Lajme

Reagon BFI: Qani Nesimi është jolegjitim, duhet të lëshojë zyrat e Myftinisë

Pas kërkesës së disa imamëve të Muftinisë së BFI-Tetovë që Rijaseti i BFI të shqyrtojë vendimin për shkarkimin e Qani Nesimit, Bashkësia Fetare Islame e RMV ka njoftuar se e sheh të arsyeshme që Institucionet e vendit, ambasadat, opinionin e gjërë, imamët, mutevelitë e xhamive dhe besimtarët edhe njëherë t’i njoftojë me sa vijon:

Më datë 08 nëntor 2023 Qani Nesimi shkarkohet nga detyra Mufti i Muftinisë së Tetovës me tërheqjen e Muraseles me të cilën e humb të drejtën e ushtrimit të detyrës së Muftiut dhe ështē shkarkuar edhe me vendim unanim të Rijasetit të BFI-së. Me këto vendime humb legjitimitetin e Muftiut dhe duhet t’i lëshojë zyrat e Muftinisë, njëherit nuk ka të drejtë të përdorë vulat e Muftinisë, e as të paraqitet si Mufti. Përdorimi i vulave dhe paraqitja si Mufti janë vepra penale për të cilat tanimë edhe është dënuar penalisht.
Nga gjykata administrative të gjitha ankesat e Qani Nesimit janë refuzuar dhe me këtë ai edhe juridikisht nuk është Mufti i Muftinisë së Tetovës dhe çdo ditë që qëndron në zyrat e Muftinisë konsiderohet uzurpim i tyre dhe ligjërisht konsiderohet një qytetar i rëndomtë që ka uzurpuar me dhunë ato.
Tanimë emri i tij si Mufti është shlyer edhe nga Regjistri qëndror dhe në vend të tij qëndron ushtruesi i detyrës dr. Selver Xhemaili i emëruar nga Rijaseti i BFI të RMV;
Shkarkimi i Qani Nesimit është bërē për shkak të aktivitetit të tij destruktiv për këto shkaqe:

– Nga momenti që i humbi zgjedhjet më 18 nëntor 2020 me rezultat 18 me 3, nuk arriti ta tejkalojë shqetësimin e humbjes dhe menjëherë filloi të mbajë distancë me organet më të larta të BFI-së;

– Mosraportimi dhe moskoordinimi me organet më të larta për çështjet e denacionalizimit të pronave që rezultoi me humbjen e disa ndërtesave te Arabati dhe 12.000 m2 si dhe shadërvani të cilat tanimë në kadastër kanë kaluar në pronë të Teteksit;

– Fyerja e organeve më të larta publikisht me fjalët më të ndyta dhe shpifjet e paargumentuara rëndë shkel Kushtetutën e BFI dhe normativën e saj;

– Mbledhjet e Muftinisë të konvokuara nga Muftiu i shkarkuar janë të pavlefshme, edhe vendimet e sjellura poashtu janë të pavlefshme, pasiqë konform Kushtetutës së BFI-së ( neni 26) çdo mbledhje ku nuk ftohet Rijaseti i BFI-së, mbledhja dhe vendimet që dalin nga ajo janë të pavlefshme;

– Moslejimi i komisionit inspektues për rrjedhat financiare, poashtu është shkelje e rëndë e Kushtetutës së BFI të RMV;

– Dy herë ka bërë tentim për destabilizim të BFI-së, që konsiderojmë se është akt i rëndë kundër rendit të BFI-së dhe organeve të saj;

– Tentimi i blerjes së barakave të vjetra që janë në pronën e vakufit të BFI, është tentim për keqpërdorim të mjeteve materiale të Muftinisë;

– Keqpërdorimi dhe falsifikimi i dokumenteve është shkelje drastike e detyrës së Muftiut;

– Mbajtja e zyrave të Muftinisë me kërcnime dhe mos lejimi për të marrë detyrën UD Muftiu dr. Selver Xhemaili është vepër e pashembullt dhe në kundërshtim me vendimet e Rijasetit të BFI të RMV;

– Mbajtja e zyrave të Myftinisë së Tetovës me persona me dosje kriminale që mund lehtë të shkaktojnë akte ekstremiste dhe radikaliste me mundësi të dhunës kundër imamëve apo akte të terrorit,

Andaj, pas gjithë kësaj, apelojmë te të gjitha institucionet e vendit si: presidenca e shtetit, Kryeminisrti, zv. Kryeministri i parë, ministri i punëve të brendshme, ambasadat e BE, ambasada amerikane, besimtarët, nëpunësit fetarë, mutevelitë e xhamive të mos bien pre e mashtrimeve të ish Muftiut, dhe se ne nuk mbajmë përgjegjësi për keqpërdorimet, shkeljet dhe problemet tjera që mund të ndodhin në të ardhmen.

