Lajme

Ademi: BDI nuk e politizon protestën, ftesa është e hapur për të gjithë

Bashkimi Demokratik për Integrim, mohon kategorikishtë disa zëra në opinion, se protesta e studentëve e paralajmëruar më 18 nëntor, që provimi i jurisprodencës të mbahet edhe në gjuhën shqipe, po politizohet nga kjo parti. Këtë e pohon Sekretari Përgjithëshëm i BDI-së, Arbër Ademi. Ai në emisionin “Debat në Shenja”, kritikoi ashpër partinë VLEN, se sipas tij, shpërndajnë dezifomata në opinion, për të vetmën arsye, që siç tha, ta mbulojnë turpin e tyre për mos pjesmarrje në protestë.

“Pse nga BDI?, po aty po marrin pjes edhe ASH e z. Taravarit, edhe ASH-ja e Ziadin Selës edhe LSDM-ja. PD-ja dhe PS-ja në Shqipëri janë bashkuar sot, e ki qëndrimin e z. Tabaku, e keni qëndrimin të z. Pandeli Majko, të gazetarit Marim Mema, e keni Enver Hoxhën të PDK-së Kosovë, e keni Daut Haradinaj të AAK-së, d.m.th, gjitha partitë në të gjitha trojet shqiptare po bashkohen, po këta që duhet të marrin leje, e atë leje nuk munden me siguri nga Stoillkoviqit, prej kryeminisitrit Mickoski, prej Filkovit, edhe këta si ta mbulojnë mos pjesmarrjen e tyre, po politizohet, jo more zotëri ftesa është edhe për ty, gjuha nuk duhet të na ndajë”, tha Ademi.

Pavarësisht deklaratave të eksponentëve të koalicionit VLEN, përfshirë edhe kryeministrin e Kosovës, Albin Kurti, se gjuha shqipe në Maqedoninë e Veriut nuk është zyrtare, Ademi, këmbëngul se Gjuha Shqipe është zyrtare dhe se sipas tij, ky ligj në rrethana të jashtëzakonshme është votuar në vitin 2019.

“Kur jemi te VLEN-i, kemi te VLEN-i përfaqësues politik, të cilët këtë gjuhë, gjuhën tonë të shtrejtë amtare, e kanë quajtur zyrtare, sot e thonë, jo nuk është zyrtare, ka përfaqësues të VLEN-it, të cilët thonë se nuk është gjuhë zyrtare, por është gjuhë e përkthyer, ka përfaqësues të VLEN-it, të cilët thonë, nuk është zyrtare, por është potencialisht zyrtare, më thuani a ju pret atyre sopata me një vend, le të ulen le të dakordohen, se gjoja tash janë bërë një parti”, tha Ademi.

Arbër Ademi tha se nëse ka BDI një kapital të madh politik pas arritjes së Marrëveshjes së Ohrit është miratimi i Ligjit për gjuhën shqipe, ndërsa sa i përket dekalaratave të kryeministrit të Kosovës, Albin Kurti, kur tha se Gjuha Shqipe nuk është zyrtare, Ademi tha se ai ka gabuar rëndë dhe se duhet tu kërkojë falje shqiptareve në Maqedoninë e Veriut.

Lajme

“Shvercerat” Shkup thirrje për mbështetje të studentëve

Grupi i tifozëve “Shvercerat Shkup” ka bërë thirrje për pjesëmarrje në protestën që do të mbahet të hënën, më 18 maj, në mbështetje të studentëve për mbrojtjen e gjuhës shqipe, raporton Zyrtare.net

Protesta është paralajmëruar të nisë në ora 16:30, te Ura e Gurit në Shkup, ndërsa nga grupi theksojnë se do t’i bashkohen çdo qytetari që, sipas tyre, beson në arsim cilësor, barazi, dinjitet dhe të drejta të garantuara për të gjithë.

“Në çështjet kombëtare gjithmonë do të jemi aty”, thuhet në reagimin e tyre, ku nënvizohet se protesta nuk u takon vetëm studentëve, por përfaqëson zërin e të gjithë atyre që mbrojnë identitetin, gjuhën dhe të drejtat e shqiptarëve.

Nga “Shvercerat Shkup” porositin se “gjuha shqipe nuk negociohet”, duke shprehur mbështetje të plotë për nismat që lidhen me çështjet kombëtare./Zyrtare.net/

Lajme

“Bomani hallall”: Mulla Osmani mban ligjeratën e fundit në xhami, përshëndetet me xhematin

Osman Musliu, hoxhë i njohur nga Drenica, është përshëndetur me xhematin e tij, pasi tashmë është zyrtarizuar si kandidat i VV-së për deputet.

Mulla Osmani ka pasur një fjalim emocional, duke ia kërkuar “hallallin” xhematit të tij.

Përndryshe Musliu i’u është bashkuar zyrtarisht Lëvizjes Vetëvendosje ku në zgjedhjet e 7 qershorit do të kandidojë për deputet

Lajme

Çmimi i Haxhit këtë vit kalon 6.700 euro – Rritje prej rreth 250 euro krahasuar me vitin e kaluar

Gazetar: Avni Tahiri – ALSAT

Çmimi për të kryer obligimin fetar të Haxhit për një person, këtë vit ka arritur në 6.700 euro, që është rreth 250 euro më shtrenjtë nëse e krahasojmë me vitin e kaluar.

Por edhe përkundër rritjes së çmimeve për haxh, 2020 besimtarë nga vendi ynë, këtë vit vizitojnë vendin e shenjtë dhe sipas Bashkësisë Fetare Islame të RMV-së, është numër identik me vitin e kaluar.

Përveç rritjes së çmimeve për Haxh, çdo vit e më shumë kemi rritje edhe të çmimit të kurbanit por edhe të produkteve tjera ushqimore para festës së Kurban Bajramit. Lidhur me këtë, ministri i Ekonomisë, Besar Durmishi paralajmëroi kontrolle të shtuara ndaj tregtarëve në prag të festës, duke theksuar se institucionet do të reagojnë ndaj çdo rritjeje të pajustifikuar të çmimeve dhe marzhave të fitimit.

“Jemi në prag të festave dhe e dimë se cilat produkte harxhohen gjatë festës së Kurban Bajramit, do të bëhen kontrolle dhe ato kontrolle do të shpërndahen edhe për opinionin. Nëse do të ketë rritje të marzhës së fitimit pa mos u bazuar në parametrat ekonomik të shpenzimeve apo do të ketë rritje në 15 apo 20 % e them me plot përgjegjësi se do të veprojmë edhe në kohen e ardhshme.” tha Besar Durmishi, Ministri i Ekonomisë.

Vitin e kaluar, çmimi për një kurban varësisht nga pesha dhe lloji i bagëtisë fillonte nga 300 euro ndërsa Festa e Kurban Bajramit këtë vit është më 27 maj./Alsat.mk.