Lajme

Takim mes Ahmetit dhe Mickovskit?

Sigurimi i shumicës së Badinterit për zgjedhjen e Avokatit të Popullit dhe zgjidhjeve të tjera ligjore mund të jetë një rast që Kryeministri Hristijan Mickoski të takohet me kreun e BDI-së, Ali Ahmeti, në të cilin zgjidhjet do të negociohen drejtpërdrejt. Në bisedime të drejtpërdrejta të ndara me deputetët e komuniteteve jo-shumicë, Kryeministri do të kërkojë mbështetje për të ashtuquajturin votim të dyfishtë pas festave, në mënyrë që qeveria të mos marrë kritika nga BE-ja për bllokimin e institucionit të Avokatit të Popullit, por edhe disa ligje nga axhenda e reformave.

Në janar, ne do të angazhohemi seriozisht për sigurimin e Badinterit për zgjedhjen e Avokatit të Popullit, por edhe për të gjitha ligjet për të cilat ai është i nevojshëm, në mënyrë që të mos marrim vërejtje të panevojshme nga BE-ja. Nëse kreu Hristijan Mickoski do të takohet me kreun e BDI-së apo do të flasim përmes deputetëve është çështje strategjie. Ne nuk e përjashtojmë mundësinë e bisedimeve në nivel udhëheqësish – thotë një zyrtar i lartë qeveritar për “Slobodebn Pechat”, transmeton faktiditor.info

Mickoskit i duhet shumica e Badinterit për të miratuar si Ligjin e Administratës Publike ashtu edhe Kodin Zgjedhor.

Në një takim informues me gazetarët, Kryetari i Kuvendit, Afrim Gashi, u bëri thirrje deputetëve që të gjejnë vullnetin politik që Kuvendi të zgjedhë një Avokat të Popullit, pasi punonjësit e institucionit i dërguan një letër Kuvendit, por edhe mediave dhe ambasadave, duke deklaruar se institucioni është në bllokadë të plotë dhe se që nga 1 janari nuk ka pasur askush për të nënshkruar as pagat e punonjësve. Gashi njoftoi një angazhim personal për të gjetur një zgjidhje për këtë çështje, pasi ky është një institucion i rëndësishëm dhe se është e papranueshme që ai të jetë pa udhëheqës për kaq kohë. Megjithatë, nuk ka zgjidhje se si të sigurohen votat nga BDI, duke pasur parasysh se qeveria nuk ka shumicën e Badinterit, e cila është e nevojshme për të zgjedhur një Avokat të ri të Popullit.

Lajme

Gjendet pa shenja jete një grua në Mavrovë, ja detajet

Një grua 58-vjeçare është gjetur pa shenja jete në një shtëpi vikendi në Hanet e Mavrovës. Rasti është raportuar në Stacionin Policor të Mavrovës, ndërsa mjeku ka konstatuar vdekjen pa shenja dhune. “Me urdhër të prokurorit publik, trupi i pajetë është dërguar për obduksion”, njoftojnë autoritetet.

Lajme

Azir Aliu: Do t’i japim fund mitos në shëndetësi

Ministri i Shëndetësisë, Azir Aliu paralajmëroi se përmes rregullimit të listës së pritjes së pacientëve për ndërhyrje kirurgjike do të ndalohet praktika e mitos për këtë çështje.

Megjithatë, qytetarët thonë se realiteti në terren vazhdon të jetë ndryshe. Sipas tyre, pa ryshfet dhe pa ndërhyrje nga njohjet, procedurat shpesh vonohen, duke i detyruar pacientët të presin me muaj të tërë për ndërhyrje.

“Nëse nuk ke miq, nuk ke asgjë. Çfarë të ju them….shkurtë e qartë nëse ke para ke menjëherë operacion, nëse nuk ke para nuk të përfillin”, u shpreh një qytetarë.

“Po pritet, mundet një muaj, dy ose më shumë …. kam pasur operacion për hernia, kam miq dhe më kanë përfunduar punë menjëherë”, tha një tjetër qytetarë.

“Përafërsisht për gruan time kam pritur gjashtë muaj”, theksoi një qytetarë.

“Me aq sa di është shumë vështirë, pasi nuk kanë personel, por shëndetësinë e kemi katastrofë. Ishim fantastik, tani jemi zero”, tha një qytetare.

“Më mirë mos më pyesni, pasi që gjithçka është kaos. Nëse ju them se për dopler të arterieve karotide kam pritur nga tetori deri në muajin mars, dhe në fund përsëri nuk kam kryer punë”, deklaroi një qytetarë.

“Nuk e di saktësisht, por e di se pritet shumë”, u shpreh një qytetarë.

Problemi me listën e pritjes për terminë ende nuk është tejkaluar. Drejtoresha e Klinikës së specializuar për mjekësi geriatrike dhe paliative, thekson se situata më shqetësuese mbetet për pacientët me demencë.

“Problemi në repartin e Geriatirsë, veçanërisht problemi me pacientët e kategorisë me demencë nuk është tejkaluar. Problemi qëndron ende, pasi që kapacitetet janë të njëjta nuk janë zmadhuar…në ndërkohë e dini se ka pasur skandale në sektorin privat, dhe ne jemi gjendur në një presion më të lartë për akomodimin e pacientëve. Zgjidhje të menjëhershme për këtë problem nuk është e mundur”, theksoi drejtoresha e Klinikës së Geriatrisë, Lençe Nelloska.

Lajme

Trump “nuk ka gjasa të pranojë” propozimin e Iranit për t’i dhënë fund luftës

Presidenti i SHBA-së, Donald Trump, sinjalizoi se nuk ka gjasa të pranojë propozimin më të fundit të Iranit për t’i dhënë fund luftës, pasi Teherani propozoi një plan për rihapjen e Ngushticës së Hormuzit, duke lënë çështjet për programin e tij bërthamor për negociata të mëvonshme, raportoi CNN, duke cituar dy burime të njohura me çështjen, transmeton Anadolu.

Sipas raportit, Trump përcolli qëndrimet e tij gjatë një takimi të së hënës me zyrtarë të lartë të sigurisë kombëtare ku u diskutua Irani, me një burim që tha se presidenti amerikan nuk ka gjasa të pranojë planin që i është dërguar SHBA-së gjatë ditëve të fundit.
Hapi i radhës i Trumpit mbeti i paqartë, thuhet në raport, duke shtuar se zyrtarët amerikanë janë ende të shqetësuar për atë që e quajnë përçarje të brendshme brenda udhëheqjes së Iranit dhe nuk është e qartë se kush mban autoritetin përfundimtar mbi çdo marrëveshje të mundshme.

Megjithatë, publikisht, Trump ka shprehur dyshime për rifillimin e fushatës së bombardimeve të SHBA-së, e cila aktualisht është pezull pasi ai zgjati armëpushimin javën e kaluar.

Shtëpia e Bardhë nuk ka dhënë detaje mbi formën ose drejtimin e negociatave në vazhdim.

“Këto janë diskutime diplomatike të ndjeshme dhe SHBA-ja nuk do të negociojë përmes mediave. Siç ka thënë presidenti, Shtetet e Bashkuara kanë në dorë letrat dhe do të bëjnë vetëm një marrëveshje që vendos në radhë të parë popullin amerikan, duke mos lejuar kurrë Iranin të ketë një armë bërthamore”, i tha CNN-it ndihmës-zëdhënësja e Shtëpisë së Bardhë, Olivia Wales.