Lajme

Bankat fituan mbi 300 milionë euro në vitin 2025, një pjesë e konsiderueshme nga provizionet

Fitimet e sektorit bankar në vend vazhdojnë të rriten, ndërsa një pjesë e konsiderueshme e të ardhurave vazhdon të vijë nga tarifat dhe provizionet që qytetarët dhe kompanitë paguajnë për shërbimet bankare.

Sipas të dhënave më të fundit të Bankës Popullore, bankat gjatë vitit 2025 realizuan mbi 118 milionë euro të ardhura neto nga provizionet dhe tarifat. Krahasuar me vitin paraprak, kjo paraqet një rritje prej rreth 3 milionë eurosh ose 2,7 për qind.

Njëkohësisht, fitimi i përgjithshëm i sektorit bankar arriti në afro 304 milionë euro, që është rreth 21 milionë euro më shumë krahasuar me vitin 2024. Kështu, më shumë se një e treta e fitimit total të bankave vjen nga provizionet e arkëtuara.

Në Maqedoni operojnë 12 banka, dhe një pjesë e tyre tashmë kanë paralajmëruar korrigjime të reja të tarifave dhe rritje të tarifave për disa shërbime, gjë që ka shkaktuar reagime në opinionin publik dhe ka hapur pyetje mbi arsyeshmërinë e këtyre kostove.

Guvernatori i i Bankës Popullore Trajko Slaveski vlerësoi se bëhet fjalë për shërbime që përdoren çdo ditë si nga qytetarët ashtu edhe nga kompanitë, prandaj çështja e lartësisë së tarifave meriton një debat më të gjerë publik.

Ai theksoi se Banka Qendrore aktualisht nuk ka mundësi ligjore të ndërhyjë drejtpërdrejt në përcaktimin e provizioneve bankare, por konsideron se duhet të shqyrtohen mundësitë për plotësimin e kornizës ligjore, sipas shembullit të disa vendeve evropiane, ku ekzistojnë mekanizma për mbrojtjen e konsumatorëve dhe sigurimin e kushteve të drejta për përdorimin e shërbimeve të pagesave.

Ndaj qëndrimit të guvernatorit reagoi ministrja e Financave, Gordana Dimitrieska-Koçoska, e cila deklaroi se tarifat dhe provizionet që arkëtojnë bankat nuk janë një fushë që aktualisht rregullohet me ligj.

Debati për provizionet bankare vjen në një periudhë kur fitimet e bankave po shënojnë rritje të vazhdueshme, ndërsa një pjesë e klientëve shprehin pakënaqësi për shkak të paralajmërimeve për shtrenjtimin e mëtejshëm të shërbimeve./tv21

Lajme

Valon Qyra, një lider i afërt me qytetarët dhe i përkushtuar ndaj shoqërisë

Në kohë kur qytetarët kërkojnë përkushtim, sinqeritet dhe punë të palodhshme, emrat e Faton Pollozhanit dhe Valon Qyrës përmenden me respekt nga shumë qytetarë të Strugës. Faton Pollozhani, kryetar i BDI-së në Strugë, dhe Valon Qyra, sekretar i përgjithshëm i BDI-së në Strugë, përfaqësojnë një shembull të bashkëpunimit, besnikërisë dhe angazhimit të vazhdueshëm në shërbim të qytetarëve. Të bashkuar nga idealet dhe vizioni i përbashkët, ata kanë dëshmuar ndër vite se interesi i qytetarëve duhet të jetë gjithmonë mbi çdo interes tjetër. Miqësia dhe bashkëpunimi i tyre i sinqertë kanë qenë të palëkundura, duke i bërë ata një ekip të respektuar dhe të afërt me qytetarët. Fotografia e tyre mes rinisë së Strugës përcjell një mesazh të fuqishëm shprese, uniteti dhe besimi në të ardhmen. Të rrethuar nga të rinjtë, ata dëshmojnë rëndësinë e mbështetjes së brezave të rinj dhe fuqizimit të rolit të rinisë në shoqëri. Të njohur për afërsinë me njerëzit, për gatishmërinë për të dëgjuar hallet dhe shqetësimet e qytetarëve, si dhe për angazhimin e tyre në aktivitetet shoqërore e humanitare, ata vazhdojnë të jenë pranë komunitetit në çdo kohë. Struga ka nevojë për njerëz që punojnë me zemër, që qëndrojnë pranë qytetarëve dhe që e shohin politikën si përgjegjësi e jo si privilegj. Shembuj të tillë meritojnë respekt dhe vlerësim. Urojmë që në të ardhmen të kemi sa më shumë njerëz të përkushtuar, të ndershëm dhe punëtorë, që me veprat e tyre të forcojnë besimin e qytetarëve dhe të kontribuojnë në zhvillimin e shoqërisë sonë. Me unitet, përkushtim dhe punë të ndershme, ndërtohet një e ardhme më e mirë për Strugën, për rininë dhe për të gjithë qytetarët. Zoti i bekoftë të gjithë ata që punojnë me ndershmëri, përkushtim dhe dashuri për qytetarët dhe kombin.

Lajme

SHBA i heq “non grata”-n Sali Berishës

Departmaneti i Shtetit i ka hequr sanksionimin “non grata” kryetarit të Partisë Demokratike, Sali Berishës.

Kështu ka raportuar media e drejtuar nga Andi Bushati “lapsi.al” si dhe autori televiziv Çim Peka.

Sipas “Lapsi”-t, lirimi nga “non grata” i është komunikuar personalisht Sali Berishës nga e ngarkuara me punë e ShBA-sl, Nancy Van Horme.

Lajme

Azizi: Ligji për përfaqësim të drejtë po sillet me 24 vjet vonesë

Deputeti i VLEN-it, Adnan Azizi në emisionin “Click plus” në TV21 duke folur për Ligjin për përfaqësim të drejtë tha se një zgjidhje e tillë sillet me 24 vjet vonesë të cilën opozita shqiptare gjatë gjithë asaj periudhe nuk arriti të sjellë zgjidhje.

Ai shprehet se Ligj i përkryer është vetëm Ligji hyjnor.

“Ligji nga forma, përmbajtja edhe mënyra si parashihet implementimi, mendoj se për herë të parë është ngritur në nivelin më të lartë dhe në këtë ligj kanë punuar ekspertë kushtetues, janë zhvilluar shumë debate dhe është krijuar një mënyrë sistematike e planifikimit, vrojtimit dhe raportimit që mos ketë ato defekte që ka pasur në të kaluarën”, ka thënë Azizi.

Sipas tij, kuota etnike nuk ka pasur as balancuesi dhe ai këtu ka bërë një krahasim me situatën në Kosovë.

“Të merremi vesh, a e dini se cila është kuota etnike, atë që e kanë serbët në Kosovë, 10 karrige të siguruara në Kuvendin e Kosovës, cilat kuota kanë qenë me balancuesin në Kuvendin e Maqedonisë së Veriut, që i bie nëse flasim për kuota ne do duhet të kemi 30 ulëse në Kuvendin e Maqedonisë”, ka thënë Azizi.