Lajme

Nga sakrifica tek fitorja, Fatoni është garancia jonë

Valon Qyra – Koordinator i zgjedhjeve lokale

Ka momente në politikë kur gjithçka bëhet e qartë. Ato janë momentet kur sakrifica, përkushtimi dhe qëndrueshmëria shpërblehen. Sot është një prej atyre momenteve – dhe ne në Strugë e ndjejmë më shumë se kurrë. Sepse sot, Struga po bashkohet rreth një emri që na bashkon të gjithëve: Faton Pollozhani.

Unë kam pasur fatin të rritem politikisht me Fatonin. Kemi ndarë punë të përditshme, kemi qëndruar pranë njerëzve në ditë të vështira dhe kemi mbrojtur bashkë idealin tonë politik, pavarësisht sfidave dhe padrejtësive. Për vite të tëra kemi qenë në krah të çdo kandidati që ka garuar në Strugë, edhe kur meritat i merrnin ata që kurrë nuk i shërbyen subjektit tonë.

Por sot, më në fund, në krye të listës kemi një njeri të sprovuar – një njeri që kurrë nuk vendosi kushte, nuk kërkoi asnjë përfitim personal, por dha gjithçka për të tjerët. Fatoni është shembulli më i mirë se çfarë do të thotë të jesh i përkushtuar dhe besnik – jo ndaj interesit, por ndaj parimit.

Fatoni – vendimmarrës i rëndësishëm për fitore

Nuk duhet të harrojmë një moment kyç: ishte pikërisht Faton Pollozhani, në cilësinë e kryetarit të degës, që solli liderin Ali Ahmeti me të gjitha strukturat në Strugë, për të diskutuar marrëveshjen politike që më pas u shndërrua në fitoren historike të Aleancës Kombëtare për Integrim. Kishte nga ata që nuk patën guximin të flasin para liderit, por sot përpiqen të përçajnë.

Por le ta dinë të gjithë: nuk do të na përçajnë dot.

Unë, së bashku me Fatonin dhe shumë të tjerë që ndajnë të njëjtën rrugë, jemi krenarë që ai është bartës i listës sonë dhe do ta mbështesim fuqishëm – me të njëjtin përkushtim me të cilin do të mbështesim edhe kandidatin tonë, Arsim Dalipi.

Kjo eufori nuk ndalet – nga Likova deri në Strugë

Lajme

Incident në Pallaticë: Qytetarët raportojnë kërcënime pas një debati mes bashkëfshatarëve

Një rast kërcënimi është raportuar më 12 janar 2026 në SPB Tetovë nga A.B. (64) nga fshati Pallaticë, komuna e Zhelinës. Sipas denoncimit, rreth orës 16:30, derisa ndodhej në objektin e tij hotelierik bashkë me djalin e tij V.S., ka ndodhur një debat paraprak me një bashkëfshatar, pas së cilit personi me iniciale G.N. dyshohet se i ka kërcënuar ata.

Ngjarja ka shkaktuar shqetësim te të përfshirët, ndërsa rasti është raportuar menjëherë në polici. Zyrtarët policorë kanë nisur procedurat hetimore dhe po ndërmarrin masa për zbardhjen e plotë të rrethanave të incidentit, si dhe për dokumentimin e provave përkatëse.

Nga SPB Tetovë njoftojnë se pas kompletimit të rastit do të veprohet në përputhje me dispozitat ligjore.

Lajme

Për një vit, mbi 11 mijë punëtorë nga Maqedonia kanë marrë leje pune në Kroaci

Kryetari i Lidhjes së Sindikatave të Maqedonisë, Slobodan Trendafillov në një postim në Facebook thotë se mbi 11 mijë punëtorë të kualifikuar nga Maqedonia kanë shkuar për të punuar në Kroaci, përcjell TV21. Trendafillov thotë se biznesi po përballet me mungesë të fuqisë punëtore.

“Në vitin 2025, 11.384 punëtorë nga Maqedonia kanë marrë leje pune për të punuar në Kroaci, dhe shumë të tjerë janë larguar drejt Malit të Zi, Sllovenisë, Gjermanisë etj, ndërsa punëdhënësit e Maqedonisë kanë zëvendësuar vetëm 8.500 prej tyre me punëtorë nga Bangladeshi, Nepali dhe India (për të cilët dyshohet se kanë qëndruar në Maqedoni). Punëdhënësit ankohen se nuk kanë punëtorë të kualifikuar, qeveria mendon se nuk duhet të rriten pagat, ndërsa punëtorët largohen nga Maqedonia”, thotë kreu i LSDM-së.

Lajme

LSDM: Mickoski e çon vendin drejt izolimit me fushatë anti-BE

Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.

“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.

Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.

Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.

Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.

Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.