Lajme

Nënkryetari i Kuvendit, Miloshoski mori pjesë në Samitin e 4-t Parlamentar të Platformës Ndërkombëtare për Krimen dhe zhvilloi takime bilaterale në Stokholm

Në margjinat e Samitit të Katërt Parlamentar të Platformës Ndërkombëtare për Krimen, i cili u mbajt më 23 dhe 24 nëntor 2025 në Stokholm, Mbretëria e Suedisë, nënkryetari i Kuvendit, Antonio Miloshoski, zhvilloi disa takime me kolegë të tij nga parlamente të ndryshme.

Në takimin me Fabio Rampelli, nënkryetar i Parlamentit të Italisë, u diskutua për mundësitë e avancimit të marrëdhënieve maqedono-italiane, për mbështetjen që Italia u jep të gjitha vendeve të Ballkanit Perëndimor, si dhe për sfidat e sigurisë në kontekstin e luftës në Ukrainë.

Nënkryetari Miloshoski zhvilloi takim edhe me Daiga Mieriņa, kryetare e Parlamentit të Letonisë. Në këtë takim u bisedua për situatën në Bashkimin Evropian, për luftën dhe sfidat me të cilat përballet Ukraina, si edhe për marrëdhëniet miqësore dypalëshe me Maqedoninë dhe mundësitë për avancimin e tyre të mëtejshëm. Në takimin me Peter Haubner, nënkryetar i dytë i Parlamentit të Austrisë, biseda u fokusua në marrëdhëniet e shkëlqyera bilaterale, mundësitë për forcimin e lidhjeve ekonomike dhe interesin e përbashkët për përshpejtimin e procesit të integrimit evropian të të gjitha shteteve të rajonit.

Nënkryetari i Kuvendit të Republikës së Maqedonisë së Veriut, Antonio Miloshoski, i shoqëruar nga zëvendësi i Sekretarit të Përgjithshëm, Boban Stojanovski, mori pjesë në Samitin e Katërt Parlamentar të Platformës Ndërkombëtare për Krimen, i cili u mbajt më 23 dhe 24 nëntor 2025 në Stokholm, Mbretëria e Suedisë. Samiti u mbajt me ftesë të Kryetarit të Riksdagut, Dr. Andreas Norlén, dhe Kryetarit të Radas së Lartë të Ukrainës, Ruslan Stefanchuk. Ky samit paraqet vazhdimësinë e takimeve të mëparshme të këtij formati, të mbajtura në Zagreb në vitin 2022, në Pragë në vitin 2023 dhe në Riga në vitin 2024. Në Samit morën pjesë përfaqësues të parlamenteve të 41 shteteve nga e gjithë bota, si edhe kuvende parlamentare nga gjashtë organizata ndërkombëtare.

Brenda Samitit, nënkryetari i Kuvendit, Antonio Miloshoski, mbajti një fjalim, ku u ndal në disa aspekte kyçe përmes të cilave fokusohet mbështetja ndaj Ukrainës. Ai, ndër të tjera, theksoi se:

është me rëndësi të jashtëzakonshme që Ukraina të mbështetet në këto dhe ngjarje të ngjashme ndërkombëtare, ku dërgohet mesazhi i qartë se Ukraina nuk është e vetme në këtë luftë; fitorja e Ukrainës është edhe fitorja jonë, ndërsa disfata e saj do të ishte disfatë e përbashkët e komunitetit demokratik;
çdo parlament dhe çdo individ duhet të gjejë mënyrën për t’ua përcjellë Shteteve të Bashkuara të Amerikës mesazhin për nevojën e mbështetjes së vazhdueshme ndaj Ukrainës, deri në arritjen e një paqeje të drejtë dhe të qëndrueshme;
për Bashkimin Evropian është shumë e rëndësishme të bëjë hapin e radhës dhe të nisë negociatat e anëtarësimit me Ukrainën;
vendi ynë, ashtu si deri tani, do të vazhdojë mbështetjen për Ukrainën brenda mundësive të saj – në fushën ushtarake, diplomatike dhe logjistike.

Në përfundim të Samitit, pjesëmarrësit miratuan një Deklaratë të Përbashkët, përmes së cilës shprehën vendosmërinë e tyre për të vazhduar mbështetjen ndaj Ukrainës në përpjekjet për rikthimin e paqes, sovranitetit dhe stabilitetit të vendit.

