Lajme
Vetëm 13 vjeç ka qenë pacientja më e re që i është bërë abort në Maqedoni
Vetëm 13 vjeç ka qenë pacientja më e re që vitin e kaluar iu bë abort në Klinikën Universitare të Gjinekologjisë dhe Obstetrikës në Shkup.
Sipas të dhënave nga Shoqata Maqedonase e Gjinekologëve dhe Obstetërve, në vitin 2023 ka pasur rreth tre herë e gjysmë më shumë aborte në krahasim me vitin 2020 në të njëjtën klinikë. Gjatë katër viteve, në këtë Klinikë janë kryer gjithsej 2.626 aborte, dhe numri është rritur çdo vit nga viti 2020 deri në vitin 2023. Në vitin 2020 janë kryer 324 aborte, në vitin 2021 kishte 554, në vitin 2022 kishte 615, ndërsa vitin e kaluar janë kryer 1.133 aborte.
Sipas raportit të shërbimeve për mbrojtjen shëndetësore të nënave dhe fëmijëve për vitin 2021, gjatë këtij viti janë regjistruar gjithsej 20 foshnja të lindura të gjalla nga nëna nën 15 vjeç dhe 791 foshnja të lindura të gjalla dhe 5 të vdekura nga nëna të moshës 15 deri në 19 vjeç.
Në vitin 2023, Zyra e UNICEF-it në vend, në bashkëpunim me partnerët kombëtarë, filloi krijimin e një baze të dhënash për fëmijët me qëllim zhvillimin e një profili demografik të popullatës fëmijërore në Maqedoni. Sipas bazës së të dhënave, në grupin e adoleshenteve të moshës 15-19 vjeç, në kuadër të Regjistrimit, 1.000 vajza kanë deklaruar se kanë lindur një ose më shumë fëmijë.
“Niveli i lindjeve te adoleshentet është 20 lindje (19,7) për 1.000 vajza të moshës 15-19 vjeç. Nëse rezultatet i krahasojmë me Anketën Multiindikatorike të Cluster (MICS), e cila u krye në Republikën e Maqedonisë së Veriut në vitet 2018 dhe 2019, në një mostër prej më shumë se 4.000 familjesh, ka një ulje të vogël të nivelit të lindjeve te adoleshentet, nga 21 në 20,” thuhet në publikim.
Lajme
Deklaratë e Këshillit të Ambasadorëve Shqiptarë mbi ndryshimet e mundëshme kushtetuese në Maqedoninë e Veriut, lidhur me statusin e gjuhës shqipe
Këshilli i Ambasadorëve Shqiptarë përcjell me vëmendje të veçantë debatin mbi ndryshimet e mundëshme ligjore nga ana e Gjykatës Kushtetuese në Maqedoninë e Veriut, lidhur me statusin e gjuhës shqipe. Vënia në pikëpyetje e këtij statusi cënon jo vetëm të drejtat e shqiptarëve, por edhe vetë themelet e Maqedonisë së Veriut si një shtet multietnik dhe demokratik.
Gjuha shqipe nuk është thjesht një çështje gjuhësore; ajo është një simbol i identitetit, historisë dhe dinjitetit të shqiptarëve në Maqedoninë e Veriut, të cilët janë një popull shtet-formues në këtë vend.
Vlerësimi i saj si gjuhë zyrtare është rezultat i përpjekjeve të gjata dhe sakrificave të mëdha të shqiptarëve për barazi dhe drejtësi. Vendimi i Gjykatës Kushtetuese në këtë çështje përbën një provë të rëndësishme për përkushtimin e shtetit ndaj parimeve të barazisë, unitetit dhe respektimit të të drejtave të komuniteteve etnike.
Çdo përpjekje për të zvogëluar rolin e gjuhës shqipe bie ndesh me frymën dhe parimet e Marrëveshjes së Ohrit, një marrëveshje historike që i dha fund konfliktit mbi baza etnike dhe krijoi bazën për bashkëjetesë dhe paqe të qëndrueshme.
Ne u bëjmë thirrje institucioneve të Maqedonisë së Veriut, aktorëve politikë dhe juridikë, si dhe partnerëve ndërkombëtarë, që të mbrojnë arritjet e deritanishme dhe të garantojnë respektimin e plotë të të drejtave të shqiptarëve si një shtyllë e rëndësishme e stabilitetit dhe integrimit euroatlantik të vendit.
Maqedonia e Veriut ka mundësinë të dëshmojë se është një model i suksesit të bashkëjetesës multietnike, dhe ruajtja e statusit të gjuhës shqipe është një gurë themeli në këtë drejtim.
Lajme
E dhimbshme: Vdes policja 22-vjeçare, pasi rrëshqiti nga Piramida në Tiranë
Një police e Shqipërisë, ka vdekur në Spitalin e Traumës në Tiranë.
22-vjeçarja u rrëzua ditë më parë nga Piramida në kryeqytetin e shtetit që i shërbente.
Ajo po merrte trajtim te Neurologjia prej më shumë se një jave në spitalin ku edhe dha frymën e fundit.
Lajme
Hyri “live” në Tik-tok nga Gjinekologjia, gjykata në Tetovë kërkon që që të kthehet në punë anesteziologu Valton Dervishi
Gjykata Themelore në Tetovë ka shfuqizuar vendimin e Spitalit të Tetovës për t’ia ndërprerë marrëdhënien e punës anesteziologut Valton Dervishi, i cili u dënua me 15 muaj burg, pasi kishte hyrë “live” në Tik-Tok nga Reparti i GJjinekologjisë, përcjell TV21. Sipas vendimit të gjykatës, spitali është i detyruar që ta kthejë në punë të njëjtën.
“Kërkesa e paditur e paditësit V.D. aprovohet. Ndërpritet vendimi për shfuqizim të marrëdhënies së punës pa afat…nga viti, e marrë nga i padituri, ISHP Spitali Klinik i Tetovës”, thuhet mes tjerash në vendimin e gjykatës.
-
Lajme2 months ago
Detaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lajme7 months ago
Këto ministri dhe poste zv ministrash do ti takojnë VLEN-it
-
Lifestyle7 months ago
Trashet miqësia me maqedonë në familjen e Adelina Tahirit
-
Lajme10 months ago
Burrin e Shkurte Fejzës e godet vetura (PAMJE)
-
Lajme7 months ago
Ja kush janë 13 deputetët e koalicionit “VLEN” (Lista)
-
Lajme10 months ago
Detajet për vrasjen në Bllacë të Shkupit, 57 vjeçari Zelqif Tusha gjendet i vrarë
-
Lajme7 months ago
Ja kush janë 19 deputetët e koalicionit “Fronti Evropian” (LISTA)
-
Lajme7 months ago
KSHZ publikon rezultatet e para të zgjedhje parlamentare