Sport

Drilon Islami: Kam qenë tifoz i Shkëndijës, kam ardhur për tituj dhe për aventurën europiane

Pasi tashmë zyrtarisht është futbollist i Shkëndijës, mefshori defanziv nga Kosova, Drilon Islami ka folur për herë të parë si kuqezi. 25 vjeçari me bindje ka zgjedhur të pranojë ofertën e Shkëndijës, duke besuar në ecuri pozitive me fanellën kuqezi.

Drilon Islami: “Shkëndija, pasi është një nga klubet më të organizuara shqiptare edhe çdo vit synon titullin kampion dhe pjesëmarrjen në Europë. Këto janë ambiciet e mia dhe kjo është arsyeja pse unë e kam zgjedhur Shkëndijën. Nuk e kisha të vështirë të vendos, aspak.”

…përshtypjet në klub…

Drilon Islami: “Përshtypjet janë shumë të mira, pasi si klub janë shumë të organizuar si në administratë, ashtu edhe në fushë dhe ky është një motiv shtesë për mua që së bashku me klubin t’i arrijmë qëllimet dhe objektivat tona.”

…ecuria evropiane…

Drilon Islami: “Më është dukur shumë e mirë, pasi kanë investim të madh në futbollin e Maqedonisë dhe shqiptari në përgjithësi. Mendoj së është shumë mirë dhe mendoj se çdo vit Shkëndija duhet të jetë në grupet e Ligës së Konferencës dhe për të synuar sa më larg.”

…ke ndjekur ndeshjet evropiane…

Drilon Islami: “Po patjetër, i kam parë ndeshjet dhe i kam shikuar me vëmendje të gjitha duelet e Shkëndijës. I kam ndjekur edhe më herët ndeshjet e Shkëndijës, por këto të Europës tani më shumë, pasi janë motiv shumë i madh për mua për të luajtur së bashku me ekipin që kam ndjekur dhe për të vazhduar edhe më shumë të jemi në garat e Conference League.”

…ke bërë tifo ndeshjet e fundit…

Drilon Islami: “Po, sidomos në ndeshjen e fundit që e keni humbur, e kam shikuar dhe kam qenë tifoz i madh, pasi për mua tani që jam pjesë e Shkëndijës me rëndësi është ecuria e klubit dhe së bashku ti arrijmë objektivat e caktuara.”

…gjysmësezoni pranveror…

Drilon Islami: “Normalisht, kam ardhur në një klub që është shumë i organizuar dhe që dihet që çdo sezon synohet titulli dhe pjesëmarrja në Europë. Unë gjithashtu kam ardhur me objektiva të qarta për tu bërë kampion dhe për ti ndihmuar klubin si në kampionat ashtu edhe në garat europiane.”

…”Ballistët”…

Drilon Islami: “Patjetër, është kënaqësi të luaj para tifozëve të flaktë si “Ballistët” dhe shpresoj që në fund të sezonit do ti gëzojmë ata si me titullin kampion dhe me pjesëmarrjen në Europë.”

…si duket Shkëndija nga jashtë…

Drilon Islami: “E kam ndjekur një kohë të gjatë Shkëndijën në të gjitha aspektet, duke përfshirë edhe punën e medias dhe rrjeteve sociale. Nga jashtë duket shumë e organizuar, por tani që jam brenda këtu është diçka krejtësisht tjetër. Unë kam luajtur edhe në klube tjera, por Shkëndija është tjetër nivel, mund të them nivel europian. Besoj që të gjitha këto kushte të mira duhet t’i përkthejmë në rezultate të mira e tituj dhe ti gëzojmë të gjithë si tifozët, si veten dhe klubin.”

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Sport

Shkëndijën ska kush e ndal, fiton edhe në Kratovë ndaj Sileksit

Shkëndija e Tetovës vazhdon me rezultate pozitive në kampionat, raporton SHENJA. Kuqezinjtë tetovarë regjistruan fitoren e pestë radhazi, pasi në kuadër të xhiros së 5-të të elitës mposhtën Sileksin me rezultat 2:0. Pjesa e parë e takimit u mbyll pa gola, ndërsa Shkëndija e zhbllokoi rezultatin në minutën e 53-të. Meliqi realizoi për epërsinë 1:0 të miqve. Kuqezinjtë vazhduan të kërkonin golin e dytë dhe e gjetën atë në minutën e 87-të, kur Xengue shënoi për 2:0, duke vulosur edhe rezultatin përfundimtar të ndeshjes.

Me këtë fitore, Shkëndija shkon në kuotën e 15 pikëve pas pesë xhirove, ndërsa Sileksi mbetet me 7 pikë. /SHENJA/

Lajme

Kush është Valdrin Uka, drejtori i ri ekzekutiv i Shkëndijës

Më shumë se shtatë vite pjesë e klubit, Uka është një nga kuadrot e rritura dhe të përgatitura brenda strukturave të Shkëndijës, ndërsa ndryshimet e fundit pasqyrojnë planin e klubit për të ndërtuar një menaxhment të qëndrueshëm me njerëz nga brenda.

Ndryshimet e fundit në strukturën e KF Shkëndija nuk janë të rastësishme. Përtej emërimeve të reja në pozita drejtuese, ato pasqyrojnë një filozofi të qartë të klubit për të përgatitur kuadro nga brenda dhe për t’u besuar atyre përgjegjësi gjithnjë e më të mëdha.

Në qendër të këtij riorganizimi është Valdrin Uka, i cili është emëruar Drejtor Ekzekutiv i Shkëndijës. Uka është pjesë e klubit prej më shumë se shtatë vitesh dhe gjatë kësaj periudhe ka qenë pranë strukturave drejtuese, duke ndjekur nga afër funksionimin dhe zhvillimin e klubit. Vitet e kaluara në menaxhmentin e Shkëndijës e kanë shërbyer si një proces i gjatë përgatitjeje dhe kalitjeje për përgjegjësinë e re.

Në të njëjtën linjë janë edhe ndryshimet në Departamentin Sportiv. Erhan Selimi, deri tani Drejtor i Shkollës së Futbollit, avancon në pozitën e Drejtorit Sportiv, ndërsa Festim Ademi, pas rolit të Team Menaxherit, emërohet Drejtor Teknik i Departamentit Sportiv.

Të tre emërimet kanë një të përbashkët: bëhet fjalë për njerëz që tashmë njohin nga afër klubin, strukturën dhe mënyrën e funksionimit të tij. Kjo tregon se Shkëndija prej kohësh ka punuar në krijimin dhe përgatitjen e kuadrove të veta për pozita udhëheqëse.

Me vizionin dhe mbështetjen e drejtuesve dhe sponsorit të klubit, ndryshimet janë pjesë e një plani për një organizim më të balancuar dhe më profesional, duke ndjekur modelin e klubeve moderne ku investimi nuk bëhet vetëm te skuadra, por edhe te njerëzit që e drejtojnë dhe e zhvillojnë organizatën.

Në këtë drejtim, Shkëndija po tregon se kuadrot nuk kërkohen vetëm jashtë klubit, por ndërtohen, zhvillohen dhe përgatiten edhe brenda tij.