Sport

Voska Sport merr katër përforcimet e para në merkato

Skuadra e Voska Sport ka nisur merkaton dimërore dhe në radhët e veta ka sjellur katër përforcime të reja. Mësohet se drejtuesit e ekipit shqiptar nga Ohri kanë arritur akord me portierin turk Halil Bagci, i cili te Voska vjen nga Gaziantepi, teksa më herët ka qenë pjesë edhe e Helsinkit.

Në gjysmësezonin pranveror te Voska do të luaj edhe një japonez. Taiki Kogayama është futbollisti 28 vjeçar që ka firmosur kontratë me Voskën.

Filip Valencic është lojtar slloven dhe do të jetë pjesë e ekipit nga Ohri. Ky i fundit vjen në kampionatin tonë me një eksperiencë, ku gjatë karrierës së tij ka luajtur për ekipe të ndryshme në mesin e tyre si Dinamo Minsk, Olimpija Ljubljana, Monza e HJK.

Ndërkohë përforcimi i katërt është Tuure Siira, finlandez dhe te Voska transferohet si futbollist i lirë. Ekipi i fundit që është aktivizuar Siira është FC Haka.

Sipas paralajmërimeve, te Voska do të ketë përforcime edhe tjera gjatë merkatos së janarit.

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.