Lajme

Tregjet plot, qytetarët po përgaditen për festën e Kurban Bajramit

Me afrimin e festës së Kurban Bajramit, qytetarët kanë filluar përgatitjet tradicionale që shoqërojnë këtë ditë të rëndësishme për besimtarët myslimanë. Në tregje dhe dyqane vërehet një gjallërim i shtuar, ku kërkesa për produkte ushqimore dhe ëmbëlsira festive, si bakllavaja, është në rritje. Por krahas atmosferës festive, qytetarët përballen edhe me çmime të ndryshuara të produkteve, ndërsa shumë prej tyre po planifikojnë nëse do të therrin kurban këtë vit. Ne ishim në terren për të parë nga afër se si po përgatiten qytetarët dhe shitësit për Kurban Bajramin dhe se çfarë atmosfere mbizotëron në prag të festës.

Qytetar, shitës

“Interesim ka më shumë tek arrat, edhe tek bonbonat, çokollatat, po harxhohen momentalisht më mirë është si kundër tjera dit, më mirë është. Arrat vjet i kemi pasur 450 denarë ja çmimi përsëri i ke 450 denarë i njëjti çmim është si vjet si sivjet. Po qytetarët normal, ankesa ka, se gjërat e tjera janë më shtrejtë, jo matura, ka harxhime më shumë, tash dy tre festa kanë ardhur përmenjëherë aty është problemi, por përsëri ka interesim harxhohen. Normal me bakllavë, me mysafir, me tana të mirat si krejt edhe ne. Kuptimi është shumë i madh kush e kupton. Duhet me shku me hecë, me bo izaret familjen, e jo vetëm për një ditë. Tash duhet pak më mirë me e vazhdu traditën”.

Qytetar

“Shumë mirë mezi se e presim. Jo jo nuk i kemi renet për kurban, nuk janë edhe shumë shtrenjtë por neve nuk po na e qet me rrogë të vogël. Po takimet me familjarët, tek vllaznia, tek minxhallarët e kështu. Nuk mungon mishi, patjetër mishi është. Ëmbëlsira bakllava e ka vendin e parë. Dashuri, më të mira tana. Po kemi blerë, nësë jo për fëmijët për kë”.

Qytetar

“po, kismet, nuk është i shtrenjtë, mundet edhe me lirë por mirë është. Traditat fetare edhe kombëtare. Krejt, azgjë nuk mungon, krejt janë tradicionale me bakllavë e me krejt”.

Ndërkohë, një shitës ka folur për rritjen e çmimeve. Ai ka thënë se rritja e çmimeve në përgjithësi i ka detyrur që të rrisin edhe ata çmimet e produkteve elementare.

Qytetar, shitës

“Po për festën e bajramit tash marrin bakllavë, kadaif, arra për festat më shumë shkojnë këto, bakllava ka më shumë interesim për bajram,ka interesim më shum se sa ditëve të tjera. Mirë e presim me punë me festë. Po ka dallim te çmimet, janë rrit pak nuk janë si më parë, çdo artikull ka hyp edhe ne e kemi hyp çmimin. Po kanë ankesa, kanë mungesa të rrogave. Po bakllavën, kadaifin ajo është tradita e bajramit, si mos të ketë bakllavë nuk ka bajram”.

Qytetar

“Mir, si zakonisht mirë është, mesiguri po, në krahasim me vitet e tjera mirë është, prapë mirë është. Si zakonisht që i kan bë edhe ne i bëjmë, si të parët e tonë edhe ne. Po zbesoj që mungon dicka krejt janë si zakonisht, në përgjithësi të gjitha nga pak. Po normal, normal, si zakonisht si zakonisht krejt traditat tona që janë shqipëtare, krejt ato. Po në atë kuptimin e plotë dihet fetar, me rrëndësi është inshaallah çka është më mirë në këtë vit edhe për në kurban bajram po edhe çdoher të jemi mirë”.

Ndërsajanë duke u përmbyllur blerjet për Kurban Bajram, tregjet vazhdojnë të jenë të mbushura me lëvizje dhe gjallëri. Atmosfera e festës po ndihet gjithnjë e më shumë në çdo cep të qytetit, në pritje të ditës së Kurban Bajramit.

Anida Murati /SHENJA/

Lajme

Interesimi i madh për blerjen e kurbanëve, pavarësisht çmimeve të larta

Tregjet e shitjes së kurbanëve nuk janë mbushur veç me kurbana, por janë mbushur edhe me qytetarë që, pavarësisht sfidave ekonomike dhe rritjes së çmimeve, vazhdojnë ta ruajnë me përkushtim këtë traditë fetare.

