Lajme

Dy persona kapen duke kontrabanduar “iPhone” në kufirin me Bullgarinë, telefonat me vlerë mbi 350 mijë denarë konfiskohen

Janë ngritur kallëzime penale ndaj dy personave për veprën penale “kontrabandë” të telefonave celularë “iPhone”, me vlerë prej 355 mijë denarësh.

Rasti është zbuluar në pikën kufitare Novo Sello, kur gjatë një kontrolli të detajuar të automjetit me të cilin udhëtonin të dyshuarit, në bagazh janë gjetur gjithsej pesë telefona të rinj “iPhone 16”, prej të cilëve tre “iPhone 16 Pro Max”, si dhe një “iPhone 16 Pro Max” i përdorur.

Rasti është dorëzuar në Sektorin për Kontroll dhe Hetime, ku janë ndërmarrë veprime paraprake hetimore. Gjatë procedurës është vërtetuar se i dyshuari i parë, në marrëveshje me të dytin, ka pranuar telefonat celularë të porositur më parë nga një person në Bullgari, të paguar me 5 mijë euro në kriptovalutë. Pas marrjes, telefonat janë fshehur në bagazhin e veturës për të shmangur kontrollin doganor dhe pagesën e detyrimeve ndaj shtetit në shumën prej 64 mijë denarësh.

Telefonat janë konfiskuar, ndërsa kundër dy të dyshuarve është dorëzuar kallëzim penal në Prokurorinë Themelore Publike të Strumicës.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.