Kërkojmë nga organet e shtetit, sa më shpejtë këto elemente të dyshimta dhe jo legjitime të largohen nga objekti i Muftinisë që janë prona të BFI të RMV, i cili mbahet i uzurpuar me dhunë.

Qani Nesimi me anë të ankesave nëpër gjykata të cilat BFI i ka fituar, ndërsa e fundit është në procedure e sipër, vazhdon uzurpimin e zyrave duke mashtruar opinion dhe besimtarët.

Ne ju shprehim mirënjohje të gjithë imamëve dhe mutevelive që nuk bien pre e dezinformatave të ish Muftiut Qani Nesimi.

Lajme

Kriminologu Rijad Bejtulla zgjidhet zyrtarisht anëtari më i ri në Shoqatën elitare për Kriminologji dhe Drejtësi Penale në Shkup

Një tjetër arritje e madhe shkencore dhe profesionale është shënuar në fushën e drejtësisë penale dhe kriminologjisë në vend. Kriminologu dhe hulumtuesi i ri, i njohur për sukseset e tij të njëpasnjëshme akademike, është pranuar zyrtarisht si anëtari më i ri i Shoqatës për Kriminologji dhe Drejtësi Penale me seli në Shkup.

Ky anëtarësim vjen si një vlerësim i rëndësishëm për punën dhe përkushtimin e tij të vazhdueshëm në studimin dhe hulumtimin e etiologjisë dhe fenomenologjisë së kriminalitetit. Shoqata në fjalë përbën një nga platformat më prestigjoze ku bëhen bashkë ekspertë të fushës, profesorë universitarë dhe profesionistë të sistemit të drejtësisë dhe sigurisë.

Lajme

Lista e zezë e SHBA-së: Këto janë subjektet nga Kosova që janë nën sanksione

Deri në fillim të qershorit 2026, në listën e zezë amerikane ishin vendosur 131 individë dhe subjekte nga gjashtë shtete të Ballkanit Perëndimor.

Numri më i madh i sanksioneve lidhet me Serbinë (49), pasuar nga Kosova (29), Bosnje e Hercegovina (26), Maqedonia e Veriut (12), Shqipëria (8) dhe Mali i Zi (7).

Vendimet për sanksione i merr Zyra për Kontrollin e Pasurive të Huaja, shkurt OFAC, e cila vepron në kuadër të Departamentit amerikan të Thesarit.

Bëhet fjalë për një listë individësh dhe biznesesh që SHBA-ja i sanksionon – në rastin e Ballkanit Perëndimor, kryesisht për shkak të dyshimeve për lidhje me krimin e organizuar, korrupsionin ose destabilizimin rajonal.

Po ashtu, në mesin e të sanksionuarve në Ballkan ka edhe persona dhe subjekte që lidhen me aktivitete terroriste ose me ndikimin ketë Rusisë, raporton Radio Evropa e Lirë.

SHBA-ja vendosi sanksione për Ballkanin Perëndimor midis viteve 2001 dhe 2004, për shkak të krimeve të luftës, destabilizimit të vendeve dhe cenimit të paqes pas përfundimit të luftërave në territorin e ish-Jugosllavisë gjatë viteve 1991-1999.

Sanksionet u rikthyen në vëmendje një dekadë më vonë, kur nisën të vendoseshin për shkak të korrupsionit, trafikimit të narkotikëve, terrorizmit, si dhe cenimit të paqes dhe stabilitetit.

Që nga viti 2022, në mesin e të sanksionuarve janë edhe persona dhe subjekte që mbajnë lidhje me Rusinë, e cila është izoluar për shkak të pushtimit të Ukrainës.