MEVLUDIN IMERI –GAZETAR

Në vigjilje të festës së Kurban Bajramit, interesimi për blerjen e kurbanëve nga ana e qytetarëve është rritur, e kjo vërehet në pikat e shitjes së kurbanëve. Çmimi i kurbanëve, varion nga lloji dhe madhësia e kafshës që qytetarët e duan. Por, se ka dallime në çmime nga viti i kaluar, e pranojnë edhe vet shitësit.

Edhe qytetarët e konfirmojnë ndryshimin e çmimeve nga viti në vit, por thonë se Kurban Bajrami mbetet një obligim shpirtëror dhe një traditë që nuk mungon në familjet e tyre.

BLERËS

E pam që morët kurban? A prisni për çdo vit kurban Po presim për çdo vit, këtë vit do të prisni dele? Po kismet. A e vëreni dallimin në çmime, po ka dallim, lëviz çmimi për çdo vit.

Shitësit shprehen të kënaqur nga interesimi i qytetarëve por e pranojnë edhe faktin se çmimet kanë ndryshuar për dallim nga viti i kaluar.

SHITËS

A ka interesim? Po, ka interesim, ai që e ka menden me ble, vjen nuk bën shumë pauar e merr shkon, Allahu ishalla ja ban kabull. Çmimi ka pak dallim, po malli i mirë gjithmonë vlerësohet. Fillojnë nga 250, 300, 350, ka edhe 200, po simbas mallit edhe pazari.

Për shumë besimtarë, prerja e kurbanit nuk është vetëm një rit fetar, por edhe simbol i solidaritetit, sakrificës dhe ndihmës për familjet në nevojë. Ndërsa festa afrohet, atmosfera festive dhe përgatitjet për kremtim tashmë ndihen në çdo treg të shitjes së kurbanëve.

Lajme

MPB del me sqarim për të shtënat në Haraçinë

Rasti i djeshëm në Haraçinë i cili bëri bujë në opnion, ku policia ka shtënë me armë zjarri, pasi të njëjtët kanë tentuar ta ndalojnë një kamion, i cili ishte i ngarkuar me dru, sot nga Ministria e Punëve të Brendshme kanë dalë me sqarim rreth ngjarjes. Sipas MPB-së, policia gjatë ditës së djeshme ka shtënë me armë në formë paralajmëruese gjatë ndjekjes së një personi të dyshuar për kontrabandë me dru.

MINISTRIA E PUNËVE TË BRENDSHME

“Më 24.05.2026 rreth orës 12:00, në hyrje të fshatit Haraçinë, në rajonin e Shkupit, zyrtarët policorë i kanë dhënë shenjë për ndalim një kamioni të ngarkuar me dru, por shoferi nuk është ndalur dhe ka vazhduar lëvizjen. Më pas, shoferi e ka drejtuar kamionin drejt policëve dhe automjetit zyrtar, pas së cilës policët kanë shtënë plumba paralajmërues në ajër. Shoferi i ka shkarkuar drutë në rrugë dhe është larguar me automjetin në drejtim të panjohur. Nuk ka persona të lënduar, ndërsa drutë i janë dorëzuar Policisë Pyjore. Po ndërmerren masa për gjetjen e shoferit dhe automjetit”.

Reagim për këtë ngjarje ka bërë edhe kryetari i komunës së Haraçinës, Daut Beqiri, i cili thotë se çdo aksion nga policia duhet të zhvillohet me profesionalizëm dhe kujdes maksimal ndaj sigurisë së qytetarëve.

DAUT BEQIRI, KRYETAR I KOMUNËS SË HARAÇINËS

“Menjëherë pas rastit të ndodhur në Haraçinë, dola në vendin e ngjarjes për ta parë nga afër situatën dhe për të biseduar me qytetarët. Fatmirësisht nuk pati të lënduar, por shqetësimi tek banorët ishte i madh, pasi ngjarja ndodhi në një zonë të banuar me familje. Si kryetar komune, jam për zbatimin e ligjit dhe ruajtjen e rendit, por çdo aksion duhet të zhvillohet me profesionalizëm dhe kujdes maksimal ndaj sigurisë së qytetarëve”.

Beqiri kërkon nga institucionet kompetente që rasti të shqyrtohet me seriozitet, në mënyrë që siç tha, raste të tilla të mos përsëriten dhe qytetarët të ndihen të sigurt në vendin e tyre.