Connect with us

Lajme

DAP do të ketë qasje në çdo transaksion në kohë reale: e-fatura hyn në zbatim nga 2027

Drejtoria e të Ardhurave Publike (DAP). (DAP) po përgatit një ndryshim të madh në mënyrën e mbledhjes dhe kontrollit të të dhënave tatimore. Sistemi i e-faturës pritet të fillojë të zbatohet në mënyrë të detyrueshme dhe në faza gjatë vitit 2027, ndërsa përdorimi vullnetar pritet të nisë deri në fund të vitit 2026.

Lajmin e bëri të ditur drejtoresha e UJP-së, Elena Petrova, gjatë një paneli në kuadër të “Ohër 2026”, ku u diskutua për të ardhurat tatimore, hendekun tatimor, luftën kundër ekonomisë informale dhe forcimin e financave publike.

Sipas Petrova, deri në fund të vitit 2026 pritet të miratohet edhe ligji përkatës, ndërsa paralelisht duhet të përfundojë implementimi i infrastrukturës softuerike dhe harduerike të nevojshme për funksionimin e sistemit.

Çfarë ndryshon me e-faturën?

Një nga ndryshimet më të mëdha do të jetë mënyra se si DAP do t’i marrë dhe analizojë të dhënat.

Në vend që të mbështetet kryesisht në të dhëna të agreguara nga deklaratat tatimore, administrata tatimore do të ketë të dhëna të strukturuara për çdo faturë dhe çdo transaksion individual.

Kjo do të përfshijë të dhëna për shitësin, blerësin, produktet dhe shërbimet e faturuara, si dhe tregues të tjerë të rëndësishëm për tatimet.

Por ndryshimi më i madh është shpejtësia e qasjes në informacion.

Aktualisht, një pjesë e të dhënave tatimore merren pas përfundimit të muajit, tremujorit apo periudhës përkatëse tatimore. Me sistemin e e-faturës, informacioni do të jetë i disponueshëm për DAP në kohë reale, menjëherë pas lëshimit të faturës.

Kjo pritet të ndryshojë ndjeshëm edhe mënyrën e kontrolleve tatimore.

Më shumë kontrolle automatike dhe më pak hapësirë për fshehje

Sipas Petrova, një pjesë e kontrolleve do të mund të automatizohen dhe të integrohen drejtpërdrejt në proceset tatimore. Kjo do të mundësojë zbulimin më të shpejtë të gabimeve, mospërputhjeve dhe të dhënave të pasakta, qofshin ato të qëllimshme apo të paqëllimshme.

Të dhënat nga e-faturat do të mund të kryqëzohen edhe me informacionin që DAP tashmë merr nga bankat, Doganat, pajisjet fiskale dhe burime të tjera.

Në këtë mënyrë, administrata tatimore do të ketë mundësi më të mëdha për të analizuar rreziqet, për të zbuluar modele të pazakonta të transaksioneve, për të identifikuar lidhje mes kompanive dhe për të evidentuar transaksione të dyshimta.

Kjo do të thotë se kontrollet nuk do të mbështeten vetëm në verifikime të kryera pasi të jetë raportuar një problem, por gjithnjë e më shumë në analizën e të dhënave dhe identifikimin paraprak të rrezikut.

Petrova theksoi se digjitalizimi nuk do t’i eliminojë menjëherë përpjekjet për shmangie të tatimeve, por do ta ngushtojë ndjeshëm hapësirën për fshehjen e transaksioneve dhe do ta bëjë më të lehtë zbulimin e tyre.

UJP drejt një modeli të ri të kontrollit

Qëllimi është që DAP gradualisht të shndërrohet në një administratë tatimore që mbështetet më shumë te të dhënat, teknologjia dhe analiza e rrezikut gjatë marrjes së vendimeve dhe kryerjes së kontrolleve.

Me e-faturën, administrata do të ketë një pasqyrë shumë më të detajuar të qarkullimit ekonomik, ndërsa bizneset do të përballen me një sistem ku transaksionet dhe faturat do të jenë më të gjurmueshme.

Sistemi i ri pritet të nisë me përdorim vullnetar deri në fund të vitit 2026, ndërsa zbatimi i detyrueshëm do të bëhet në faza gjatë vitit 2027.

Click to comment

Leave a Reply

Your email address will not be published. Required fields are marked *

Lajme

Lirohen çmimet e derivateve të naftës

Çmimet me pakicë të derivateve të naftës në Maqedoninë e Veriut do të ulen mesatarisht për 2,43 për qind, sipas vendimit të ri të Komisionit Rregullator për Energjetikë.

Sipas vendimit, benzina EUROSUPER BS-95 dhe EUROSUPER BS-98 do të lirohen për 2 denarë për litër. Kështu, çmimi i ri i benzinës BS-95 do të jetë 84 denarë për litër, ndërsa ai i BS-98 do të jetë 86 denarë.

Edhe nafta do të ketë çmim më të ulët. EURODIESEL (D-E V) do të lirohet për 2,5 denarë për litër dhe do të kushtojë 92 denarë.

Ndërkohë, vaji ekstra i lehtë për amvisëri (EL-1) do të ulet për 3 denarë për litër, duke arritur çmimin prej 100,50 denarësh.

Çmimi i mazutit M-1 NS do të ulet për 0,998 denarë për kilogram dhe do të jetë 48,314 denarë.

Continue Reading

Lajme

Kondova paguan, por mbetet në terr! Banorët kërkojnë llogari nga Komuna e Gjorçe Petrovit

Banorët e fshatit Kondovë i janë drejtuar zyrtarisht Komunës së Gjorçe Petrovit dhe kryetarit Aleksandar Stojkoski, me kërkesë për vendosjen e ndriçimit publik në hyrje të fshatit, në pjesën që bie nën kompetencat e kësaj komune.