Vendimi për zgjatjen e vlefshmërisë së mekanizmit ligjor që u mundëson SHBA-së vendosjen e sanksioneve ndaj vendeve të Ballkanit Perëndimor — “masat e gjendjes së jashtëzakonshme” — u zgjat zyrtarisht më 22 qershor 2026 edhe për një vit.

Kur bëhet fjalë për gjashtë shtetet e Ballkanit, në listë janë 71 subjekte dhe 60 individë, ndërsa subjektet e sanksionuara juridike janë kryesisht të lidhura me individë të sanksionuar.

Sanksionet e targetuara mund të përfshijnë ndalimin e udhëtimit dhe kufizime financiare, deri te kufizimet tregtare dhe ngrirja e pasurisë.

Qëllimi është izolimi i individëve ose subjekteve juridike, në mënyrë që t’u kufizohet qasja në burime politike ose ekonomike.

Në listën e sanksioneve të OFAC-ut, nga gjashtë shtetet e Ballkanit Perëndimor – Shqipëria, Bosnje e Hercegovina, Mali i Zi, Kosova, Serbia dhe Maqedonia e Veriut – ndodhen 71 subjekte juridike.

Ato janë pjesë e 11 programeve të sanksioneve.

Ato janë sanksionuar mbi bazën e:

Pasurisë së individëve në Listën e Personave të Përcaktuar Posaçërisht dhe të Bllokuar (Specially Designated Nationals and Blocked Persons List, SDN): Janë bllokuar e gjithë pasuria dhe interesat në pasuri të personave të përcaktuar, që bien nën juridiksionin e SHBA-së.

Rregullit prej 50 për qind: Nënkupton se bllokohet automatikisht çdo subjekt që është në pronësi të drejtpërdrejtë ose të tërthortë të një apo më shumë personave të bllokuar, me 50 për qind ose më shumë të pronësisë.

Transaksioneve të ndaluara: Personave nga SHBA-ja dhe të gjithë atyre që kryejnë transaksione brenda ose përmes Shteteve të Bashkuara u ndalohet bashkëpunimi me subjektet e sanksionuara. Kjo vlen për të gjitha subjektet juridike dhe fizike amerikane, degët e tyre jashtë vendit, shtetasit e huaj me qëndrim në SHBA, si dhe për çdo transaksion që përdor sistemin financiar amerikan, përfshirë pagesat në dollarë amerikanë.

Rrezikut nga sanksionet dytësore: Institucionet financiare dhe kompanitë jashtë SHBA-së që kryejnë transaksione të rëndësishme me palë të sanksionuara rrezikojnë të përballen me sanksione dytësore ose me masa për zbatimin e ligjit amerikan.

Lista e subjekteve të sanksionuara sipas shteteve të Ballkanit Perëndimor
Subjektet nga lista nuk hiqen asnjëherë automatikisht vetëm pse kanë pushuar së ekzistuari ose janë likuiduar.

Siç përcakton OFAC-u, që një organizatë të hiqet nga lista e sanksioneve, nevojitet një kërkesë formale ligjore — peticion — në të cilën dëshmohet “ndryshimi i rrethanave” ose ndërprerja e veprimtarisë kontestuese.

Për këtë arsye, në listën e të sanksionuarve vazhdojnë të jenë edhe subjektet e shuara, të cilat kanë ndërprerë veprimtarinë.

Në listën e zezë të OFAC-ut nga Kosova gjenden 14 entitete:

1. FERMA IZVORI B.I.

Lokacioni: Izvore

Programi: GLOMAG (Global Magnitsky)

Veprimtaria: Kultivimi i frutave arrore dhe bërthamore.

Pronarin Sinisha Nedeljkoviq, OFAC-u e ka identifikuar si pjesë të një grupi të organizuar kriminal transnacional dhe e ka vendosur në listën e individëve të sanksionuar. Kompanitë dhe rrjetet e tij lidhen me korrupsion dhe tregti të paligjshme, përfshirë kontrabandën mes Kosovës dhe Serbisë. Ai është i lidhur me Zvonko Veselinoviqin.

Zvonko Veselinoviq në publik njihet si biznesmen nga veriu i Kosovës dhe ish-partner biznesi i Milan Radoiçiqit, organizatorit të sulmit të armatosur ndaj Policisë së Kosovës në Banjskë.

