Lajme

Menduh Thaçi: Ali Ahmeti është njeriu më i pabesë që kam takuar në jetë

Politikani shqiptar në Maqedoninë e Veriut, Menduh Thaçi, ka hedhur akuza të forta ndaj kryetarit të BDI-së, Ali Ahmeti, duke e cilësuar si “njeriun më të pabesë që ka takuar ndonjëherë”.

Thaçi i bëri këto deklarata në emisionin “Pressing One” në T7, ku theksoi se vlerësimet e tij për Ahmetin janë subjektive.

“Mendoj se e njoh mirë. Unë jam kundërshtar kujdestar i tij. Vlerësimet e mia ndaj tij janë subjektive, pa diskutim. Unë duhet të jem vetja, nuk dua të imitoj dikë tjetër. Këto jam vite këto i bë, njeri më të pabesë në jetë s’kam taku, sipas meje”, deklaroi ai.

Duke folur për ndikimin e Ahmetit në politikën shqiptare në Maqedoninë e Veriut, Thaçi tha se shqiptarët nuk kanë përfituar nga udhëheqësi i BDI-së.

Këto fjalë duken të vështira, të rënda, por megjithatë është koha kur është krijuar hapësirë të dëgjohet ky vlerësim. Këto vlerësime më 2002, 2003 merreshin si vlerësime inati. Rezultati i politikës së Ali Ahmetit është me minus. Jo që kemi përfitu diçka”, shtoi më tej Thaçi.

Në vazhdim, ai e akuzoi Ahmetin se ka qenë “instrument i sllavëve”, duke thënë se në momente të caktuara interesat e tyre janë përputhur me ato të aktorëve perëndimorë.

“Unë mendoj që Ali Ahmeti që atëherë ka qenë instrument i të tjerëve, kryesisht sllavëve. Herë pas here në këtë impenjohen edhe Bashkësia Ndërkombëtare dhe unë kam përvojë që në momente të caktuar, interesat e sllavëve dhe perendimorëve puçen për një ngjarje. Unë mendoj se ai si instrument është përdorë”, deklaroi ndër të tjera Thaçi.

Lajme

Rritje pagash për ushtarët nga 1 janari, zgjidhje për ata që mbushin 45 vjeç

Ministri i Mbrojtjes i Maqedonisë së Veriut, Vlado Misajllovski, ka paralajmëruar rritje të pagave për pjesëtarët e Armatës dhe punonjësit e Ministrisë së Mbrojtjes nga 1 janari, si dhe një zgjidhje afatgjatë për statusin e ushtarëve profesionistë që mbushin 45 vjeç.

Gjatë ceremonisë në kazermën “Boro Menkov” në Kumanovë, ai bëri të ditur se propozimi për ushtarët mbi 45 vjeç është shqyrtuar në kolegjiumin qeveritar dhe pritet të diskutohet në mbledhjen e ardhshme të Qeverisë.
Sipas Misajllovskit, ushtarët do të mund të vazhdojnë karrierën deri në pensionim, ndërsa parashihet edhe marrëveshje e re kolektive me sindikatat, pa cenuar të drejtat ekzistuese të punonjësve.
Ministri njoftoi gjithashtu se gjatë mandatit të tij janë paguar mbi 26 milionë euro për çështje gjyqësore që lidhen me vitet 2019 dhe 2020.

Lajme

Në Maqedoni do të prodhohen pjesë për “Audi”! Mickoski: 2.000 vende të reja pune

Kryeministri i Maqedonisë së Veriut, Hristijan Mickoski, njoftoi sot një investim të ri të kompanisë gjermane “Kromberg & Schubert”, i cili, sipas tij, do të sjellë 2 mijë vende të reja pune.

Kompania pritet të prodhojë pjesë për industrinë automobilistike, përfshirë edhe për gjigantin gjerman “Audi”.

“Do të njoftojmë edhe një lajm të madh dhe të rëndësishëm për ekonominë maqedonase – një investim të ri të kompanisë gjermane ‘Kromberg & Schubert’, 2 mijë vende të reja pune dhe prodhim të pjesëve për gjigantin gjerman të automobilave ‘Audi’”, deklaroi Mickoski.

Sipas kryeministrit, investimi është pjesë e politikave të Qeverisë për tërheqjen e investimeve dhe hapjen e vendeve të reja të punës.

Lajme

Ndryshimet në postet e zv/ministrave dhe drejtorëve, Kasami: Javën tjetër takohemi me Mickoskin

Bashkëkryetari i VLEN-it, Bilall Kasami në një deklaratë për mediat, ka thënë se javën tjetër pritet të takohet me kryetarin e VMRO-së dhe kryeministër Hristijan Mickoski, ku do të diskutohet për ndryshimet në postet e zëvendës ministrave dhe drejtorëve.
“Edhe për zëvendës ministra, plotësimin dhe zëvendësimin e zëvendësministrave por njëherit edhe për eshalonët tjera, më konkretisht për drejtorët dhe zëvendës drejtorët aty ku duhet plotësuar dhe aty ku duhet të bëhet zëvendësimi i tyre”, tha Kasami.