë nën arsyetimin se për vendimin në mbledhje të Qeverisë kanë votuar 20 anëtarë, të gjithë “për”. Nga ana tjetër, teza e mbrojtjes së Grubit, por edhe të akuzuarve të tjerë është se ata kanë mbrojtur interesin shtetëror, me qëllim që përfitimi të shkojë direkt te Lotaria Shtetërore dhe jo të ndahet me partnerë të tjerë.

Lënda u hap në dhjetor të vitit 2024, rreth një javë pasi Shtetet e Bashkuara të Amerikës e futën në Listë të Zezë për korrupsion së bashku me ish gjyqtarin e Apelit Enver Bexheti. SHBA-ja i akuzoi për përfshirje në korrupsion të rëndësishëm, duke pretenduar se kishin pranuar ryshfet për të penguar proceset gjyqësore të lidhura me dënimin e ish shefit të Policisë Sekrete Sasho Mijallkov.

Megjithatë, Artan Grubi u largua nga Maqedonia më 15 dhjetor, duke kaluar pikën kufitare të Bllacës drejt Kosovës. Pas alarmit për arratisje, Grubi njoftoi në Facebook se ka udhëtuar për vizitë private dhe sapo t’i kryejë obligimet do të kthehet në shtëpi.

Megjithatë, obligimet e Grubit zgjatën mbi 14 muaj, për çka shteti shpalli fletëarrest të brendshëm ndërkombëtar. Në mëngjesin e 23 shkurtit, Grubi në Maqedoni hyri nga kishte dalë. Nëpër media dolën filmimet në të cilat shihej Grubi me pranga, pasi ishte vetëdorëzuar. Prej Pikës Kufitare Bllacë, Grubi dërgohet në Burgun e Shutkës, megjithatë vetëm pas disa orësh ai dërgohet në shtëpi pasi organet e sigurisë kishin alarmuar se rrezikohet jeta e Grubit në paraburgim. Për vendimin e këtillë pati reagime të ashpra në opinion.

Lajme

Astrit Iseni pas suspendimit të gjashtë policëve: Askush nuk është mbi ligjin

Gjashtë policë janë suspenduar pas dhunës brutale të ushtruar ndaj dy të rinjëve nga Saraji, Institucionet reaguan në kohë rekord, rasti nuk u la pa përgjigje, kështu deklaroi zëvendësministri i Punëve të Brendshme, Astrit Iseni, nga VLEN, I cili theksoi se MPB-ja ka kryer pjesën e saj të punës, ndërsa procedurat e mëtejshme i udhëheq Prokuroria. Sipas tij dhuna policore nuk ka vend në vendin tone dhe se uniforma është për ta mbrojtur qytetarin, jo për ta rrahur.

Iseni tha se sapo dolën pamjet, opozita shqiptare ka tentuar ta kthente dhunën ndaj dy të rinjve në betejë politike. Ku sic tha Iseni filluan akuzat, propaganda dhe përpjekjet për t’i dhënë ngjyrim etnik këtij rasti.

ASTRIT ISENI-ZËVENDËSMINISTËR I PUNËVE TË BRENDSHME

“Nuk harrohet “Sopoti”, ku i latë njerëzit të kalben burgjeve. Nuk harrohet djegia e dyqaneve shqiptare, ndërsa ju vazhdonit të rrinit si dekor në pushtet. Nuk harrohet “Monstra”, as fyerja ndaj shqiptarëve me termin “indijanci”. Nuk harrohet vdekja e Rexhail Qerimit në burg. Nuk harrohet vrasja e Harun Aliut. Nuk harrohet as vrasja e Xhemail Rexhepit (Komandant Shqiponjës). Për të gjitha këto raste, dhe shumë të tjera, çka bëtë JU? Asgjë. Heshtët!”.

Iseni theksoi se BDI për njëzet vjet ishin në pushtet, dhe se gjatë qeverisjes së tyre kanë ndodhur ngjarjet makabre, ku shumë prej rasteve janë lidhur me veprimet e policisë dhe të institucioneve të drejtësisë. Ai gjithashtu shtoi se sado që BDI mundohen t’i fshehin me gomë nga memoria kolektive e shqiptarëve, nuk do t’ia dalin sepse sic tha ai shqiptarët e mbajnë mend mirë. Ju jeni parti me shumë mëkate, fund e krye, deklaroi Iseni.

Lajme

40 kamera të reja në funksion, “Safe City” shtrihet në pesë komuna!

Sistemi i kamerave “Safe City” ka nisur funksionimin edhe në rajonin e Ohrit, me rreth 40 kamera të vendosura në disa komuna dhe akse të rëndësishme rrugore.

Kamerat do të mbulojnë Ohrin, Strugën, Kërçovën, Debërcën dhe Dibrën, si dhe rrugët drejt pikës kufitare Qafasan, Shën Naumit dhe autostradën Ohër–Kërçovë.

Sistemi do të regjistrojë shkeljet në trafik, përfshirë tejkalimin e shpejtësisë, parkimin e parregullt dhe kalimin në semafor të kuq.

Nga policia u bëjnë thirrje shoferëve të respektojnë rregullat dhe kufizimet e shpejtësisë, me qëllim rritjen e sigurisë dhe uljen e aksidenteve rrugore.