*OFAC-u e ka identifikuar Zvonko Veselinoviqin si udhëheqës të një grupi të organizuar kriminal dhe si një nga figurat më famëkeqe korruptive në veri të Kosovës.

Data e vendosjes së sanksioneve: 8 dhjetor 2021.

P.P. SHTËPIA TREGTARE METAL B.I.

Lokacija: Zveçan

Programi: GLOMAG (Global Magnitsky)

Veprimtaria: Tregti me shumicë e makinerive dhe pajisjeve të tjera.

Kompania është e lidhur me të sanksionuarin Sinisha Nedeljkoviq.

Data e vendosjes së sanksioneve: 8 dhjetor 2021.

3. SHTËPIA TREGTARE METAL SH.P.K.

Lokacioni: Zveçan

Programi: GLOMAG (Global Magnitsky)

Veprimtaria: Tregti me mallra të konsumit të gjerë për ndërtimtari dhe amvisëri.

Kompania është e lidhur me të sanksionuarin Sinisha Nedeljkoviq.

Data e vendosjes së sanksioneve: 8 dhjetor 2021.

4. SINISHA NEDELKOVIQ B.I., P.T.P. METAL

Lokacioni: Zveçan

Veprimtaria: Tregti dhe tregti me shumicë e pajisjeve.

Data e vendosjes së sanksioneve: 8 dhjetor 2021.

Kompania është e lidhur me të sanksionuarin Sinisha Nedeljkoviq.

5. SINISHA NEDELKOVIQ I.B.

Lokacioni: Zveçan

Programi: GLOMAG (Global Magnitsky)

Veprimtaria: Tregti me shumicë e makinerive dhe pajisjeve.

Kompania është e lidhur me të sanksionuarin Siniša Nedeljkoviq.

Data e vendosjes së sanksioneve: 8 dhjetor 2021.

6. FERARI, NDËRMARRJE PËR SHËRBIME DHE TREGTI ME AUTOMJETE TË PËRDORURA, SH.A.

Lokacioni: Mitrovica

Programi: GLOMAG (Global Magnitsky)

Veprimtaria: Blerje, shitje dhe ndërmjetësim në tregtinë e automjeteve të përdorura dhe të reja.

Kompania është e lidhur me Zvonko Veselinoviqin. OFAC-u e ka identifikuar Veselinoviqin si udhëheqës të një grupi të organizuar kriminal. Sipas Departamentit amerikan të Thesarit, grupi i tij është i përfshirë në skema të ryshfetit në shkallë të gjerë dhe në trafikim të paligjshëm të mallrave, parave, narkotikëve dhe armëve ndërmjet Kosovës dhe Serbisë.

Data e vendosjes së sanksioneve: 8 dhjetor 2021.

7. PRIZMA B.I.

Lokacioni: Mitrovica

Program: GLOMAG (Global Magnitsky)

Veprimtaria: Ndërtimi i objekteve të tjera të infrastrukturës.

Sipas të dhënave të Agjencisë për Regjistrimin e Bizneseve në Kosovë (ARBK), kompania është kaluar zyrtarisht në status pasiv më 9 qershor 2022, vetëm disa muaj pas vendosjes së sanksioneve amerikane.

Kompania është e lidhur me të sanksionuarin Zvonko Veselinoviq.

Data e vendosjes së sanksioneve: 8 dhjetor 2021.

8. ZHARKO VESELINOVIQ B.I., S.T.R. KRISTAL

Lokacija: Mitrovicë e Veriut

Program: GLOMAG (Global Magnitsky)

Veprimtaria: Formësimi dhe përpunimi i xhamit të rrafshët.

Sipas bazës së të dhënave të ARBK-së, kompania është zyrtarisht në status pasiv që nga 9 qershori 2022. Ndryshimi i statusit në pasiv ndodhi rreth gjashtë muaj pasi OFAC-u vendosi sanksione ndaj pronarit dhe vetë kompanisë.

OFAC-i e ka identifikuar Zharko Veselinoviqin si një nga udhëheqësit e grupit të organizuar kriminal të Zvonko Veselinoviqit, vëllait të tij, i cili është thellësisht i përfshirë në tregti të paligjshme dhe kontrabandë.

