Lajme

Përfundon sezoni i Haxhit, Arabia Saudite: Mbi 1.7 milionë pelegrinë në vitin 2026

Arabia Saudite ka njoftuar përfundimin me sukses të sezonit të Haxhit për vitin 2026/1447 sipas kalendarit hixhri, duke deklaruar se një sistem i integruar sigurie, organizimi dhe shërbimesh u ka mundësuar pelegrinëve të kryenin ritualet në mënyrë të sigurt dhe me qetësi shpirtërore.

Njoftimi u bë nga Princi Saud bin Mishal bin Abdulaziz, zëvendësguvernator i rajonit të Mekës dhe zëvendëskryetar i Komitetit të Përhershëm për Haxh dhe Umre, në një deklaratë televizive në prag të përfundimit të pelegrinazhit vjetor.

Ai theksoi se suksesi i këtij sezoni nuk përfaqëson fundin e punës, por fillimin e përgjegjësive të reja, duke riafirmuar angazhimin e mbretërisë për t’i shërbyer Islamit dhe myslimanëve çdo vit.

Sipas Autoritetit të Përgjithshëm të Statistikave saudite, numri total i pelegrinëve këtë vit ka arritur në 1,707,301 persona, prej të cilëve 1,546,655 kanë ardhur nga jashtë mbretërisë dhe përfaqësojnë 165 kombësi të ndryshme. Ndërkohë, 160,646 pelegrinë kanë kryer Haxhin nga brenda Arabisë Saudite.

Shifra e këtij viti është më e lartë se ajo e vitit të kaluar, prej 1,673,230 pelegrinësh, por mbetet nën nivelin rekord prej mbi 1.83 milionësh të regjistruar në vitin 2024.

Ritualet e Haxhit kanë nisur zyrtarisht të hënën me mbërritjen e pelegrinëve në Mina, ku autoritetet kishin vendosur masa të gjera sigurie dhe shërbime për lehtësimin e pelegrinazhit.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.