Sport

Turqia e nis Kampionatin Evropian me fitore, Arda Guler realizon supergol dhe vendos rekord

Pritej një përballje e luftuar dhe ashtu rezultoi të ishte. Turqia ka marrë një fitore të madhe, pasditen e kësaj të marte, ku në “Signal Iduna Park” mposhti me rezultatin e ngushtë, 2 me 1 Gjeorgjinë, në sfidën e tyre hapëse, të Kampionatit Evropian të futbollit, Euro 2024, aty ku janë shortuar në Grupin F, së bashku me Portugalinë e Republikën Çeke.

Turqit dominuan që nga fillimi i lojës, me djemtë e teknikut, Vincenzo Montella, që arritën të kalonin në avantazh, që në minutën e 25’-të, falë “perlës” së Mert Muldur, i cili tund rrejtën e Mamardshvili. Epërsia do të thellohej vetëm 2 minuta më vonë falë talentit të Juventus, Kenan Yildiz, mirëpo pas një rishikimi të golit me anë të sistemin VAR anullohet për offisde, megjithatë pjesa e parë nuk do të përfundonte me kaq, pasi në minutën e 32’-të, “fantazisti” gjeorgjian, Georges Mikautadze shtang turqi, duke barazuar shifrat, për të mbyllur pjesën e parë, në 1 me 1.

Me nisjen e pjesës së dytë, turqit u hodhën në sulm për të ndëshkuar sërish “Kryqëtarët” dhe në minutën e 65’-të, pas një pasimi të shkurtër pranë mesfushës, Arda Guler lëshon një të majtë potente drejt portës së Mamardashvili duke e çuar topin në cepin më largët të mundshëm e duke shënuar padyshim golin më të bukur, deri në këtë pikë të Euro 2024, ndërsa për të vulosur rezultatin mendoi Akturkoglu, i cili përfiton nga një kundërsulm i shpejtë në sekondat e fundit të lojës, duke dërguar topin në rrjetën e boshatisur.

Falë këtij rezultati, Turqia pozicionohet në vendin e parë të Grupit F, me një golavarazh tepër pozitiv, +2, ndërsa Gjeorgjia mbetet në vendin e fundit. Sa i përket sfidave të radhës, Turqia do të ndeshet me “Luzitanët” e Portugalisë, ndërsa Gjeorgjia do të ketë shansin e madh për të rrëmbyer pikë historike përballë Republikës Çeke.

Sport

Shkëlqeu ndaj Realit, Zhegrova: Ishte ëndërr

Edon Zhegrova ishte i jashtëzakonshëm në përballjen ndërmjet Lile dhe Real Madridit, e vlefshme për fazën e ligës në Ligën e Kampionëve të cilën skuadra franceze e fitoi me rezultat minimal 1-0.

Golin e vetëm në këtë ndeshje e realizoi David në fund të pjesës së parë nga penalltia e cila erdhi për shkak të një prekje me dorë brenda zonës pas një goditje të lirë të Edon Zhegrovës.

Reprezentuesi kosovar ishte i jashtëzakonshëm gjatë gjithë 90 minutave dhe në fund u shpall si lojtari më i mirë i ndeshjes. Për këtë çmim dhe paraqitjen e tij, Zhegrova ka reaguar pas ndeshje duke thënë se “ishte një ditë historike për klubin por edhe një ëndërr që të luajë në këto nivele”.

Sport

Arsenal dhe PSG, sfidë e madhe në kryeqytetin britanik

Një tjetër përballje që ia vlen të shihet. Arsenali dhe Paris SG janë dy nga skuadrat europianë që më bukur luajnë futboll, dhe sonte do të ndeshen në stadiumin “Emirejts”.

Londinezët do të duhet të reagojnë pas barazimit 0-0 në Itali kundër Atalantës, ku duhet thënë se patën fat, ndonëse janë të pathyer deri tani këtë sezon.

Pretendentët për titull në Premier Ligë gjithsesi kanë disa dyshime si Kalafiorin dhe Uajtin.

Kapiteni Odegard mbetet jashtë për shkak dëmtimi, dhe po ashtu Merino, Zinçenko, Tomijasu dhe Tiernej.
Tekniku londinez thotë se futbolli luhet pikërisht për ndeshje të tilla, për mbrëmje të tilla, dhe se lojtarët e tij mezi po e presin duelin me një rival të madh si kampionia e Francës.

Paris SG vjen në kryqytetin e Anglisë jo në momentin më të mirë.

Francezët kanë pasur një tronditje pikërisht në prag të përballjes.

Usman Dembele u la jashtë skuadre pas një konflikti me trajnerin Luis Enrike, diçka që jo vetëm ndikon në potencialin sulmues, por edhe krijon një tronditje në atmosferën e skuadrës.

Luis Enrike theksoi se nuk ka rrugë tjetër kur një futbollist shkel rregullat dhe kalon limitet, duke mos u sjellë dhe duke mos punuar njësoj si lojtarët e tjerë.
Po ashtu, PSG ka mungesa si Gonsalo Ramosin, Lykas Ernandezin dhe Kimpemben, por portieri Donaruma kthehet.

Sport

Jasir ASANI “përbindësh” në Ligën e Kampionëve në Azi shënon një tjetër gol

Champions League Aziatike duket se është kompeticioni i preferuar i Jasir Asanit për të shënuar gola. “Mëngjarashi” i Kombëtares… ka arritur të shënonte një tjetër gol të rëndësishme në këtë kompeticion me Gwangju FC, në sfidën që këto të fundit po zhvillojnë ndaj Kawasaki Frontale.

Asani arriti të gjente rrugën e rrjetës në minutën e 21-të të takimit, teksa u tregua mjaft i saktë nga pika e bardhë e penalltisë. Një gol mjaft i rëndësishëm, me 29-vjeçarin që vazhdon të jetë element kyç për skuadrën koreanel, ndërsa i dha avantazhin 1-0 në këtë sfidë.

Kujtojmë se ky është goli i 4-të për lojtarin kuqezi në AFC Champions League, teksa në sfidën e kaluar në Champions ia doli të shënonte 3 gola dhe të dhuronte 2 asist për ekipin e tij.