Deputetja e Lidhjes Shqiptare, Ilire Dauti, ka reaguar ndaj deklaratës së liderit të ZNAM-it dhe kryetarit të Kumanovës, Maksim Dimitrievski, i cili shqiptarët i kishte cilësuar si „një grup i vogël qytetarësh“.

Dauti i është përgjigjur me argumente demografike, duke rikujtuar se shqiptarët përbëjnë 29.5% të popullsisë, ndërsa maqedonasit 54.2%.

„Pra, shqiptarët janë sa 54.4% e numrit të maqedonasve, më shumë se gjysma e tyre. Ky grup vështirë se mund të quhet i vogël, përveçse në matematikën tuaj politike“, ka shkruar Dauti.
Ajo i ka dërguar edhe një mesazh të drejtpërdrejtë Dimitrievskit, duke i kërkuar të ketë kujdes në deklaratat për shqiptarët dhe gjuhën shqipe.

„Në Qeveri ndaç rri, ndaç mos, veç kujdes kur flet për shqiptarët dhe gjuhën shqipe“, përfundon reagimi i deputetes, me shprehjen: „Не мешај баби и жаби!“ (Mos i ngatërro gjërat që nuk kanë lidhje me njëra-tjetrën!).

Më 8 korrik 1997, deputeti shqiptar Sali Ramadani shpalosi flamurin kombëtar shqiptar në Parlamentin e Maqedonisë, duke sfiduar reagimet e deputetëve dhe drejtuesve të institucionit.
Përballë kundërshtimeve, ai mbajti edhe një fjalim në gjuhën shqipe, duke deklaruar se do të vinte dita kur flamuri shqiptar do të ishte zyrtar dhe në Parlament do të flitej shqip.
Fjalët e tij mbetën në kujtesën politike shqiptare:
“Mos u frikësoni, nuk kafshon ky! Do të vijë dita që ky flamur të jetë zyrtar, do të vijë dita që në këtë Parlament të flitet shqip. Unë nuk kam frikë nga ju. Nëse nuk e dini, unë jam nipi i Mefailave të Zajazit. Unë jam Sali Ramadani!”
Ngjarja ndodhi vetëm një ditë para përplasjeve të 9 korrikut 1997 në Gostivar, të shkaktuara nga çështja e përdorimit të flamurit shqiptar në institucionet lokale.
Sali Ramadani, i njohur edhe si Sali Ramadani i Kërçovës, ndërroi jetë më 27 janar 2018. Fjalimi dhe veprimi i tij mbeten pjesë e kujtesës së historisë politike të shqiptarëve në Maqedoni.

Në afërsi të Çarshisë së Vjetër të Shkupit, rreth 50 metra larg saj, ndodhen disa objekte me pamje të pazakontë, të cilat kanë tërhequr vëmendjen e qytetarëve.
Pamjet e publikuara në grupin e Facebook-ut „Skopje Skopska“ tregojnë ndërtesa të ndërtuara njëra mbi tjetrën, ndërsa pranë tyre shihet edhe një gropë e madhe e mbushur me mbeturina.
Lokacioni ndodhet pranë „Galerija 7“, ku, sipas postimit, vizitorët mund të shijojnë lahmaxhunin, por edhe një pamje aspak të zakonshme të ndërtimeve dhe mbeturinave përreth.