Lajme

Vetëm tri gra në garë për kryetare komune

Në raundin e dytë të zgjedhjeve lokale, që do të mbahet të dielën, më 2 nëntor, nga gjithsej 33 komuna ku do të zhvillohet votimi, vetëm tri gra janë kandidate për postin e kryetares së komunës.

Sipas të dhënave nga Komisioni Shtetëror Zgjedhor (KSHZ), kandidate janë Sonja Stamenkova në Komunën e Maqedonska Kamenicës, e mbështetur nga koalicioni “Zgjedhjet Lokale 2025 – LSDM”, si dhe Marija Naceva në Komunën e Negotinës dhe Natalija Dimitrieva në Demir Kapi, të dyja nga koalicioni “Maqedonia Jote – VMRO-DPMNE”.

Në raundin e parë të zgjedhjeve lokale 2025, vetëm një grua u zgjodh kryetare komune – Beti Stamenkoska Trajkoska nga VMRO-DPMNE, e cila do të udhëheqë Komunën e Kisella Vodës.

Nga gjithsej 44 kryetarë komunash të zgjedhur në raundin e parë, kjo përfaqëson vetëm 2.2 për qind përfaqësim gjinor.

Në këto zgjedhje morën pjesë gjithsej 309 kandidatë për kryetarë komunash, prej të cilëve vetëm 32 ishin gra, që përbën 10.35 për qind të numrit të përgjithshëm të kandidatëve.

Numrin më të madh të kandidateve – tri – e pati Prilepi, ndërsa nga dy gra garuan në Manastir, Veles, Karposh, Kisella Vodë, Negotinë dhe Qendër.

Në 16 komuna dhe në Qytetin e Shkupit garoi vetëm nga një kandidate, ndërsa në shumë komuna nuk pati asnjë grua në fletët e votimit.

Në raundin e dytë të zgjedhjeve të drejtë vote kanë 1.013.375 qytetarë, ndërsa votimi do të zhvillohet në 33 komuna ku asnjë kandidat nuk siguroi shumicën e votave në raundin e parë./TV21

Lajme

Superlajm për tifozët e Shkëndijës së Tetovës

Tifozët e KF Shkëndijës dhe dashamirësit e futbollit do të kenë mundësinë të ndjekin sërish nga afër paraqitjen e kuqezinjve në skenën evropiane.

Televizioni Publik TVM2 ka siguruar të drejtat e transmetimit direkt për ndeshjen e rëndësishme të raundit të tretë kualifikues të Ligës së Konferencës.

Ekipi nga Tetova do të përballet në udhëtim me skuadrën skoceze Hibernian, në një duel që premton emocione të mëdha dhe rivalitet të lartë për kalimin në fazën tjetër.

Lajme

Shtrenjtohet edhe më shumë nafta në Maqedoninë e Veriut

Komisioni Rregullor për Energjetikë (KRRE) ka marrë vendim të ri për çmimet e derivateve të naftës, të cilat do të pësojnë ulje dhe ngritje, duke filluar nga mesnata.

Sipas vendimit të fundit, çmimi i benzinave do të ulet për 2 denarë për litër. Nga ana tjetër, çmimi i derivateve të tjera shënon rritje: nafta do të shtrenjtohet për 1 denarë, ndërsa vaji ekstra i lehtë për 0,5 denarë për litër.

Çmimet e reja të derivateve të naftës:

EUROSUPER BS-95: 91,0 denarë/litër

EUROSUPER BS-98: 93,0 denarë/litër

EURODIESEL (Nafta): 99,5 denarë/litër

Vaji ekstra i lehtë (EL-1): 98,5 denarë/litër

Çmimet e reja do të hyjnë në fuqi pas mesnate dhe do të vlejnë në të gjitha pikat e karburanteve në vend.

Lajme

Rrahja brutale në Gostivar, policia identifikon katër veta

Ministria e Brendshme përmes një njoftimi informoi se ka identifikuar tre persona të cilët, sipas një videoje në rrjetet sociale, kanë sulmuar dhunshëm dy të rinj në Gostivar.

Policia shpjegon se personat e identifikuar janë dy të mitur nga Gostivari dhe një 20-vjeçar nga Shkupi.

„Dy të mitur nga Gostivari janë thirrur në stacionin policor për bisedë zyrtare, ndërsa dokumentet e tyre të udhëtimit janë konfiskuar me urdhër të prokurorit publik. Personi i tretë është V.D. (20) nga Shkupi, për të cilin është dërguar njoftim zyrtar në Stacionin Policor në Shkup për procedurë të mëtutjeshme“, njoftoi policia.
Ata theksojnë se ndaj të treve do të zbatohet një procedurë e përshpejtuar para gjykatës sapo të kompletohet dokumentacioni i plotë për rastin. Sipas autoriteteve, sulmi ka ndodhur në orët e para të mëngjesit të 2 gushtit në rrugën „Borçe Jovanoski“, ku dy të rinj janë goditur me mjete dhe shkopinj druri.

Në rrjetet sociale u shfaq një video-incizim shqetësues nga Gostivari, në të cilin shfaqet një përleshje e ashpër fizike mes një grupi më të madh të rinjsh.

Sipas informacioneve të publikuara, gjatë rrahjes, njëri nga djemtë është goditur në pjesën e kokës, pas së cilës ka rënë në tokë dhe ka mbetur i palëvizshëm.
Përkundër faktit se po shtrihej në rrugë, në incizim shihet se sulmi ka vazhduar me goditje të shumta ndaj trupit të tij, gjë që ka shkaktuar reagime dhe dënime të ashpra në rrjetet sociale.(INA)