Lajme

Shtrenjtohet çmimi i naftës, zboloni çmimoren e re

Komisioni Rregullator për Energjetikë ka dhënë miratimin për çmimet maksimale të derivateve të naftës, duke përfshirë TVSH-në e ulur në 10%, në përputhje me ndryshimet ligjore.
Sipas vendimit të KRRE-së, çmimi i naftës rritet për 3,5 denarë, ndërsa ai i vajit ekstra të lehtë shënon rritje prej 2,5 denarë për litër. Ndërkohë, çmimet e benzinave mbeten të njëjta.

Nga 24 mars 2026, ora 00:01, çmimet maksimale janë:
Eurosuper BS-95: 86,50 den/l (pa ndryshim)
Eurosuper BS-98: 88,50 den/l (pa ndryshim)
Eurodizel: 95,50 den/l (+3,50 den)
Vaj ekstra i lehtë për amvisëri: 92,00 den/l (+2,50 den)
Mazut: 47,610 den/kg (+0,157 den)

KRRE thekson se bëhet fjalë për çmime maksimale dhe tregtarët mund t’i ofrojnë edhe më lirë.
Sipas përllogaritjeve, nëse TVSH do të ishte 18%, çmimet do të ishin dukshëm më të larta: benzina +6,50 den/l, dizeli +10,50 den/l, ndërsa vajrat dhe mazuti do të arrinin deri në 99,00 den/l dhe 51,073 den/kg. Në përgjithësi, çmimet janë rritur mesatarisht për 1,39% krahasuar me 16 marsin, si pasojë e rritjes së çmimeve në tregjet botërore dhe kursit të dollarit.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net