Lajme
Ahmeti me mesazh për Mickoskin: Me zagarë dilet në gjueti për lepuj, jo për shqiponja!
Kryetari i BDI-së, Ali Ahmeti në konventën promovuese të AKI-së, tha se kundërshtarët tanë nuk respektuan legjitimitetin e fituar të shqiptarëve, madje duke cenuar marrëveshjen paqësore të Ohrit, duke vënë në abrogim ligjin e gjuhës shqipe, duke hequr balancuesin…
“Marrëveshje e Ohrit duhet respektuar nga të gjitha palët. Dy dekada bashkë me komunitetin ndërkombëtar SHBA-në, BE-në dhe NATO, kemi punuar me forcat politike në vend, edhe me LSDM edhe me VMRO në realizim të kësaj marrëveshje. Hristijan Mickoski do me dal trim mbi trima. Kristijani me argatët e tij, me gabimet e njëpasnjëshme që bën, vetëm se i organizon dhe mobilizon shqiptarët”, tha Ahmeti, raporton SHENJA.
Ahmeti tha ata nuk janë burrave që të hedhin gurin e ta fshehin dorën. Sipas tij, VMRO dhe disa të tjerë gënjejnë tek faktori ndërkombëtar se gjoja ata kanë bërë plane për të djegur xhamia, ndërsa tha, se kanë shkuar aq larg sa kanë deklaruar se ata po përgatiten të vrasin njërin nga kandidatët.
“E tmerrshme, me qëllim që tani të bëj luftë e përplasje mes etnive. Kristijan jeni të ri, mendohuni mirë, se përballë nuk keni xhevdeta as kastraveca, por keni, kuadro ekipe mirë të specializuara, në të gjitha fushat”, tha Ahmeti.
Ali Ahmeti tha se porosia e tij për Hristijan Mickoskin është se ka qenë pikërisht ai që i ka ndihmuar ata që të bëhën bashkë sepse, tha Ahmeti, filloi rrënimin e të drejtave të shqiptarëve.
“Ne duam paqen, duam stabilitetin, ardhmërinë, duam Europën, NATO-n dhe pikërisht ky përcaktim i yni na ka bërë të gjithë bashkë, jo vetëm për të shpëtuar çështjen tonë kombëtare, por për ta quar vendin përpara, aty ku e presin të gjithë qytetarët e RMV-së. Porosia e dytë për Kristijan Mickoskin është: Kristijan Mickoski, me zagarë, dilet në gjueti për lepuj, por jo për shqiponja, se shqiponja, nuk zihet as me zagarë, as me lakej, e kasnec, të cilat t’i po i stërvit për të na denigruar neve. Shqiponja, fluturojnë lartë në kaltërsi, zagarët ruajë për lepuj”, tha mes tjerash Ali Ahmeti.
Ahmeti tha shqiptarët duhet të angazhohen që më 19 tetor, Hristijan Mickoski në mbrëmje ta zënë ethet.
Lajme
Trump: Po flasim me NATO-n për Grenlandën
Presidenti amerikan Donald Trump tha se Grenlanda është jetike për sigurinë kombëtare të SHBA-së dhe konfirmoi se diskutimet me NATO-n janë duke vazhduar në lidhje me territorin.
“NATO ka pasur marrëdhënie me ne për çështjen e Grenlandës. Ne kemi shumë nevojë për Grenlandën për sigurinë kombëtare”, tha Trump.
“Nëse nuk e kemi, kemi një boshllëk të madh në sigurinë kombëtare – veçanërisht kur bëhet fjalë për atë që po bëjmë në lidhje me Kupolën e Artë dhe të gjitha gjërat e tjera”, shtoi ai.
Trump nuk dha detaje specifike rreth iniciativave ushtarake ose të sigurisë që ai përmendi, por theksoi se SHBA-të po angazhohen në mënyrë aktive me aleancën për këtë çështje.
“Po flasim me NATO-n”, tha ai.
Trump tha se po shqyrton përdorimin e tarifave si mjet kundër vendeve që kundërshtojnë interesat e SHBA-së në lidhje me Groenlandën.
“Mund ta bëj këtë edhe për Grenlandën”, deklaroi presidenti amerikan, duke kujtuar një shkëmbim me presidentin francez Emmanuel Macron, në të cilin ai përdori kërcënimin e një tarife gjithëpërfshirëse prej 25% për të nxitur çmime më të larta të barnave në Francë.
Javën e kaluar, Trump sugjeroi që SHBA-të duhet ta “blejnë” Grenlandën për të parandaluar që Rusia ose Kina të fitojnë kontrollin e territorit autonom të Danimarkës.
Si Danimarka ashtu edhe Grenlanda kanë hedhur poshtë çdo propozim për të shitur territorin, duke riafirmuar sovranitetin danez mbi ishullin. /AA/
Lajme
Policia e Maqedonisë së Veriut me njoftim të ri në lidhje me projektin “Qyteti i Sigurt”
Ministria e Punëve të Brendshme njofton qytetarët se në kuadër të projektit “Qyteti i sigurt”, në periudhën nga 20 deri 31 janar do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit. Testimet do të realizohen çdo ditë në periudhën nga ora 08:00 deri në orën 20:00.
“Gjatë zbatimit të këtyre aktiviteteve, automjeteve në vendet ku kryhet testimi nuk do t’u lejohet të kalojnë ndërsa procedura është në zhvillim e sipër. Në javën e parë të periudhës së planifikuar, aktivitetet do të kryhen ekskluzivisht në vendet me kamera të instaluara në zonën e qytetit të Shkupit”.
“U bëjmë thirrje qytetarëve dhe të gjithë pjesëmarrësve në trafik që të respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim që të sigurohet zbatimi i qetë dhe i sigurt i aktiviteteve të planifikuara”, thonë nga MPB.
Lajme
Taravari me akuza të reja: Gjithmonë mbivotohesha në VLEN, tre me një!
Arben Taravari njëri nga ish liderët e VLEN-it, Arben Taravari në emisionin “Vetëm Intervistë” në Kanal 5 ka hedhur akuza të reja në drejtim të VLEN-it dhe liderëve të saj se për gjatë kohës kur ishte pjesë e këtij koalicioni në çdo temë në çdo debat që bëhej kur vinte pjesa e votimit pavarsisht arsyeshmërisë unë mbivotohesha në raport tre me një. Kjo qasje më la të kuptoj se ne dhe Alenaca për Shqiptarët ishte e pa dëshiruar në atë koalicion dhe dukej qartë që sdo të funskionoj, shkruan Top24
-
Lajme2 months agoZbulohet Identiteti i Personit Të Vrarë Në Tetovë
-
Lajme1 year agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme2 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
