Lajme

Publikohen pamjet e dhunës në Shkup: Pasi e goditi me makinë, shoferi del dhe rreh personin që dergjej në tokë

Një ngjarje e rëndë ka ndodhur para tre ditësh në komunën e Aerodromit, ku një zënkë në komunikacion ka përfunduar me dhunë brutale. Një lexues i “Sloboden Pechat” ka dërguar pamjet e incidentit ku shihet se si një shofer i makinës “BMW” godet qëllimisht drejtuesin e një trotineti.

Sipas dëshmitarit që filmoi skenën, ngjarja nuk ishte thjesht një aksident, por një veprim i qëllimshëm. Pasi drejtuesi i trotinetit fluturoi mbi kapakun e makinës dhe ra në asfalt, shoferi i makinës doli jashtë dhe nisi ta sulmonte fizikisht personin që ishte i shtrirë në tokë.

”Isha dëshmitar i një dhune brutale që më tronditi. Ajo që pashë ishte tentativë vrasjeje dhe jo thjesht ‘dhunë’ siç e raportoi policia,” thotë dëshmitari për mediat maqedonase.

Nga ana tjetër, MPB njoftoi se ka arrestuar 32-vjeçarin me iniciale A.S., i cili akuzohet për veprën penale “Dhunë” sipas nenit 386 të Kodit Penal. Viktima e këtij sulmi është një 41-vjeçar nga Shkupi me iniciale Z.I.

VIDEO

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.