Lajme

Pavarësisht projektit “Safe City”, nga muaji në muaj rriten shkeljet në trafik

Pjesëmarrësit në trafik vazhdojnë të mos respektojnë rregullat e komunikacionit, ndërsa pavarësisht zbatimit të projektit “Safe City”, krahasuar me muajt e parë të vitit, është shënuar sërish rritje e numrit të shkeljeve.

Të dhënat e fundit nga Ministria e Punëve të Brendshme, të siguruara nga TVM2, tregojnë se situata mbetet shqetësuese, me numrin më të madh të kundërvajtjeve të regjistruara në Shkup. Në rritje mbetet edhe numri i shkeljeve të kryera nga drejtues të automjeteve me targa të huaja.

“Drejtuesit e makinave si duket po kthhen në korrsin e shpejtë, kamerat e “Qytetit të Sigurtë” kanë regjistruar në muajin shkurtë 19.066 shkelje në komunikacion, respektivishtë mosrespektim të shenjave të Komunikacionit, ndërsa në muajin mars dhe prill, të njëjtat kanë shënuar një rritje drastike. Vetëm në muajin mars sipas MPB janë shënuar plotë 26.241 shkelje, që tregon një rritje prej 7000 mijë shkeljeve vetëm për një muaj, ndërsa të njëjtat për muajin prill janë rritur edhe për 2 mijë të tjera, dhe tregon se numri I shkeljeve ka arritur në 28,033 shkelje, respektivisht për këto tre muaj janë regjistruar gjithsej 73,340 shkelje” .

“Në periudhën nga 2 shkurti deri më 30 prill 2026, sistemi “Qytet i Sigurt” regjistroi gjithsej 73,340 shkelje, nga të cilat 19,066 në shkurt, 26,241 shkelje në mars dhe 28,033 shkelje në prill. Shumica prej tyre apo 70.365 janë për “drejtim të mjetit me shpejtësi më të madhe se shpejtësia e lejuar”, 2,519 shkelje për “drejtim të mjetit me leje qarkullimi të skaduar”, dhe 456 shkelje janë regjistruar për “kalim të semaforit të kuq”. Numri më i madh i shkeljeve apo gjithsej 37.706 shkelje u regjistruan në zonën e qytetit të Shkupit ose 51,4% e numrit të përgjithshëm, dhe një pjesë e konsiderueshme e shkeljeve u regjistrua edhe në rrugët përgjatë Korridorit 10, ku u regjistruan 18.288 shkelje, dhe në Korridorin 8, janë regjistruar plotë 13.608, ndërsa numri më i vogël ishte në zonën e Policisë së Rrugës së Tetovës me 1.287 shkelje”, thuhet në komunikatën e MPB-së.

Të dhënave zyrtare, poashtu tregojnë se në muajijn shkurt janë regjistruar 370 aksidente rrugore, në mars 504 dhe në prill 573. Nëse të njejtat I ndajmë sipas zonave në Shkup pati 161 aksidente rrugore në shkurt, 205 në mars dhe 242 në prill, ose gjithsej 608.

Në Tetovë, megjithatë, pati 59 aksidente rrugore në shkurt, 77 në mars dhe 101 në prill. Trendi është i njëjtë edhe në Kumanovë. Sipas deklarimeve të të MPB-së në katër muajt e parë të vitit vitin 2025 kishim 47 viktima, ndërsa në katër muajt e parë të vitit 2026 kemi zero viktima.

Lajme

MPB: Mos i hapni mesazhet e rrejshme për kinse gjoba në trafik

Ministria e Punëve të Brendshme paralajmëron se qytetarëve po u dërgohen mesazhe të rreme SMS me njoftime për kinse shkelje në trafik dhe gjoba që lidhen me sistemin “Safe City”.

Sipas MPB-së, mesazhet përmbajnë link përmes të cilave qytetarëve u kërkohet të japin të dhënat personale ose bankare dhe të paguajnë një gjobë të pretenduar. Kjo është përpjekje për mashtrim dhe mbledhje të dhënash të ndjeshme.
Ministria thekson se mesazhet zyrtare SMS për shkeljet dërgohen nga dërguesi “MVR-SC”. Mesazhi duhet të përfshijë targën e regjistrimit të automjetit, dhe lidhja zyrtare duhet të çojë në domenin safecountry.mvr.gov.mk.

Qytetarëve u kërkohet të mos hapin linqe të dyshimta dhe të mos japin numrat e kartave të pagesës, fjalëkalimet ose të dhëna të tjera personale nëse nuk janë të sigurt për vërtetësinë e mesazhit.

MPB rekomandon që çdo mesazh i dyshimtë të kontrollohet me kujdes, dhe çdo përpjekje e mundshme mashtrimi duhet të raportohet në institucionet kompetente.

Për më tepër, MPB kujton se mashtrime të tilla shpesh janë të dizajnuara të duken si njoftime zyrtare, në mënyrë që qytetarët të reagojnë shpejt dhe pa verifikim shtesë. Prandaj rekomandohet që gjithmonë të kontrolloni dërguesin, adresën e lidhjes dhe përmbajtjen e mesazhit përpara se të ndërmerrni ndonjë veprim.

