Lajme

Tetë persona të arrestuar për posedim droge në disa qytete të vendit

Gjatë 24 orëve të fundit, policia ka privuar nga liria tetë persona në disa qytete të vendit, pasi tek ata janë gjetur lloje të ndryshme të substancave narkotike, njoftoi Ministria e Punëve të Brendshme.

Sipas MPB-së, më 29 maj 2026, në ora 00:05, në rajonin e Qendrës në Shkup, është arrestuar R.M. (34) nga Shkupi, pasi gjatë kontrollit policor tek ai është gjetur marihuanë.

Një ditë më parë, në ora 11:55, në komunën e Karposhit në Shkup, policia ka arrestuar E.M. (37), tek i cili është gjetur një substancë pluhurore e bardhë.

Në një rast tjetër, më 28 maj në ora 22:30, në Burgu Idrizovë, është arrestuar F.A. (37) nga fshati Gërçec, i punësuar në institucionin ndëshkues-përmirësues. Sipas policisë, ai gjatë hyrjes në dhomën e takimeve kishte lënë në raft një substancë pluhurore me ngjyrë kafe.

Po të njëjtën ditë, në ora 15:30, në rrugën “JNA” në Strugë, është arrestuar A.N. (54) nga Struga, pasi tek ai është gjetur një paketim me substancë pluhurore të bardhë.

Në Negotinë, në ora 21:15, policia ka arrestuar një të mitur 17-vjeçar, tek i cili është gjetur një cigare me substancë bimore të gjelbër.

Ndërkohë, në Prilep, në rrugën “Republikanska”, në ora 21:00 janë arrestuar dy të mitur, pasi gjatë kontrollit tek njëri prej tyre është gjetur marihuanë.

Një tjetër rast është regjistruar në Pika Kufitare Tabanoc, ku në hyrje të shtetit është arrestuar T.C. (42) nga Hungaria. Gjatë kontrollit kufitar dhe kontrollit të automjetit të tipit “Ford” me targa hungareze, në bagazhin personal të tij janë gjetur dhe sekuestruar substancë pluhurore e bardhë dhe tableta.

Nga MPB bëjnë të ditur se pas dokumentimit të plotë të rasteve, ndaj të arrestuarve do të parashtrohen kallëzime dhe procedura përkatëse.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.