Sipas kërkesës së banorëve, kjo pjesë e rrugës prej një kohe të gjatë mbetet pa ndriçim publik, duke krijuar vështirësi dhe rrezik për këmbësorët, banorët dhe pjesëmarrësit në komunikacion, veçanërisht gjatë orëve të mbrëmjes dhe natës.

Banorët theksojnë se, pavarësisht mungesës së këtij shërbimi, ata paguajnë rregullisht taksën për ndriçim publik, duke kërkuar që Komuna të sqarojë pse ky shërbim nuk ofrohet në zonën e tyre.

Në kërkesën drejtuar autoriteteve komunale, banorët kërkojnë trajtim të barabartë për të gjithë qytetarët, pa dallim të përkatësisë etnike, duke shprehur shqetësimin se mungesa e investimeve dhe shërbimeve publike në këtë pjesë të Kondovës mund të krijojë ndjenjën e trajtimit të pabarabartë.

Përmes kësaj kërkese, ata kërkojnë shqyrtimin urgjent të gjendjes në terren, ndërmarrjen e masave konkrete për vendosjen dhe funksionalizimin e ndriçimit publik, si dhe një përgjigje zyrtare lidhur me arsyet e mungesës së këtij shërbimi dhe afatin kohor për zgjidhjen e problemit.

Banorët presin që Komuna e Gjorçe Petrovit ta shqyrtojë kërkesën dhe të ndërmarrë hapa konkretë për zgjidhjen e kësaj çështjeje.

“Ndriçimi publik nuk është privilegj, por një shërbim bazë komunal që duhet t’u sigurohet të gjithë qytetarëve, pa përjashtim”, thuhet në kërkesën e banorëve të Kondovës.

Continue Reading

Lajme

Tetova bëhet gati për festat e fundvitit, ja cilat hapësira do të zbukurohen!

Komuna e Tetovës ka planifikuar një sërë aktivitetesh për zbukurimin e qytetit në prag të festave të fundvitit, me synimin që hapësirat publike të marrin një pamje festive dhe të krijojnë një atmosferë të veçantë për qytetarët dhe vizitorët.

Sipas burimeve brenda Komunës së Tetovës, zbukurimet do të përfshijnë Sheshin e Qytetit, Bulevardin “Boris Kidriç”, rrethrrotullimet kryesore, si dhe shtyllat elektrike përgjatë akseve kryesore të qytetit.

Përmes këtij angazhimi, synohet që Tetova të marrë një pamje më të bukur dhe festive, duke sjellë më shumë gjallëri në hapësirat publike gjatë periudhës së festave të fundvitit.

Continue Reading

TË FUNDIT

Lajme1 hour ago

Lirohen çmimet e derivateve të naftës

Çmimet me pakicë të derivateve të naftës në Maqedoninë e Veriut do të ulen mesatarisht për 2,43 për qind, sipas...

Lajme1 hour ago

Kondova paguan, por mbetet në terr! Banorët kërkojnë llogari nga Komuna e Gjorçe Petrovit

Banorët e fshatit Kondovë i janë drejtuar zyrtarisht Komunës së Gjorçe Petrovit dhe kryetarit Aleksandar Stojkoski, me kërkesë për vendosjen...

Lajme1 hour ago

Tetova bëhet gati për festat e fundvitit, ja cilat hapësira do të zbukurohen!

Komuna e Tetovës ka planifikuar një sërë aktivitetesh për zbukurimin e qytetit në prag të festave të fundvitit, me synimin...

Lajme1 day ago

Prej nesër rriten temperaturat, deri të enjten arrijnë në 23 gradë

DPHM paralajmëron se vijon periudhë e motit të ndryshueshëm me vranësira me reshje të kohëpaskohshme të shiut me intensitet të...

Lajme1 day ago

Bilall Kasami viziton Xhaminë e Zagrebit: Ajo është bërë shtëpi edhe për shqiptarët e Kroacisë

Kryetari i Komunës së Tetovës, Bilall Kasami, gjatë vizitës së tij në Kroaci ka qëndruar edhe në Xhaminë e Zagrebit,...

Lajme1 day ago

Përshefca në zi, qytetarë të shumtë i japin lamtumirën e fundit Agron Memedit

Sot, të gjitha rrugët çonin drejt Përshefcës së Tetovës, ku u zhvillua ceremonia mortore e ish-futbollistit Agron Memedi, i cili...

Lajme1 day ago

Faruk Nevzati: Shqiptarët shumicë në 13 komuna të Rajonit të Shkupit

Analisti Faruk Nevzati ka publikuar një analizë historike dhe demografike për pozitën e shqiptarëve në Rajonin e Shkupit, duke vënë...

Lajme1 day ago

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka përfunduar me dy persona të lënduar rëndë nga një mjet i...

Lajme1 day ago

Ankohet Vuçiq: Prej vitesh nuk mund të hyjë në Kosovë, Kurti s’lejon!

Presidenti i Serbisë, Aleksandar Vuçiç, duke komentuar paralajmërimet për ndarjen e 5% të Bruto Produktit Vendor (BPV) për mbrojtjen, ka...

Lajme1 day ago

BDI i përgjigjet VLEN-it: Alta Banka është kopili juaj dhe kopilin tuaj nuk mund ta lini në derë të huaj!

BDI ka reaguar ndaj akuzave të partisë VLEN lidhur me shitjen e aksioneve shtetërore në “Stopanska Banka” të Manastirit, duke...

Trending