Lajme

Nga pikëpagesat rrugore për pesë muaj janë arkëtuar mbi 31 milionë euro

Nga fillimi i këtij viti deri në qershor, nga pagesa e taksave në vend janë mbledhur një shifër rekord prej 1.919.775.277 denarë (mbi 31 milion euro), krahasuar me vitin e kaluar 2025 ku janë mbledhur 21.891.532 denarë më shumë, informuan për MIA-n nga Ndërmarrja Publike për Rrugë Shtetërore (NPRRSH).

Stacioni më i frekuentuar i pagesës është Tetova, vijon Petroveci, Ramanlia, Gllumova, Milladinovci, Zhelina, Gostivari, Stobi, Kadrifakova, Preodi, Sopoti, Demir Kapija, Otovica dhe Gjevgjelia.

Sipas mjeteve të mbledhura dhe çmimit të biletave të ardhura më të larta ka në Ramanli, pastaj Milladinovc, Petrovec, Gllumovë, Zhelinë, Tetovë, Stobi, Preodi, Gostivar, Sopot, Gjevgjeli, Kadrifakovë, Otovicë dhe Demir Kapi.

“Ndërmarrja Publike për Rrugë Shtetërore, sa herë që ka një vëllim të shtuar të trafikut në pikat pagesore dhe veçanërisht në sezonin e verës, Departamenti i mbledhjes së taksave harton një plan veprimi (orar) ku në secilën pikë pagesore në të dy korridoret, të gjitha korsitë e disponueshme vihen në funksion, natyrisht, përparësi i jepet njëlloj mbledhjes elektronike të taksave (ENP) në M-tag ku të paktën një korsi është gjithmonë në funksion – këto janë automjete që kalojnë pa u ndalur dhe mbledhjes elektronike të taksave M-card – këto janë automjete që nuk kanë kontakt me punonjës, pra kalim pa kontakt”, thonë nga NPRRSH.

Pjesëmarrja e mbledhjes elektronike të taksave në qarkullimin total është 36 për qind nga gjithsej 11 stacione të pikave pagesore ku është vendosur.

NPRRSH thekson se të dhënat mbi shitjen e pajisjeve elektronike dhe rimbushjen e tyre, veçanërisht pasi pajisjet M-tag janë gjithashtu të kapshme në pikat e shitjes së operatorëve, tregojnë se mbledhja elektronike e taksave është rritur për 6 për qind nga totali.

Që nga maji i këtij viti, M-tags mund të blihen edhe në rrjetin e shitjeve të “Telekomit të Maqedonisë” dhe “A1 Maqedoni”, ndërsa më parë ato ishin në dispozicion vetëm në NPRRSH ose në stacionin e taksave në Petrovec.

Udhëheqësia e NPRRSH gjatë promovimit të mundësisë së blerjes së M-tags nga operatorët celularë, informoi se po shqyrtojnë futjen e një modeli të mbledhjes së taksave si në Serbi, pra një sistem të mbyllur për mbledhjen e kilometrave të përshkuara. Për këtë qëllim, një studim është duke u zhvilluar tashmë për të futur një sistem të tillë taë pagesës në Korridorin 8.

Nga mbledhja e taksave në pikat pagesore vitin e kaluar (që nga 23 dhjetori) u arrit fitim prej 4.158.914.362 denarë (67,624,624 euro).

Lajme

Mickoski: Mandati i Qeverisë është 4 vjet, por nëse opozita kërkon zgjedhje, do të caktojmë datën

Kryeministri dhe kryetari i VMRO-DPMNE-së, Hristijan Mickoski, deklaroi sonte se, nëse opozita kërkon zgjedhje të parakohshme parlamentare, ata janë të gatshëm në çdo kohë të dalin në zgjedhje dhe t’i fitojnë ato. Mickoski tha se qëndrimi i tij është i njohur dhe se Qeveria e tij ka marrë mandat katërvjeçar.

“Qëndrimi im është i njohur për opinionin, sikurse edhe qëndrimi i kësaj Qeverie, se ne kemi marrë mandat për katër vjet. Mandati përfundon në pranverën e vitit 2028. Ende kemi një Qeveri teknike. Kështu që mandati i kësaj Qeverie politike do të duhej të përfundonte diku nga fundi i vitit 2027. Këto janë parametrat që mund t’i them tani dhe mbi bazën e të cilëve kemi marrë besimin e qytetarëve”, tha Mickoski në një intervistë për emisionin “Tema e ditës” në TV Sitel.

I pyetur se çfarë mund ta ndryshojë qëndrimin e tij, ai tha se është logjike që opozita të dëshirojë të jetë në Qeveri, sepse mendon se mund të jetë më e mirë se Qeveria aktuale. Nëse opozita kërkon zgjedhje të parakohshme parlamentare, atëherë, si Qeveri, janë të gatshëm për një takim liderësh, ku do të dakordoheshin për datën dhe do të shkohej në zgjedhje të parakohshme parlamentare.

“Nuk do të ikim, sigurisht. Prandaj them se mandati ynë është katër vjet dhe për një periudhë të tillë kemi marrë mbështetjen e qytetarëve për të realizuar reformat. Por, nëse opozita na e hedh dorashkën, është normale që ne të mos ikim frikacakisht nga zgjedhjet. Përkundrazi, ne jemi të gatshëm në çdo kohë të dalim në zgjedhje dhe t’i fitojmë ato”, deklaroi kryeministri Mickoski.