Lajme

Ceferin: Superliga Evropiane është si molla e Borëbardhës

Presidenti i UEFA-s, Aleksander Ceferin nuk mungoi në fjalën e hapjes së kongresit për të vazhduar sulmin ndaj Superligës Evropiane dhe drejtuesve të saj.

Projekti i Superligës Evropiane vazhdon të mbetet ende si opsion, por kjo nuk i pëlqen aspak drejtuesve të UEFA-s, të cilët e shohin si rrezik për funksionimin e shtëpisë evropiane të futbollit.

Këtë ka lënë të kuptohet i pari i UEFA-s, Ceferin, i cili sot (e enjte) shfrytëzoi rastin ta godas përsëri projektin e Superligës Evropës.

“Futbolli është një nga gjërat e pakta ku Evropa po kryeson. Ne duhet të jemi krenarë dhe se suksesi bazohet në modelin e vetëm, në solidaritet, në promovime dhe në rënie”, ka thënë fillimisht Ceferin.

“Ne duhet ta mbrojmë këtë model. Të gjithë ne dhe jo vetëm UEFA. Ka nga ata që përpiqen të shkelin, bëjnë sikur janë shpëtimtarët kur në realitet hapin varret. Ata janë grabitqarë. Ata formojnë një rreth të mbyllur. Ata nuk dinë asgjë për lirinë e shprehjes”.

“Futbolli evropian përfaqëson një nga simbolet e Evropës. Uniteti është e vetmja gjë që mund të na shpëtojë edhe në futboll”.

Ai vazhdoi me fjalën e tij dhe përcaktoi se çfarë është për të Superliga Evropiane.

“Ne e kuptojmë sulmin ndaj UEFA-s. Ne mbrojmë një ekuilibër. Çdo klub mund t’i bashkohet garës që dëshiron. Ata planifikojnë për dëshirën e tyre për të fituar më shumë para, kapital, fuqi, prestigj”.

“Kjo është ndjenja e epërsisë dhe lakmisë. Ata duan gjithmonë e më shumë. Dëshirojnë të jenë superiorë”.

“Superliga është si molla e Borëbardhës. Nuk mund të blesh ëndrra, merita sportive. Nuk mund të blesh histori. Ne kemi 70 vjet histori, por ka shumë të tjera”, përfundoi i pari i UEFA-s. /Telegrafi/

Lajme

Alpinisti i vdekur në Majën e Titos është nga fshati Xhepçisht?!

Personi që humbi jetën sot në zonën e “Kodrës së Diellit”, përkatësisht në afërsi të Majës së Titos, mësohet se është nga fshati Xhepçisht i Komunës së Tetovës, mëson tetova1

Sipas informacioneve të para, bëhet fjalë për një person mbi 70-vjeç, i cili kishte dalë në zonën malore si alpinist. Për shkak të terrenit të vështirë dhe të paarritshëm me mjete të zakonshme, trupi i pajetë është transportuar me helikopter nga zona malore. Autoritetet pritet të japin më shumë detaje lidhur me rrethanat e ngjarjes./tetova1.mk

Lajme

Maran e la jashtë listës së Kombëtares, reagon Jasir Asani

Jasir Asani ishte një nga befasitë e trajnerit Maran, pasi mëngjarashi nuk ishte pjesë e listës me 29 futbollistë të grumbulluar për 4 ndeshjet e kombëtares në Ligën e Kombeve.

Këtë Asani nuk e ka “kapërdirë” dot dhe ka reaguar në rrjetet sociale. Asani ka “ironizuar”, me dy postime të bëra.

“Po rri urtë, se e di veten. Historia nuk harrohet kurrë. Më mirë të mos flas më…”, shkruan Jasir Asani në rrjetet sociale.

Lajme

Këto janë të dhënat që nuk duhet t’ia jepni ChatGPT-së

ChatGPT është bërë pjesë e përditshmërisë së shumë njerëzve, të cilët e përdorin për gjithçka, nga recetat dhe CV-të, deri te këshillat për shëndetin dhe problemet në punë.

Por përdorimi gjithnjë e më i madh i chatbotëve po ngre shqetësime te ekspertët e privatësisë, të cilët paralajmërojnë se disa informacione personale dhe konfidenciale nuk duhet të ndahen në bisedat me inteligjencën artificiale.

Sipas ekspertëve të cituar nga “HuffPost”, përdoruesit duhet të shmangin ndarjen e të dhënave që mund t’i identifikojnë drejtpërdrejt.

Të dhënat personale

Emri i plotë, adresa, numri i telefonit, numri personal, të dhënat e pasaportës, patentës apo dokumenteve të tjera zyrtare janë ndër informacionet që këshillohet të mos ndahen.

Ekspertët rekomandojnë që edhe para ngarkimit të një dokumenti për analizë të hiqen të dhënat që mund të identifikojnë personin.

Problemet dhe informacionet intime

Komunikimi natyral me chatbotët mund t’i bëjë përdoruesit të ndajnë histori familjare, probleme personale apo informacione intime.

Ekspertët paralajmërojnë se një chatbot nuk duhet trajtuar si psikolog, mjek apo avokat, pasi nuk ka të njëjtat detyrime profesionale dhe ligjore për konfidencialitet.

Dokumentet mjekësore
Raportet mjekësore dhe analizat laboratorike mund të përdoren për të marrë shpjegime nga inteligjenca artificiale, por këshillohet që paraprakisht të fshihen emri, datëlindja, numri personal dhe të dhënat e tjera identifikuese.
Informacionet e kompanisë

Raportet e brendshme, kontratat, të dhënat e klientëve, kodet burimore dhe dokumentet që mbrohen nga marrëveshjet e konfidencialitetit nuk duhet të ngarkohen pa autorizim.

Një veprim i tillë mund të krijojë probleme ligjore, kontraktuale ose rregullatore për punonjësin dhe kompaninë.

Të dhënat financiare

Numrat e llogarive bankare, të dhënat e kartave të kreditit, informacionet mbi investimet, të ardhurat dhe deklaratat tatimore janë gjithashtu informacione që duhet të mbahen larg chatbotëve.

Ekspertët këshillojnë përdoruesit të kontrollojnë cilësimet e privatësisë në platformat e inteligjencës artificiale dhe, kur është e mundur, të kufizojnë përdorimin e bisedave për trajnimin e modeleve.

Një alternativë është përdorimi i pseudonimeve ose përshkrimeve të përgjithshme në vend të emrave dhe të dhënave reale, duke i dhënë chatbotit kontekstin e nevojshëm pa ekspozuar informacionet personale apo konfidenciale.