Lajme

MPB: Nuk e devijuam ne autobusin e studentëve, tre të arrestuarit e protestës ende janë në burg

Ministria e Punëve të Brendshme distancohet dhe nuk mban përgjegjësi për faktin se dje studentëve shqiptarë të nisur nga Tirana ju devijua rruga dhe nuk përfunduan në Shkup për ku ishin nisur për të protestuar por përfunduan në rrugët e Kumanovës.

Nga MPB-ja për TV Shenja thonë se ata nuk kanë marrë masa penguese ose për të kufizuar lëvizjen e personave që kanë hyrë në Maqedoni.

Ata shtojnë se përgjegjësi për këtë duhet të kërkojmë në institucionet tjera përgjegjëse, pa treguar se ku konkret duhet të drejtohemi.

MINISTRIA E PUNËVE TË BRENDSHME

“Ministria e Punëve të Brendshme respektivisht Policia Kufitare ka lejuar hyrjen në Maqedoninë e Veriut . MPB-ja nuk ka ndërmarrë asnjë masë për rikahëzim ose kufizim të lëvizjes së personave dhe autobusit pas hyrjes së tyre në shtetin tonë. Për informacione shtesë lidhur me lëvizjen dhe organizimin e transportit pas hyrje në shtet, duhet të drejtoheni tek institucionet tjera kompetente”.

Nga MPB-ja kanë dhënë detaje edhe për arrestimin e studentëve pas përleshjes fizike të ndodhur gjatë protestës.

MINISTRIA E PUNËVE TË BRENDSHME

“Para fillimit të protestës pranë Ministrisë së Drejtësisë, zyrtarët policorë nga Sektori për Punë të Brendshme Shkup kanë privuar nga liria, 28 vjeçarin me iniciale B.XH, 27 vjeçarin me iniciale R.A dhe 22 vjeçarin me iniciale S.D, të gjithë nga Shkupi, për shkak se kanë prishur rendin dhe qetësinë publike duke u përleshur mes vete. Ata po mbahen në një stacion policor dhe pasi rasti të dokumentohet plotësisht, kundër tyre do të ngrihet një padi përkatëse”.

Ndryshe, dje në Shkup mijëra student dhe qytetarë nga qytete të ndryshme nga vendi, por edhe nga Tirana dhe Prishtina protestuan duke kërkuar respektimin e ligjit për përdorimin e gjuhëve po edhe për të kërkuar që provimi i jurisprudencës të jetë në gjuhën shqipe.

Lajme

Sulm ndaj punonjësve të EVN-së në Shkup: Arrestohet 47-vjeçari pasi rrëzoi punëtorin nga shkallët dhe goditi kolegun e tij

Një incident i rëndë është regjistruar të hënën në mëngjes në zonën e Shuto Orizarës në Shkup, ku dy punonjës të “EVN Maqedoni” janë sulmuar fizikisht gjährend në kryerje të detyrës zyrtare, ndërsa autoritetet policore kanë arrestuar menjëherë autorin e dyshuar të ngjarjes.

Sipas informacioneve zyrtare nga Sektori për Punë e Brendshme (SPB) Shkup, efektivët e policisë kanë privuar nga liria shtetasin D.G. (47) nga Shkupi, i cili dyshohet se ka ndërhyrë në mënyrë të dhunshme ndaj ekipeve të terrenit, duke rrëzuar me forcë shkallët në të cilat po punonte njëri nga punonjësit dhe më pas duke sulmuar fizikisht e me një send të fortë një punonjës tjetër të kompanisë që ndodhej në vendngjarje.

Pas dokumentimit të plotë të rregullit dhe rastit, Njësiti për Krime me Dhunë pranë SPB Shkup do të dorëzojë kallëzim penal përkatës kundër të dyshuarit, për shkak të ekzistimit të dyshimit të bazuar për veprën penale “Dhunë”, duke sjellë në vëmendje sfidat dhe rreziqet me të cilat përballen punonjësit e shërbimeve publike gjatë ushtrimit të detyrave të tyre të përditshme profesionale.(INA)

Lajme

Mediat turke: Roberto Carlos e ka pranuar Islamin

Legjenda braziliane e futbollit dhe ish-lojtari i Real Madridit e Fenerbahçes, Roberto Carlos, raportohet se ka përqafuar Islamin rreth katër javë më parë në Brazil.

Lajmi është bërë publik nga deputeti turk Ali Şahin, i cili tha se këtë informacion e ka marrë nga Sheikh Jihad Hammadeh, një figurë e njohur e komunitetit mysliman në Brazil dhe nënkryetar e këshilltar fetar i Shoqatës Kombëtare të Juristëve Islamikë (ANAJI).

Sipas Şahin, Roberto Carlos kishte qenë në kontakt me Sheikh Hammadeh për një periudhë kohore dhe rreth katër javë më parë e kishte vizituar atë. Gjatë takimit, ish-futbollisti thuhet se ka shqiptuar shehadetin, deklaratën e besimit islam, duke përqafuar Islamin.

Carlos, 53 vjeç, konsiderohet ndër mbrojtësit e majtë më të mëdhenj në historinë e futbollit. Ai kaloi pjesën më të madhe të karrierës te Real Madridi, ndërsa në vitin 2007 u transferua te gjiganti turk Fenerbahçe.

Megjithatë, Roberto Carlos nuk e ka konfirmuar publikisht deri tani këtë lajm, ndaj raportimi mbetet i pakonfirmuar nga vetë futbollisti.

Lajme

Ambasadorja amerikane në Dibër, shijon Liqenin dhe bukuritë e qytetit!

Ushtruesja e detyrës së ambasadores së Shteteve të Bashkuara të Amerikës në Shkup, Nicole Varnes, dje pasdite qëndroi në Dibër, ku u takua me kryetarin e komunës, Fisnik Mela.

“Vizita u zhvillua në një atmosferë miqësore, ndërsa Warnes pati mundësinë të njihej nga afër me bukuritë natyrore, potencialin turistik dhe mikpritjen e Dibrës”, njoftuan nga Komuna.

Vizita nisi me kafe pranë Liqenit të Dibrës dhe vazhdoi me një shëtitje me varkë, duke i mundësuar të ftuarës së lartë të shijonte peizazhin dhe bukuritë e veçanta natyrore të liqenit.

Gjatë vizitës u theksua rëndësia e bashkëpunimit dhe forcimit të marrëdhënieve të mira, si dhe promovimi i potencialeve turistike dhe natyrore të Komunës së Dibrës.

Ambasadorja u takua gjithashtu me përfaqësues të komunitetit të biznesit dibran në SHBA, të udhëhequr nga Ibrahim Kolyari, i cili ka kompani edhe në Dibër dhe njihet si filantrop.