Puna e ekipeve të Ndërmarrjes Publike Komunale në Tetovë vazhdon edhe gjatë orëve të natës, me angazhime për mirëmbajtjen dhe pastrimin e hapësirave publike.

Drejtori i NPK-së, Samet Bislimi, përmes një videoje të publikuar në rrjetet sociale, ka ndarë pamje nga puna e ekipeve në terren gjatë natës.

“Puna vazhdon edhe gjatë orëve të natës! Për një qytet më të pastër”, ka shkruar Bislimi, duke vënë në pah angazhimin e punëtorëve për mirëmbajtjen e qytetit.

Ekipet e NPK-së vazhdojnë aktivitetet në terren në funksion të një ambienti më të pastër dhe më të mirëmbajtur për qytetarët e Tetovës.

https://www.facebook.com/share/r/1G4s4kYH5f/?mibextid=wwXIfr

Kryeministri Hristijan Mickoski u bëri thirrje studentëve të rinj që të shfrytëzojnë mundësitë për arsimim dhe përvojë jashtë vendit, por në fund të kthehen dhe të kontribuojnë në Maqedoninë e Veriut.

Duke iu drejtuar studentëve në orën e parë akademike në Universitetin “Goce Dellçev” në Shtip, Mickoski tha se sfida e vërtetë është angazhimi për familjen dhe vendin.

“Kudo që të shkoni, kthehuni në shtëpi dhe së bashku të luftojmë për vendin tonë”, porositi ai.

Mickoski u bëri thirrje edhe profesorëve që, përveç dijes, të jenë pedagogë dhe shembull për studentët. Ai foli edhe për përvojën e tij jashtë vendit, duke thënë se gjithmonë kishte vendosur të kthehej.

Rektori Dejan Mirakovski u tha studentëve se universiteti nuk është vetëm vend për të marrë diplomë, por hapësirë ku lindin ide dhe fitohet dije.

Ndërkaq, drejtoresha e Agjencisë Kombëtare për Programe Arsimore Evropiane dhe Mobilitet, Ana Mihajllov, i inkurajoi studentët të shfrytëzojnë programin Erasmus+, të studiojnë jashtë dhe të fitojnë përvoja ndërkombëtare.

Gazetari i showbizit, Elton Tozaj, ka zbuluar se pas publikimit të lajmeve të fundit që trazuan botën e showbizit, i është bërë një ofertë e majme për t’i fshirë ato.

Ai u shpreh se një ditë pas publikimit të videove, i janë ofruar plot 50 mijë euro në këmbim të fshirjes së tyre.

Tozaj nuk e bëri të ditur identitetin e personit që i ofroi paratë, duke mos zbuluar se kush qëndron pas kësaj oferte.