Lajme

Profesori Driton Haruni: Kasami duhet të jetë lider i VLEN-it, e ka dëshmuar se ka aftësi dhe sjell rezultate

Profesori universitar Driton Haruni, ka bërë një analizë rreth asaj se kush duhet të jetë lider i VLEN-it. Në një postim në Facebook, ai thekson se nëse merren parasysh aftësia për të udhëhequr dhe rezultatet, atëherë Bilall Kasami duhet të jetë kryetar i VLEN-it.
Ai gjithashtu e përmend faktin se Bilall Kasami ka ndërtuar një parti nga zero dhe arriti ta çojë në pesë deputet, ndërsa sot është kryetar i komunës më të rëndësishme shqiptare.
Profesor Haruni më tej thotë se Bilall Kasami nuk është i ngarkuar me etiketën si “tradhtar”, pasi asnjëherë nuk ka pasur lider.
“Kur flasim për lidershipin brenda “Vlen”-it, zakonisht përmenden dy figura: Mexhiti dhe Kasami. Që të dy vijnë me histori të ndryshme politike, por nganjëherë më me rëndësi se prej nga vijnë, është si perceptohen dhe çfarë kanë ndërtuar vetë. Kasami ka ndërtuar një parti nga zero dhe arriti ta çojë në 5 deputetë, pati një periudhë përçarjeje që e uli në 2, por sërish u organizua dhe doli me 6 deputetë dhe 3 komuna, ku dhe sot është kryetar i Tetovës, komuna më e rëndësishme shqiptare. Për më tepër, ai nuk është ngarkuar me etiketën “tradhtar”, sepse nuk ka pasur ndonjë lider tjetër”.
“Në anën tjetër, Izet Mexhiti vjen me një karrierë shumë të gjatë në BDI, edhe ate mbi 20 vjet me të gjitha benefitet dhe pozicionet që ka mbajtur. Largimi i tij nga partia u lexua si tradhti nga një pjesë, sepse i doli kundër liderit me të cilin ka punuar gjithë jetën politike. Megjithatë, edhe ai ka treguar se ka bazë reale nga fakti se me parti të re, ariti te fitoj 4 deputetë dhe 2 komuna të rëndësishme, përfshirë Çairin, që gjithmonë ka pasur peshë politike te shqiptarët”.
“Historia politike e shqiptarëve këtu tregon se liderët e mëdhenj përgjithësisht kanë dalë nga tre zona: Tetova, Gostivari dhe më vonë Kërçova. Kjo e mban Kasamin në një pozitë të favorshme, sepse Tetova ka qenë gjithmonë qendra e gravitetit politik.
Sa i përket përvojës, realisht të dy e kanë. Por nëse e shohim nga këndvështrimi i suksesit të mundshëm si kryetar i “Vlen”-it, për mua bilanci anon nga Kasami. Arsyeja është e thjeshtë: Mexhiti pothuajse gjithë karrierën e vet e ka kaluar si pjesë e qeverisë dhe kur je në pushtet, fitorja është gjithmonë më e lehtë, dhe ka qenë nën ombrellën e Ali Ahmetit, ndërsa Kasami, në të kundërt, ka vepruar për vite nga opozita dhe sërish ka ditur të ndërtojë strukturë, organizim dhe rezultat zgjedhor. Si përfundim mund të them që: të dy janë politikanë me peshë, por nëse flasim për aftësinë për të udhëhequr një subjekt të madh dhe për të prodhuar rezultat edhe kur kushtet nuk të favorizojnë, Kasami më duket më i qëndrueshëm dhe më i suksesshëm”, ka shkruar profesori Driton Haruni.

Lajme

30 përqind më shtrenjtë, por kontejnerët e papastruar. Kumanovarët ankohen!

Kështu duken disa nga rrugët kryesore të Kumanovës në pikë të verës, ku qyteti gëlon gjithkah, pasi këtu janë edhe mërgimtarët.

Temperaturat arrijnë rreth 40°C e kontejnerët e mbeturinave mbeten të tejmbushur me javë.

Jo vetëm në bulevardet kryesore, por edhe në disa rrugë e rrugica që i denoncuan qytetarët.

Nga ana tjetër prej muajit korrik janë shtrenjtuar për 30% faturat e mbeturinave në Kumanovë.

