Lajme
Mickoski thotë se jemi ndër të parët në Evropë që ulim taksat për karburantet dhe kthejmë 2.5 miliardë euro borxhe
Kryeministri Hristijan Mickoski, në një intervistë në TV Alfa, theksoi se RMV është nga vendet e para në Evropë që zbaton ulje të taksave për karburantet, duke shtuar se nuk duhet harruar që kjo qeveri kthen 2.5 miliardë euro borxhe të vjetra të qeverive të kaluara.
“Përpiqem që, në bazë të atyre informacioneve të cilat i kam dhe i marr nga ana e institucioneve, t’i parashikoj sfidat dhe me propozimet e mia të dal para kolegëve në Qeveri për të debatuar dhe për të nxjerrë zgjidhje, dhe ato zgjidhje duhet të jenë në drejtim të lehtësimit të jetës së qytetarëve në kushte krize, e jo me futjen e panikut apo paranojës shtesë t’ua bëjmë jetën që edhe ashtu është e vështirë, akoma më të vështirë”, deklaroi kryeministri Mickoski.
Kryeministri Mickoski shtoi se nuk ka nevojë të bëhet estradë në një situatë të tillë, por duhet që qeveria ta kryejë punën e saj, t’i parashikojë sfidat dhe të nxjerrë zgjidhje.
“Ne si qeveria e vetme në rajon dhe një nga të rrallat dy ose tri në Evropë, ndërmorëm një hap që është drejtpërdrejt nga buxheti me uljen e TVSH-së, një hap të fortë edhe pse para kësaj ishim të vetëdijshëm se kjo do të ketë në përgjithësi implikime fiskale që mbase do të na jenë barrë. Por, kjo nuk është sfida e vetme me të cilën ne po ballafaqohemi këtë vit. Ne si qeveri duhet të kthejmë 2.5 miliardë euro borxhe të vjetra që i kanë bërë qeveritë paraprake. Kemi marrëveshje kolektive që duhet t’i zbatojmë për kolegët tanë që marrin të ardhura nga qeveria ose institucionet qeveritare, që do të thotë rritje e pagave. Enti Shtetëror i Statistikave ka publikuar se në janar përsëri patëm një rritje prej gati 9% të pagave krahasuar me të njëjtin muaj të vitit të kaluar. Pra, pagat vazhdojnë të rriten, megjithëse kishte histeri nga opozita se pagat nuk po rriteshin. Kemi krizën në Gjirin Persik, kemi këto masa fiskale që nënkuptojnë drejtpërdrejt një ulje të çmimit të karburantit”, theksoi kryeministri Mickoski.
“Të gjitha këto janë sfida serioze me të cilat ne po ballafaqohemi, nga ana tjetër presionet për ndryshimin e Kushtetutës, nga ana tjetër rreziqet e sigurisë të cilat duhet t’i parashikojmë dhe të bëjmë kujdes. Kështu që e gjithë kjo si temë duhet të mbizotërohet, të supozohet, të parashikohet dhe të ofrohen zgjidhje”, deklaroi kryeministri Mickoski.
Lajme
Ministri Hoxha viziton punimet në Kampusin e Universitetit “Nënë Tereza”: Projekti strategjik po merr formë konkrete
Ministri i Mjedisit Jetësor dhe Planifikimit Hapësinor, Muhamet Hoxha, ka vizituar sonte në orët e mbrëmjes nga afër punimet që po zhvillohen në Kampusin e Universitetit “Nënë Tereza” në Shkup, duke parë progresin e realizimit të këtij projekti të rëndësishëm për arsimin e lartë në gjuhën shqipe.
Gjatë vizitës, ministri Hoxha u njoh me dinamikën e punimeve dhe fazat aktuale të ndërtimit, të cilat po zhvillohen sipas planit të paraparë. Ai theksoi rëndësinë e këtij investimi, i cili synon krijimin e kushteve moderne për studentët, stafin akademik, kërkimin shkencor dhe zhvillimin e mëtejshëm të Universitetit “Nënë Tereza”.
Ndërtimi i kampusit universitar për vite me radhë ka qenë një kërkesë dhe një ëndërr e komunitetit shqiptar në Maqedoninë e Veriut, ndërsa sot po shndërrohet në një realitet konkret.
Projekti përfaqëson një hap të rëndësishëm në fuqizimin e arsimit në gjuhën shqipe dhe në krijimin e mundësive më të mira për gjeneratat e reja.
Punimet në kampus po vazhdojnë me intensitet, duke kaluar nëpër etapa të ndryshme të realizimit dhe duke shënuar hapa të rëndësishëm drejt përfundimit të një infrastrukture moderne universitare.
Kampusi i Universitetit “Nënë Tereza” pritet të jetë një hapësirë bashkëkohore për mësim, inovacion dhe zhvillim akademik, duke dëshmuar se investimi në arsim është investim i drejtpërdrejtë në të ardhmen.
https://www.facebook.com/share/r/1cFJY8GeSC/
Lajme
Ministri Hoxha inspekton punimet në Kampusin e Universitetit “Nënë Tereza”: Projekti strategjik po merr formë konkrete
Ministri i Mjedisit Jetësor dhe Planifikimit Hapësinor, Muhamet Hoxha, ka inspektuar sonte në orët e mbrëmjes nga afër punimet që po zhvillohen në Kampusin e Universitetit “Nënë Tereza” në Shkup, duke parë progresin e realizimit të këtij projekti të rëndësishëm për arsimin e lartë në gjuhën shqipe.
