Lajme

Për nëntë ditë, policia ka shqiptuar mbi 6 mijë gjoba për shkelje të rregullave në trafik

Në nëntë ditët e fundit të dhjetorit, janë regjistruar 6151 shkelje të rregullave të trafikut, 44 persona janë burgosur për drejtim mjeti të pakujdesshëm në përputhje me nenin 297-a të Kodit Penal.

MPB Maqedoni njofton se në periudhën nga 01 dhjetor deri 9 dhjetor 2025, si rezultat i kontrolleve të rregullta të trafikut të kryera nga oficerët e policisë nga të gjitha departamentet e punëve të brendshme në rrugët në të gjithë vendin, janë lëshuar gjithsej 6151 urdhërpagesa, prej të cilave 1573 shkelje lidhen me shoferë që nuk kanë respektuar kufirin e shpejtësisë së përcaktuar.

“44 persona janë arrestuar për vozitje të pakujdesshme në përputhje me nenin 297-a të Kodit Penal, nga të cilët 33 për vozitje nën ndikimin e alkoolit, dy shoferë për vozitje në drejtim të ndaluar, pesë persona për vozitje me shpejtësi më të lartë se shpejtësia e lejuar në vendbanim dhe katër persona për vozitje me shpejtësi më të lartë se shpejtësia e lejuar jashtë vendbanimeve”.

“Sipas rishikimit statistikor të aktiviteteve policore, janë regjistruar 1511 shkelje për parkim të paligjshëm, janë vendosur 620 masa ndaj shoferëve që vozitnin pa leje drejtimi, 39 sanksione për kalim në semafor të kuq, 32 masa për shkelje të kryera nga këmbësorët, si dhe 173 sanksione për drejtim nën ndikimin e alkoolit”.

“Gjithashtu janë sanksionuar 349 pjesëmarrës në trafik që nuk kanë përdorur rripin e sigurimit, si dhe 214 masa për shoferë për përdorim të telefonit celular gjatë drejtimit. Në përputhje me Ligjin për Automjetet, 119 automjete janë hequr nga trafiku për shkak se nuk ishin të regjistruara, dhe 62 për shkak të mosfunksionimit teknik”, thonë nga MPB.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net