Lajme

BDI përballë provës historike: 7 emrat e parë të kryesisë që Ali Ahmeti do t’i largojë më 20 dhjetor?

20 dhjetori pritet të jetë një datë vendimtare për BDI-në. Ose drita jeshile për ringritje dhe reformim të thellë, ose drita e kuqe që do të konfirmojë vazhdimin e rënies politike. Pas disfatës së rëndë në zgjedhjet lokale, BDI ndodhet përballë një prove historike, ku ndryshimet rrënjësore në strukturën e ngushtë drejtuese paraqiten si kushti kryesor për mbijetesë dhe rikthim të fuqishëm.

Edhe pse Ali Ahmeti do të vazhdojë ta drejtojë partinë e dalë nga Lufta, portali TS mëson lideri i BDI-së e ka kuptuar se pa largimin e figurave të konsumuara dhe të komprometuara në sytë e opinionit publik, reforma reale është e pamundur.

Pikërisht këto figura, me jetëgjatësinë e tyre politike dhe veprimet e përsëritura, e kanë dëmtuar rëndë imazhin e partisë në publik.

Portali TS ka mësuar se Ali Ahmeti ka përgatitur një listë emrash që pritet të largohen nga kryesia partiake, duke hapur rrugë për figura të reja, profesionale dhe pa bagazh negativ.

Në mesin e emrave të parë që do të largohen janë: Fatmir Dehari, Musa Xhaferi, Xhevat Ademi, Teuta Arifi, Ramiz Merko, Sadulla Duraku dhe Resi Abdurrahmani. Largimi i tyre nga struktura drejtuese shihet si sinjali i parë serioz për një reformë të thellë dhe për ndërtimin e një BDI-je më funksionale dhe më të besueshme.

Sipas portalit TS, kjo listë nuk është përfundimtare.

Më 20 dhjetor pritet një valë e gjerë shkarkimesh dhe riorganizimesh, ku shumë figura të tjera do të zëvendësohen me kuadro të rinj, të pakonsumuar politikisht dhe me kredibilitet në publik.

Qëndrimi i gjatë i këtyre emrave në majat e partisë ka krijuar perceptimin e një strukture të mbyllur dhe të ngurtë, e paaftë për reformim dhe për të ofruar shpresë për elektoratin, veçanërisht për rininë.

Po ashtu, siç mëson TS, Ali Ahmeti pritet të ndërhyjë edhe në degët e partisë, ku do të bëhen ndryshime në udhëheqje. Disa kryetarë aktualë pritet të zëvendësohen me figura të reja, me synimin që në zgjedhjet e ardhshme BDI të rikthehet si forcë dominuese dhe si një parti që rrezaton shpresë, energji të re dhe besueshmëri politike.

Lajme

Gjendet pa shenja jete një grua në Mavrovë, ja detajet

Një grua 58-vjeçare është gjetur pa shenja jete në një shtëpi vikendi në Hanet e Mavrovës. Rasti është raportuar në Stacionin Policor të Mavrovës, ndërsa mjeku ka konstatuar vdekjen pa shenja dhune. “Me urdhër të prokurorit publik, trupi i pajetë është dërguar për obduksion”, njoftojnë autoritetet.

Lajme

Azir Aliu: Do t’i japim fund mitos në shëndetësi

Ministri i Shëndetësisë, Azir Aliu paralajmëroi se përmes rregullimit të listës së pritjes së pacientëve për ndërhyrje kirurgjike do të ndalohet praktika e mitos për këtë çështje.

Megjithatë, qytetarët thonë se realiteti në terren vazhdon të jetë ndryshe. Sipas tyre, pa ryshfet dhe pa ndërhyrje nga njohjet, procedurat shpesh vonohen, duke i detyruar pacientët të presin me muaj të tërë për ndërhyrje.

“Nëse nuk ke miq, nuk ke asgjë. Çfarë të ju them….shkurtë e qartë nëse ke para ke menjëherë operacion, nëse nuk ke para nuk të përfillin”, u shpreh një qytetarë.

“Po pritet, mundet një muaj, dy ose më shumë …. kam pasur operacion për hernia, kam miq dhe më kanë përfunduar punë menjëherë”, tha një tjetër qytetarë.

“Përafërsisht për gruan time kam pritur gjashtë muaj”, theksoi një qytetarë.

“Me aq sa di është shumë vështirë, pasi nuk kanë personel, por shëndetësinë e kemi katastrofë. Ishim fantastik, tani jemi zero”, tha një qytetare.

“Më mirë mos më pyesni, pasi që gjithçka është kaos. Nëse ju them se për dopler të arterieve karotide kam pritur nga tetori deri në muajin mars, dhe në fund përsëri nuk kam kryer punë”, deklaroi një qytetarë.

“Nuk e di saktësisht, por e di se pritet shumë”, u shpreh një qytetarë.

Problemi me listën e pritjes për terminë ende nuk është tejkaluar. Drejtoresha e Klinikës së specializuar për mjekësi geriatrike dhe paliative, thekson se situata më shqetësuese mbetet për pacientët me demencë.

“Problemi në repartin e Geriatirsë, veçanërisht problemi me pacientët e kategorisë me demencë nuk është tejkaluar. Problemi qëndron ende, pasi që kapacitetet janë të njëjta nuk janë zmadhuar…në ndërkohë e dini se ka pasur skandale në sektorin privat, dhe ne jemi gjendur në një presion më të lartë për akomodimin e pacientëve. Zgjidhje të menjëhershme për këtë problem nuk është e mundur”, theksoi drejtoresha e Klinikës së Geriatrisë, Lençe Nelloska.

Lajme

Trump “nuk ka gjasa të pranojë” propozimin e Iranit për t’i dhënë fund luftës

Presidenti i SHBA-së, Donald Trump, sinjalizoi se nuk ka gjasa të pranojë propozimin më të fundit të Iranit për t’i dhënë fund luftës, pasi Teherani propozoi një plan për rihapjen e Ngushticës së Hormuzit, duke lënë çështjet për programin e tij bërthamor për negociata të mëvonshme, raportoi CNN, duke cituar dy burime të njohura me çështjen, transmeton Anadolu.

Sipas raportit, Trump përcolli qëndrimet e tij gjatë një takimi të së hënës me zyrtarë të lartë të sigurisë kombëtare ku u diskutua Irani, me një burim që tha se presidenti amerikan nuk ka gjasa të pranojë planin që i është dërguar SHBA-së gjatë ditëve të fundit.
Hapi i radhës i Trumpit mbeti i paqartë, thuhet në raport, duke shtuar se zyrtarët amerikanë janë ende të shqetësuar për atë që e quajnë përçarje të brendshme brenda udhëheqjes së Iranit dhe nuk është e qartë se kush mban autoritetin përfundimtar mbi çdo marrëveshje të mundshme.

Megjithatë, publikisht, Trump ka shprehur dyshime për rifillimin e fushatës së bombardimeve të SHBA-së, e cila aktualisht është pezull pasi ai zgjati armëpushimin javën e kaluar.

Shtëpia e Bardhë nuk ka dhënë detaje mbi formën ose drejtimin e negociatave në vazhdim.

“Këto janë diskutime diplomatike të ndjeshme dhe SHBA-ja nuk do të negociojë përmes mediave. Siç ka thënë presidenti, Shtetet e Bashkuara kanë në dorë letrat dhe do të bëjnë vetëm një marrëveshje që vendos në radhë të parë popullin amerikan, duke mos lejuar kurrë Iranin të ketë një armë bërthamore”, i tha CNN-it ndihmës-zëdhënësja e Shtëpisë së Bardhë, Olivia Wales.