Gjatë vizitës, ministri Hoxha u njoh me dinamikën e punimeve dhe fazat aktuale të ndërtimit, të cilat po zhvillohen sipas planit të paraparë. Ai theksoi rëndësinë e këtij investimi, i cili synon krijimin e kushteve moderne për studentët, stafin akademik, kërkimin shkencor dhe zhvillimin e mëtejshëm të Universitetit “Nënë Tereza”.
Ndërtimi i kampusit universitar për vite me radhë ka qenë një kërkesë dhe një ëndërr e komunitetit shqiptar në Maqedoninë e Veriut, ndërsa sot po shndërrohet në një realitet konkret.
Projekti përfaqëson një hap të rëndësishëm në fuqizimin e arsimit në gjuhën shqipe dhe në krijimin e mundësive më të mira për gjeneratat e reja.
Punimet në kampus po vazhdojnë me intensitet, duke kaluar nëpër etapa të ndryshme të realizimit dhe duke shënuar hapa të rëndësishëm drejt përfundimit të një infrastrukture moderne universitare.
Kampusi i Universitetit “Nënë Tereza” pritet të jetë një hapësirë bashkëkohore për mësim, inovacion dhe zhvillim akademik, duke dëshmuar se investimi në arsim është investim i drejtpërdrejtë në të ardhmen.
https://www.facebook.com/share/r/1cFJY8GeSC/
Lajme
Nga Strasburgu, nënkryetarja Musa: Është koha që BE-ja të vlerësojë Maqedoninë e Veriut mbi bazën e meritave
Nënkryetarja e VLEN-it dhe deputetja, Mimoza Musa, ka përcjellë një videomesazh nga Parlamenti Evropian në Strasburg, ku po qëndron në kuadër të programit European Union Visitors Programme (EUVP). Ajo tha se gjatë vizitës po përfaqëson zërin e Maqedonisë së Veriut në qendrat kryesore të vendimmarrjes evropiane, në Bruksel dhe Strasburg, përcjell tetova1
Sipas Musës, programi i ka mundësuar zhvillimin e takimeve me eurodeputetë nga grupe të ndryshme politike, si dhe me ekspertë që punojnë në hartimin e politikave të Bashkimit Evropian.
Ajo theksoi se në këto takime ka prezantuar përkushtimin e Maqedonisë së Veriut ndaj reformave, vlerave demokratike dhe harmonizimit me standardet evropiane, duke nënvizuar se anëtarësimi në Bashkimin Evropian mbetet interes strategjik dhe jetik për qytetarët e vendit.
Musa ritheksoi gjithashtu se Ballkani Perëndimor është një rajon me rëndësi të veçantë për Bashkimin Evropian dhe se integrimi i plotë i tij është i domosdoshëm për stabilitetin, sigurinë dhe paqen në rajon. Ajo kërkoi që Bashkimi Evropian të vlerësojë progresin e vendit mbi bazën e meritave reale, duke shtuar se Maqedonia e Veriut e meriton vendin e saj në familjen evropiane.
Në fund të mesazhit, nënkryetarja e VLEN-it theksoi se përvoja, sugjerimet dhe shkëmbimet me eurodeputetët dhe ekspertët evropianë do të jenë një vlerë e shtuar për punën e saj dhe se angazhimi për procesin e integrimit evropian do të vazhdojë me përkushtim.
“Të nderuar qytetarë, ju përshëndes nga Parlamenti Evropian këtu në Strasburg. Përmes European Union Visitors Programme (EUVP), këto ditë kam nderin të përfaqësoj zërin e Maqedonisë së Veriut në qendrat kryesore të vendimmarrjes evropiane, në Bruksel dhe Strasburg.
Ky program ka qenë një hapësirë e jashtëzakonshme për të zhvilluar një sërë takimesh të rëndësishme me eurodeputetë nga grupe të ndryshme politike, si dhe me ekspertë të fushave të ndryshme që punojnë për politikat e Bashkimit Evropian. Në secilin prej këtyre takimeve, kam shpalosur me vendosmëri të vërtetën mbi rrugëtimin tonë: Maqedonia e Veriut ka dëshmuar përkushtim të palëkundur ndaj reformave, vlerave demokratike dhe harmonizimit me standardet evropiane. Anëtarësimi ynë në BE është një interes strategjik dhe jetik i qytetarëve tanë!
Nga këtu, e ritheksova qëndrimin se Ballkani Perëndimor është arteria më e rëndësishme e BE-së. Integrimi i plotë i rajonit tonë është i domosdoshëm. Ai është një investim ekonomik afatgjatë dhe garancia e vetme për stabilitet, siguri dhe paqe në të gjithë rajonin. Tani është koha që edhe Bashkimi Evropian të dëshmojë kredibilitet, duke vlerësuar progresin tonë mbi bazën e meritave reale. Për ne ia VLEN të jemi pjesë e vlerës së çmuar të familjes evropiane!
Përvoja, sugjerimet dhe shkëmbimet me këta ekspertë dhe eurodeputetë janë një vlerë e shtuar për punën tonë në vend. Ne do të vazhdojmë të punojmë me dinjitet dhe profesionalizëm, duke punuar tani më fort në procesin e integrimit në BE, sepse Maqedonia e Veriut e meriton vendin e saj të barabartë në familjen evropiane”, ka përfunduar Musa./tetova1.mk
https://www.facebook.com/share/r/1FwPZudpL9/
-
Lajme8 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme7 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
