Lajme

Aksident tragjik në qarkoren e Shkupit, katër persona humbën jetën pasi kamioni kaloi në korsinë e ndaluar

“Këtu është vendi i kobshëm ku mbrëmë afër mesnatës humbën jetën 4 persona, pasi një kamion të cilin e drejtonte një shofer i shtyrë në moshë e goditi bankinën mbrojtëse dhe kaloi në korsinë e kundër të rrugës dhe përplasi veturën BMË në të cilën ishin 4 pasagjerë. Nga goditjet e fuqishme automjetet morën flakë dhe vetura u dogj krejtësisht. Kjo rrugë mbrëmë për orë të tëra ishte bllokuar, ndërsa tani komunikacioni po lëviz me tempo të ngadaltë”.

I vetmi person që ka mbetur gjallë nga ky aksident është shoferi i kamionit 76 vjeçari me iniciale B.B. Pas dokumentimit të rasttit MPB njofton se do të pasojë padia përkatëse. Policia bënë me dije se nga personat që kanë qenë në veturë dhe kanë ndërruar jetë, njëri mbetet ende i paidentifikueshëm.

GOCE ANDREEVSKI, ZËDHËNËS I MPB-SË

“Nga lëndimet e marra, në vendin e ngjarjes kanë ndërruar jetë shoferi i veturës R.V. dhe bashkëudhëtarët e tij A.V. dhe P.M. të dy 20 vjeç nga Shkupi dhe një person tjetër, ende i paidentifikuar. Mjeku i Ndihmës së Shpejtë e ka konstatuar vdekjen, ndërsa me urdhër të prokurorit kompetent trupat e pajetë janë dërguar në obduksion”.

Në mesin e viktimave ishte baritoni dhe solist i parë i Opera dhe Baleti Kombëtar, Riste Velkov dhe djali i tij 20 vjeçar. Pas këtij lajmi reagoi institucioni ku ai kishte punuar, duke shprehur ngushëllime dhe keqardhje nga humbja e jetës së baristit të tyre.

Ngjarja ka ndodhur të ejten rreth orës 23:00 në qarkoren Radishan-Prishtinë-Mirkovcë, ku kamioni me targa të Kosovës e ka humbur kontrollin dhe ka kaluar përmes rrethojësmetalike në kahun e kundërt të autostradës. Vetura dhe kabina e kamionit janë djegur plotësisht. Ndërsa zjarri është shuar nga ekipi nga Brigada e Zjarrfikësve Shkup. Përshkak të ekspertizës nga organet përkatëse kjo rrugë ka qenë e bllokuar nga ora 23:10 deri në 05:00 të mëngjesit.

Lajme

Sulm ndaj punonjësve të EVN-së në Shkup: Arrestohet 47-vjeçari pasi rrëzoi punëtorin nga shkallët dhe goditi kolegun e tij

Një incident i rëndë është regjistruar të hënën në mëngjes në zonën e Shuto Orizarës në Shkup, ku dy punonjës të “EVN Maqedoni” janë sulmuar fizikisht gjährend në kryerje të detyrës zyrtare, ndërsa autoritetet policore kanë arrestuar menjëherë autorin e dyshuar të ngjarjes.

Sipas informacioneve zyrtare nga Sektori për Punë e Brendshme (SPB) Shkup, efektivët e policisë kanë privuar nga liria shtetasin D.G. (47) nga Shkupi, i cili dyshohet se ka ndërhyrë në mënyrë të dhunshme ndaj ekipeve të terrenit, duke rrëzuar me forcë shkallët në të cilat po punonte njëri nga punonjësit dhe më pas duke sulmuar fizikisht e me një send të fortë një punonjës tjetër të kompanisë që ndodhej në vendngjarje.

Pas dokumentimit të plotë të rregullit dhe rastit, Njësiti për Krime me Dhunë pranë SPB Shkup do të dorëzojë kallëzim penal përkatës kundër të dyshuarit, për shkak të ekzistimit të dyshimit të bazuar për veprën penale “Dhunë”, duke sjellë në vëmendje sfidat dhe rreziqet me të cilat përballen punonjësit e shërbimeve publike gjatë ushtrimit të detyrave të tyre të përditshme profesionale.(INA)

Lajme

Mediat turke: Roberto Carlos e ka pranuar Islamin

Legjenda braziliane e futbollit dhe ish-lojtari i Real Madridit e Fenerbahçes, Roberto Carlos, raportohet se ka përqafuar Islamin rreth katër javë më parë në Brazil.

Lajmi është bërë publik nga deputeti turk Ali Şahin, i cili tha se këtë informacion e ka marrë nga Sheikh Jihad Hammadeh, një figurë e njohur e komunitetit mysliman në Brazil dhe nënkryetar e këshilltar fetar i Shoqatës Kombëtare të Juristëve Islamikë (ANAJI).

Sipas Şahin, Roberto Carlos kishte qenë në kontakt me Sheikh Hammadeh për një periudhë kohore dhe rreth katër javë më parë e kishte vizituar atë. Gjatë takimit, ish-futbollisti thuhet se ka shqiptuar shehadetin, deklaratën e besimit islam, duke përqafuar Islamin.

Carlos, 53 vjeç, konsiderohet ndër mbrojtësit e majtë më të mëdhenj në historinë e futbollit. Ai kaloi pjesën më të madhe të karrierës te Real Madridi, ndërsa në vitin 2007 u transferua te gjiganti turk Fenerbahçe.

Megjithatë, Roberto Carlos nuk e ka konfirmuar publikisht deri tani këtë lajm, ndaj raportimi mbetet i pakonfirmuar nga vetë futbollisti.

Lajme

Ambasadorja amerikane në Dibër, shijon Liqenin dhe bukuritë e qytetit!

Ushtruesja e detyrës së ambasadores së Shteteve të Bashkuara të Amerikës në Shkup, Nicole Varnes, dje pasdite qëndroi në Dibër, ku u takua me kryetarin e komunës, Fisnik Mela.

“Vizita u zhvillua në një atmosferë miqësore, ndërsa Warnes pati mundësinë të njihej nga afër me bukuritë natyrore, potencialin turistik dhe mikpritjen e Dibrës”, njoftuan nga Komuna.

Vizita nisi me kafe pranë Liqenit të Dibrës dhe vazhdoi me një shëtitje me varkë, duke i mundësuar të ftuarës së lartë të shijonte peizazhin dhe bukuritë e veçanta natyrore të liqenit.

Gjatë vizitës u theksua rëndësia e bashkëpunimit dhe forcimit të marrëdhënieve të mira, si dhe promovimi i potencialeve turistike dhe natyrore të Komunës së Dibrës.

Ambasadorja u takua gjithashtu me përfaqësues të komunitetit të biznesit dibran në SHBA, të udhëhequr nga Ibrahim Kolyari, i cili ka kompani edhe në Dibër dhe njihet si filantrop.