Lajme

Rritja e çmimit të naftës shton përdorimin e biçikletave

Rritja e çmimit të naftës dhe moti i ngrohtë nga ana tjetër, ka ndikuar ndjeshëm në shtimin e përdorimit të biçikletave, motoçikletave dhe trotinetëve elektrikë.

Qytetarët thonë se po zgjedhin këto mjete alternative për të kursyer por dhe për të shmangur trafikun. Megjithatë sfida kryesore mbetet mungesa e shtigjeve të dedikuara për biçikleta, gjë që vështirëson lëvizjen e sigurt të përdoruesve dhe rrit rrezikun në komunikacion.

“Kriza e bën të veten por përsëri me vetura dalin qytetarët. Biçikletën e përdor shpesh? Këtë e kam mjetin më të mirë pasi arrij në kohë dhe pa problem. ” I gjejmë rrugët por në disa vende ka e diku nuk ka shtigje për biçikleta”, tha një qytetar.

”Shpesh e përdori biçikletën, më vjen më lehtë dhe më shpejt shkoj e vij e pastaj shkoj edhe në punë”, thotë një qytetar.

“Duhet në dorë ta mbaj biçikletën pasi rruga shpesh është e zënë. E përdorni tani më shumë si shkak i çmimit të naftës? Jo, e përdori gjithmonë pasi nuk kam veturë”, u shpreh qytetari.

”Kështu jam më aktiv por vërtetë duhet të vozitët më shumë sidomos në qytet pasi do të rregullohet komunikacioni. Për çmimet mos të flasim por në Shkup ka mjafte kilometra dhe shtigje për biçikleta por duhen edhe më shumë”, tha një qytetar tjetër.

Edhe pse në Shkup ekzistojnë dhjetëra kilometra shtigje për biçikleta, ato nuk janë të lidhura në mënyrë të plotë dhe nuk ofrojnë qasje të barabartë në të gjitha pjesët e qytetit. Në shumë zona qytetarët detyrohen të lëvizin në rrugë apo trotuare, duke rrezikuar sigurinë e tyre. Nëse Qyteti i Shkupit ka apo jo plan konkret për zgjerimin e shtigjeve të biçikletave dhe përmirësimin e infrastrukturës për lëvizje më të sigurt të qytetarëve, përgjigje nuk ka ende. /Alsat.mk.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.

Lajme

BDI braktisë seancën e Parlamentit, pasi që nuk arriti bllokimin e heqjen e Qeverisë teknike

Në lidhje me Ligjin për Qeverinë, koordinatorja e Rina Ajdari, deputete e BDI-së, kërkoi ndërprerjen e seancës së Kuvendit dhe që ky propozim-ligj të diskutohet shtesë edhe në Komitetin për Marrëdhënie Ndërmjet Bashkësive.

Nënkryetari i Kuvendit, pas disa ndërhyrjeve procedurale dhe sqarimeve, e hodhi në votim propozimin e Rina Ajdarit.

Nisma e BDI-së për ndërprerjen e seancës u refuzua me 65 vota KUNDËR dhe vetëm 14 vota PRO.

Pas këtij votimi, duke e cilësuar si majorizim, grupi parlamentar i BDI-së së bashku me deputetët Sali Murati dhe Halil Snopçe u larguan në mënyrë demonstrative nga seanca.

Është interesante që deputetët Ilire Dauti, Ziadin Sela dhe Elmi Aziri mbetën në seancë dhe morën pjesë në debatin për ligjin, shkruan portali maqedonas Express.

Edhe pse formalisht këta deputetë ende janë pjesë e koalicionit “Fronti Evropian”, ata nuk iu përgjigjën thirrjes së BDI-së dhe nuk e braktisën sallën e Kuvendit.

Kjo sjellje përputhet me paralajmërimet e Izet Mexhiti se dera e shumicës parlamentare është pjesërisht e hapur për partinë e Ziadin Selës.

Seanca ende po vazhdon dhe pritet që gjatë mbrëmjes deputetët të votojnë për propozim-ndryshimet në Ligjin për Qeverinë, ku propozohet shtyrja e shfuqizimit të qeverisë teknike, pas zgjedhjeve të ardhshme parlamentare.

Deputetët e LSDM janë në sallë dhe po marrin pjesë në debatin për ligjin.