Lajme

Bastisje anti-drogë në Shkup, vajza nga Haraçina gjatë ikjes goditi me veturë policin

Policia ka njoftuarë se gjatë ditës së djeshme, në rajonin e Gazi Babës zyrtarët e policisë kanë arrestuar 34-vjeçarin me iniciale V.K. nga Shkupi, në veturën e të cilit është gjetur drogë e tipit heroinë. Me qëllim të sigurimit të provave shtesë, me urdhër të gjykatës janë kryer bastisje në tri lokacione në Shkup, ku policia ka hasur në vështirësi

“Gjatë një prej bastisjeve, po ashtu në zonën e Gazi Babës, efektivët e policisë gjetën dy gra të cilat nuk pranuan të identifikoheshin. Njëra prej tyre është larguar nga vendi me veturën e pasagjerëve “Seat Leon” me targa të Shkupit dhe me veturë ka goditur njërin nga policët. Pas masave të marra, është konstatuar se bëhet fjalë për personin A.J.(26) nga fshati Orllancë, komuna e Haraçinës, e cila shumë shpejt është gjetur dhe është privuar nga liria”,thuhet në njoftimin e MPB-së.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.