Kreu i Tetovës, Bilall Kasami, vazhdon të prezantojë punët dhe projektet e realizuara gjatë njëvjetorit të mandatit të tij të dytë.

Në kuadër të bilancit njëvjeçar, Kasami ka bërë të ditur se afër 500 mijë qytetarë kanë shfrytëzuar shërbimet e transportit publik në Tetovë.

Përveç zgjerimit dhe përmirësimit të shërbimit të transportit publik, sipas Kasamit, gjatë kësaj periudhe është investuar edhe në digjitalizimin e shërbimeve, me qëllim që qytetarëve t’u mundësohet qasje më e lehtë, më e shpejtë dhe më efikase.

Përmes këtyre të dhënave, Kasami po vazhdon të prezantojë para qytetarëve rezultatet e punës së realizuar gjatë një viti në krye të Komunës së Tetovës.

Ekipi i Televizionit News gjatë qëndrimit në Zvicër ka vizituar ordinancën e dr. Mirsad Osmanit në Flums, ku realizoi një intervistë ekskluzive me mjekun me origjinë nga Sllupçani.

Gjatë vizitës, ekipi ynë pati mundësinë të njihet nga afër me ambientet e ordinancës, pajisjet moderne dhe kushtet bashkëkohore në të cilat dr. Osmani ushtron veprimtarinë e tij profesionale.

Rrugëtimi i tij nga Sllupçani drejt Zvicrës është një histori përkushtimi, pune dhe sakrifice. Me vite angazhim profesional, ai arriti të ndërtojë karrierën e tij në Zvicër dhe të realizojë një nga synimet e rëndësishme të jetës profesionale, hapjen e ordinancës së vet në Flums.

Në intervistën për Televizionin News, dr. Mirsad Osmani flet për rrugëtimin e tij, sfidat e profesionit, punën në Zvicër dhe lidhjen që vazhdon ta ruajë me vendlindjen dhe bashkëkombësit.

” ”
Pavarësisht largësisë, Sllupçani mbetet pjesë e pandashme e identitetit dhe kujtimeve të tij.

Përfaqësuesit e AKI-së nuk do të marrin pjesë në seancën solemne me rastin e Ditës së Kumanovës, pas deklaratave të kryetarit të komunës, Maksim Dimitrievski.
Ata theksojnë se nuk mund të jenë pjesë e aktiviteteve ku, sipas tyre, mungon respekti për shqiptarët, gjuhën shqipe dhe barazinë në një qytet multietnik.
„Aty ku na luftojnë dhe nuk na respektojnë, nuk kemi çfarë kërkojmë. Prania jonë nuk mund të jetë dekor i askujt“, thuhet në reagimin e tyre.
Nga AKI vlerësojnë se deklaratat e Dimitrievskit i shërbejnë më shumë rejtingut partiak sesa bashkëjetesës dhe interesit të përbashkët të qytetarëve.

Ata e cilësojnë vendimin si bojkot të festës së qytetit dhe u bëjnë thirrje shqiptarëve që t’i bashkohen këtij qëndrimi, duke theksuar se dinjiteti dhe respekti nuk negociohen.