SHBA-ja, në raportin e saj, ndër të tjera, përmend një aktakuzë në bazën e të dhënave të Kosovës, e cila i lidh anëtarët e këtij grupi me rastin e vrasjes së politikanit serb Oliver Ivanoviq më 2018. Ivanoviq u vra me gjashtë plumba pas shpine, para zyrave të partisë së tij në Mitrovicë të Veriut.

Data e vendosjes së sanksioneve: 8 dhjetor 2021.

9. RAD D.O.O.

Lokacioni: Zveçan

Programi: GLOMAG (Global Magnitsky)

Veprimtaria: Ndërtimtari, ndërtim i objekteve të larta dhe i objekteve infrastrukturore.

Pronari i kompanisë, Radulle Steviq, dhe vetë kompania kanë bashkëpunuar me politikanë dhe pushtetarë lokalë për të siguruar monopol në projektet ndërtimore në veri të Kosovës përmes prokurimeve publike të manipuluara. OFAC-u e ka identifikuar kompaninë si pjesë kyçe të grupit të organizuar kriminal të të sanksionuarit Zvonko Veselinoviq.

Data e vendosjes së sanksioneve: 8 dhjetor 202

10. RADULE STEVIC B.I., P.T.P. RAD

Lokacioni: Zveçan

Programi: GLOMAG (Global Magnitsky)

Veprimtaria: Ndërtimtari.

Pavarësisht sanksioneve amerikane, kompania, përmes degës së regjistruar në Serbi, vazhdoi të lidhte kontrata për punë infrastrukturore në komunat me shumicë serbe në Kosovë.

Kompania është e lidhur me të sanksionuarin Radule Steviq.

Data e vendosjes së sanksioneve: 8 dhjetor 2021.

11. RADOVAN RADIC B.I., P.P. EU RR GRADNJA

Lokacioni: Zupç

Programi: GLOMAG (Global Magnitsky)

Veprimtaria: Građevinarstvo

OFAC e ka identifikuar pronarin e kompanisë, Radovan Radiq, si anëtar të një grupi të organizuar kriminal dhe transnacional, në krye të të cilit është Zvonko Veselinoviqi.

Data e sanksionimit: 8 dhjetor 2021.

12. P.P. BABUDOVAC B.I.

Lokacioni: Jasenovik

Program: GLOMAG (Global Magnitsky)

Veprimtaria: Shitje me shumicë e ushqimit, pijeve dhe duhanit.

OFAC e ka identifikuar kompaninë si në pronësi ose nën kontrollin e Milan Radisavleviqit, i cili është përcaktuar si anëtar i një grupi të organizuar kriminal dhe transnacional, i drejtuar nga Zvonko Veselinoviqi në veri të Kosovës.

Data e sanksionimit: 8 dhjetor 2021.

13. N.P.T.T. DONA-SHELL

Lokacioni: Pejë

Programi: SDNTK (Značajni trgovci narkoticima)

Veprimtaria: Transport dhe logjistikë.

Lidhje me organizatën kriminale të sanksionuar të Naser Kelmendit. Përmes llogarive bankare dhe transaksioneve të kësaj kompanie janë financuar operacionet e familjes Kelmendi. Kompania është e lidhur drejtpërdrejt me Besnik Kelmendin (djalin e Naser Kelmendit), i cili është cilësuar si një nga operativët kryesorë në rrjet dhe ka qenë subjekt i hetimeve të gjera ndërkombëtare financiare dhe policore për dyshime se ka shërbyer si mbulesë për pastrim parash të fituara nga aktivitete kriminale.

Data e sanksionimit: 24 mars 2015.

14. RINGJALLJA E SHOQATËS SË TRASHËGIMISË ISLAME, dega në Kosovë

Statusi: E mbyllur dhe e sanksionuar.

Lokacioni: Prishtinë

*Organizata kishte degë në Bosnje e Hercegovinë dhe në Shqipëri.

Programi: Specially Designated Global Terrorist (SDGT) / Terrorist global i veçuar posaçërisht.

Veprimtaria: Organizatë humanitare.

Data e sanksionimit: 13 qershor 2008

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.