Lajme

BDI Tetovë: Kreu i Tetovës dhe kabineti i tij shpenzuan nga 800 euro çdo ditë pune përgjatë një viti

Këshilltari komunal nga radhët e BDI-së në Tetovë, Veton Murati ka reaguar pas publikimit të të dhënave nga Instituti “Idea”, se në këtë komunë për vitin 2022 janë shpenzuar 211.000 euro për shpenzime dhe udhëtime ditore.

“211 mijë euro, para të tetovarëve janë shpenzuar nga ana e udhëheqësve të Komunës së Tetovës për Udhëtime dhe Shpenzime ditore, gjatë vitit 2022. Ndryshe, kjo i bie se Bilall Kasami dhe kabineti i tij kanë shpenzuar nga 800 euro çdo ditë pune përgjatë një viti, vetëm për shpenzime ditore dhe udhëtime.

Këto nuk janë konstatime tonat, por janë statistika të publikuara nga instituti për analiza IDEA, me të dhëna zyrtare që janë publikuar nga Ministria e Financave.

Këto informata dëshmojnë mashtrimet dhe qëllimet e Bilall Kasamit, i cili Komunën e Tetovës e përdor për qëllime partiake dhe personale.

E pyesim publikisht kryetarin e Komunës së Tetovës se për çfarë i ka shpenzuar nga 800 në ditë, gjatë gjithë vitit 2022?

Sikur kjo të mos mjaftonte, muaj më parë, Komuna e Tetovës u shpall si një nga komunat me transparencë më të ulët në shtet, që jep indicie serioze për korrupsion dhe keqpërdorime si kjo.

Të nderuar qytetarë,

Çdo ditë e më shumë po bëhet e qartë se fokusi i udhëheqësve të Komunës së Tetovës është vetëm pasurimi i njerëzve të afërt të Bilall Kasamit në kurriz të qytetarëve të Tetovës”, thonë nga BDI Tetovë.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk