Lajme

Fluturojnë çmimet e vezëve – Një vezë mbi 12 denarë

Çmimi i vezëve është rritur në mënyrë të shpejtë. Në markete, një vezë kushton mbi 12 denarë, ndërsa në tregje mund të gjendet vetëm një denarë më lirë kursim që vështirë se i ndihmon qytetarët, shkruan Alsat.

Ndërkohë, vezët e fshatit që shiten në treg, janë bërë thuajse luks. Çmimi i tyre shkon nga 18 deri në 25 denarë dhe sipas shitësve është gjithnjë e më e vështirë të gjenden në shitje pasi blerja e vezëve të fshatit bëhet me parapagesë.

“Sa kushtojnë? Varet, këto janë nga 20 dhe 25 denarë. Pra veç më janë shtrenjtuar vezët? Po janë shtrenjtuar pasi gruri është 22 denarë për një kilogram, pra çmimi i vezëve të fshatit shkon nga 20 deri në 25 denarë. Varet por çmimi më i lirë është 18 apo 20 denarë dhe më nuk ka, jo nuk ka”, tha një shitës.

Çmimi i vezëve në treg sot ishte një denarë më lirë se në markete, por përsëri për një karton vezësh me 30 copë, çmimi fillonte nga 320 deri në 350 denarë. Qytetarët thonë se çmimet janë të pa përballueshme ndërsa kërkojnë kontrolle më të rrepta nga institucionet kur behet fjalë për çmimeve

“Si u duken çmimet që janë 350 denarë? Shtrenjtë janë por çfarë të bëjmë, ai punon që të fitoje e ne duhet të blejmë dhe të hamë, kjo është”, u shpreh një qytetar.

“Çmimet janë të larta dhe pagat janë të ulëta. Për dikë që nuk punon e jeton me tetë mijë denarë, çfarë të bëje me aq, as për bukë nuk mjaftojnë”, tha një qytetar tjetër.

“Më parë ishin 280 denarë por tani janë 320, shtrenjtë janë por çfarë të bëjmë”, theksoi një qytetar.

“Çfarë është kjo, jo vetëm vezët por edhe produktet tjera, katastrofë”, tha një qytetar.

Sa i përket rritjes së çmimit të vezëve, nga Ministria e Ekonomisë thonë se çmimi i tyre varet kryesisht nga produktet e tregut global të aksioneve, siç është soja që përdoret për prodhimin e ushqimit për pula, gjë që e bën çmimin të jetë i varur nga luhatjet në treg.

“Çmimi i vezëve varet kryesisht nga produktet e tregut global të aksioneve, siç është soja që përdoret për prodhimin e ushqimit për pula, gjë që e bën çmimin të jetë i varur nga luhatjet në treg. Megjithatë, institucionet mbeten të përkushtuara për të kontrolluar dhe monitoruar çmimet dhe për të mbrojtur interesat e konsumatorëve”, thonë nga Ministria e Ekonomisë.

Nga Ministria e Ekonomisë shtojnë se çmimet monitorohen vazhdimisht përmes Inspektoratit të Tregut dhe se reagojnë në mënyrë aktive sa herë që është e nevojshme. Ndërkohë, deri sa të ketë ulje të çmimit, qytetarët do të detyrohen që vezët t’i konsiderojnë si ushqim luksi./ Alsat.mk

Lajme

Çmime të reja të naftës për festën e Bajramit

Çmimet e benzinës dhe vajit ekstra të lehtë rriten me 0.5 denarë, çmimi i dizelit mbetet i njëjtë.

Çmimet me pakicë të benzinës EUROSUPER BS-95 dhe EUROSUPER BS-98, si dhe të vajit ekstra të lehtë për përdorim shtëpiak (EL-1) do të rriten me 0.50 denarë për litër nga mesnata, njoftoi Komisioni Rregullator i Energjetikës.

Çmimi me pakicë i EURODIZEL (D-E V) nuk do të ndryshojë.

Çmimi i naftës M-1 NS do të rritet me 0.330 denarë dhe një kilogram do të kushtojë 51.144 denarë.

Lajme

Mexhiti: Është gjetur zgjidhje për provimin e jurisprudencës, studentët duhet të festojnë

Bashkëkryetari i VLEN-it Izet Mexhiti, në një paraqitje para gazetarëve, tha se studentët nuk duhet të protestojnë, por të festojnë siç e quajti ai, fitoren e përbashkët.
Mexhiti theksoi se bashkë me partnerët e qeverisë kanë gjetur zgjidhje, jo vetëm për provimin e Jurisprudencës, por edhe të gjitha provimeve tjera profesionale.
“Nuk ka nevojë për protestë. Ne i mbështesim studentët dhe për këtë jemi ulur dhe kemi gjetur zgjidhje, por jo vetëm për Jurisprudencës, por për të gjithë provimet profesionale që nuk janë zgjidhur për 25 vite. Zgjidhjen e kemi promovuar bashkë me partnerët e qeverisë, këtë e ka thënë edhe kryeministri”.
“Studentët i përgëzoj për organizimin, për protestat, për mendimin ndryshe. Por dua të potencoj se studentët nuk kanë nevojë të protestojnë, por duhet të festojnë fitoren e përbashkët”, tha Mexhiti.

Lajme

Sela propozon Ligj të ri për përfaqësim të drejte dhe adekuat: Ky ligj realizon të drejtat e qytetarëve, nuk është ligj dosido

Kryetari i ASH-së, Ziadin Sela, në Kuvend ka njoftuar se kanë dorëzuar në procedurë parlamentare Ligjin për përfaqësim të drejtë dhe adekuat.
Sela tha se kjo e drejtë buron nga kushtetua dhe e cila është e paraparë me Marrëveshjen e Ohrit.
“Ligji për përfaqësim të drejt dhe adekuat është kauzë e ASH-së, kauzë kjo e sjellë që në krijimin e ASH-ës, me të cilën kemi bërë edhe kampanjë në fushatën e vitit 2020 që është e drejtë e qytetarëve dhe jo e aktorëve politik dhe e qeverive dhe si e tillë duhet të respektuar”, tha Sela.
Ai shtoi se ligji i propozuar i përfaqëson qytetarët dhe ua realizon të drejtat e tyre dhe jo një ligj do si do, i cili, sipas tij, ka për qëllim ta bëj të pazbatueshme.