Raundi i dytë i zgjedhjeve të parakohshme për kryetar të Komunës së Bërvenicës do të mbahet nesër, më 1 nëntor, ndërsa sot në vendbanimet e komunës votojnë të sëmurët dhe personat e pafuqishëm.

Raundi i parë i zgjedhjeve të parakohshme për kryetar të Bërvenicës u mbajt para dy javësh, më 18 tetor, ndërsa më së shumti vota morën kandidatët e VMRO-DPMNE-së dhe AKI-së.

Mbrëmë në mesnatë filloi heshtja zgjedhore për raundin e dytë të zgjedhjeve të parakohshme për kryetar të Komunës së Bërvenicës.

Në zgjedhjet e 18 tetorit, të drejtë vote kishin 16.256 qytetarë, ndërsa pjesëmarrja ishte 46,56%, ose gjithsej votuan 7.565 zgjedhës.

Meqë asnjëri nga kandidatët nuk e fitoi shumicën e nevojshme, në komunë do të zhvillohet raundi i dytë i votimit.

Zgjedhjet e parakohshme për kryetar të komunës u organizuan pasi kryetari i atëhershëm, Jovica Ilievski, ndërroi jetë papritur.

Qytetarët në Maqedoninë e Veriut kanë depozituar gjithsej 7.4 miliardë euro në banka, ndërsa kursimet vazhdojnë të rriten pavarësisht inflacionit dhe sfidave ekonomike.
Sipas të dhënave të Shoqatës Bankare të Maqedonisë dhe Bankës Popullore, depozitat e qytetarëve janë rritur për 9.2 për qind në nivel vjetor, ndërsa depozitat me afat kanë shënuar rritje prej 5.7 për qind.
Paratë e qytetarëve përbëjnë pjesën më të madhe të depozitave në sistemin bankar. Megjithatë, një pjesë e konsiderueshme e tyre nuk janë të afatizuara, por mbahen në llogari transaksionale dhe përdoren për shpenzimet e përditshme.
Sot shënohet Dita Botërore e Kursimeve.

Tre persona të maskuar kanë grabitur një bastore sportive në zonën e Çairit në Shkup, duke kërcënuar punonjësin me armë zjarri. Sipas raportimit të Policisë, rasti është raportuar më 30 tetor, në orën 23:54.

“Tre persona të gjinisë mashkullore, me kërcënim me armë zjarri, i kanë marrë punonjësit paratë nga qarkullimi ditor”, thuhet në njoftimin e MPB-së.

Policia po ndërmerr masa për zbardhjen e rastit dhe identifikimin e autorëve.