Lajme

Gjatë këtij viti janë regjistruar 36 raste të vdekjes së foshnjave të porsalindura dhe fëmijëve

Gjatë këtij viti janë regjistruar 36 raste të vdekjes së foshnjave të porsalindura dhe fëmijëve. Ndërsa, Ministria e Shëndetësisë vetëm për 6 raste ka formuar komisione profesionale për inspektim të jashtëzakonshëm. Por, siç thonë nga atje në asnjërin prej këtyre rasteve nuk janë konstatuar lëshime profesionale mjekësore por kanë evidentuar vetëm vërejtje administrative, kryesisht në plotësimin dhe menaxhimin e dokumentacionit mjekësor.

“Nga ana e ministrit gjatë vitit 2025 janë krijuar gjashtë komisioni për mbikëqyrjen e punës profesionale për të porsalindurit dhe fëmijët e vdekur. Në përgjithësi, nga raportet e paraqitura, komisionet nuk kanë përcaktuar ekzistencën e mangësive, parregullsive ose lëshimeve në kryerjen e punës profesionale. Vërejtjet janë kryesisht të natyrës administrative dhe mbajtjes së dokumentacionit mjekësor. Gjithashtu, këtë vit, një mbikëqyrje profesionale është iniciuar nga Oda e Mjekëve për të cilin ende pritet një raport nga Oda e Mjekëve”, thonë nga Ministria e Shëndetësisë.

Në rastin e fundit Komisioni i formuar nga Ministria e Shëndetësisë bëri të ditur se në vdekjen e foshnjës në Spitalin Gjinekologjik nuk është konstatuar gabim Mjekësor. Sipas tyre, procedura e reanimimit është zbatuar sipas protokollit.

“Në bazë të dokumentacionit të plotë mjekësor, deklaratave të personelit mjekësor dhe gjetjeve të autopsisë, Komisioni konstatoi se bëhet fjalë për një foshnjë të lindur para kohe, me infeksion të rëndë dhe funksion pulmonar të dëmtuar për shkak të mushkërive të paformuara”, shtuan nga Ministria e Shëndetësisë.

Ditë më parë familjarët hodhën dyshime për gabim mjekësor, duke theksuar se në dy ditët e para pas lindjes foshnja ishte në gjendje të mirë shëndetësore, që më pas në ditën e tretë të marrin njoftimin se mund të vdesë në çdo kohë./Alsat.mk

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.