Lajme

Bilall Kasami dhe administrata komunale pastruan rrugët e Tetovës në Ditën e Ekologjisë

Në ditën e ekologjisë, kreu i komunës së Tetovës, Bilall Kasami, së bashku me administratën komunale dhe sektorët komunal dolën nëpër rrugët e qytetit për të pastruar hapësirat publike. Aksioni simbolik kishte për qëllim të dërgojë mesazh tek qytetarët që të kujdesen më shumë për ambientin jetësor dhe pastërtinë e qytetit.

Kasami gjithashtu tha se të gjithë qytetarët duhet të jenë më të kujdesshëm për ambientin ku jetojmë, me qëllim që të jetë më i pastër.

Ndërkohë, problem vazhdojnë të mbeten deponitë e egra dhe mbetjet inerte, të cilat shpeshherë qytetarët i hedhin vend e pa vend. Kryetari Kasami theksoi se për këtë problem nevojiten dënime më të ashpra dhe bashkëpunim më i madh institucional, duke kërkuar që edhe gjyqësori të mos tregojë tolerancë ndaj ndotësve të ambientit.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.