Vendimi i Këshillit komunal ka irrituar qytetarët, të cilët shprehin revoltën e tyre gjatë pagesave në sportele. Ata thonë jo vetëm që u kushton më shumë, por vonesat në mbledhje të plehrave po ndodh tani në 6 muajt e fundit. Druajnë për ndonjë epidemi nga papastërtitë nëpër rrugë.

Nga N.P. “Pastrimi dhe Gjelbërimi” në Kumanovë thonë se në sezon të verës janë kurbetçinjtë që po bëjnë konsum të shtuar dhe si rrjedhojë ka mbingarkesë të mbeturinave në qytet. Ushtruesi detyrës drejtor Sasho Tomiq tha se kanë vënë të gjitha kapacitet në funksion, por aq kanë fuqi.

“Në këtë periudhë, në 30 ditët e fundit, ka numër të shtuar të bashkë qytetarëve tanë, të cilët përkohësisht janë duke punuar në vendet perëndimore, andaj këtu është rritur frekuentimi në Kumanovë dhe vendbanimet përreth qytetit, njëkohësisht është rritur dhe sasia mbeturinave nëse rëndomë kemi hequr 60 ton mbeturina në ditë, tani heqim 70-80 ton mbeturina në ditë”, tha Sasho Tomiq – u.d drejtor i N.P “Pastrimi dhe Gjelbërimi” – Kumanovë.

Përndryshe, nga drejtoria ankohen se po punojnë me kamionë të vjetruar dhe në numër të paktë, ku ka mungesa edhe në punëtorë. Madje, ushtruesi detyrës që udhëheqë ndërmarrjen tha se e ka gjetur të mbytur në borxhe, ku vetëm ndaj DAP kanë paguar 20 milionë denarë për 8 muaj. Borxhe kanë edhe ndaj kompanive që blejnë pjesë rezervë të kamionëve dhe ndaj pagave të punëtore, disa prej të cilëve kanë nisur procese gjyqësore. Ndërsa, veç rreth 80% e faturave paguhen rregullisht nga ana e qytetarëve, të cilëve u bëhet thirrje të shlyejnë borxhet me kohë, duke iu mundësuar pagesat me këste, për ti evituar shpenzimet e noterëve dhe përmbaruesve.

Lajme

Tajfuni godet Kinën, evakuohen mbi 1 milion banorë

Kina po përgatitej prej disa ditësh për mbërritjen e stuhisë në bregdetin lindor, ndërsa puna dhe shërbimet e transportit ishin pezulluar në disa zona përgjatë trajektores së parashikuar të saj.

Qendra e tajfunit kaloi mbi bregdetin afër qytetit Yuhuan, në provincën Zhejiang, rreth orës 17:30 (09:30 GMT), tha Qendra Kombëtare Meteorologjike e Kinës në një postim online, shkruan Yahoo News.
Shpejtësia maksimale e erës afër qendrës së tajfunit ishte mbi 150 kilometra në orë në momentin kur ai preku tokën, njoftoi Qendra Meteorologjike. Në pjesët qendrore dhe lindore të Zhejiang-ut pritet të bien nga 250 deri në 500 mm reshje shiu.

Autoritetet zhvendosën më shumë se 900,000 banorë nga qyteti i Wenzhou-ut dhe hapën më shumë se 1,000 strehimore emergjente.

Rreth 1,400 fluturime nga dhe drejt dy aeroporteve kryesore të pasagjerëve në Shanghai u anuluan të dielën, raportoi transmetuesi shtetëror CCTV.

Lajme

Vuçiq: Deklarata e Zelenskyt, goditja më e madhe kundër shqiptarëve në 14 vjet

Presidenti i Serbisë, Aleksandar Vuçiç, ka thënë se në Prishtinë po bëhet “gjueti shtrigash” kundër presidentit ukrainas, Volodymyr Zelensky, pas deklaratës së tij kundër pavarësisë së Kosovës në Beograd.

“Prishtina ka reaguar shumë ashpër kundër Zelenskyt. Atje po bëhet një gjueti shtrigash kundër tij. Vetëm imagjinojeni çfarë rezultati do të ishte sikur të vinte dhe të thoshte: ‘Po, Kosova është Serbi’. A kanë pasur shqiptarët goditje më të fortë se kjo në 14 vitet e fundit?”, ka thënë Vuçiç të dielën në Beograd.

Ai është pyetur nga gazetarët nëse pret ndonjë pasojë për serbët e Kosovës pas kësaj. Ai ka thënë se “e di që është shumë e vështirë për ta, por ne nuk mund të luftojmë kundër NATO-s”.