NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë ka zhvilluar aksion për pastrimin e mbeturinave në lumin Shkumbin, kositjen e kullosës dhe mirëmbajtjen e hapësirave përreth lumit.

Në terren ishte edhe drejtori i NPK Tetovë, dr. Samet Bislimi, ndërsa ekipit iu bashkua edhe Kryetari i Komunës së Tetovës, z. Bilall Kasami.

Aksioni është pjesë e punës së vazhdueshme të NPK-së për mirëmbajtjen e hapësirave publike dhe një mjedis më të pastër në qytet.

Bashkë për një Tetovë më të pastër dhe më të mirë! 🌿

https://www.facebook.com/share/r/1EWC6nXwCL/?mibextid=wwXIfr

Komisioni për Mbrojtjen e Konkurrencës ka dhënë dritën jeshile për përqendrimin përmes të cilit kompania kosovare “Proeks Internacional” synon të marrë kontrollin mbi “Tinex Market” SHPK Shkup, thuhet në vendimin e miratuar nga anëtarët e Komisionit.

Nga vendimi bëhet e ditur edhe struktura e transaksionit të planifikuar. Më 2 korrik të këtij viti është nënshkruar një letër qëllimi ndërmjet “Tinex-MT”, si shitës, dhe “Proeks Internacional”, si blerës, përmes së cilës palët janë dakorduar për kushtet kryesore komerciale për marrjen e biznesit të shitjes me pakicë të supermarketeve të “Tinex” në Maqedoni.

Në dokument specifikohet se transaksioni përfshin biznesin që operon, ndër të tjera, me emrat “Tinex”, “SuperTinex”, “Tinex Delikates”, “Konto” dhe “Spot”.

Pas nënshkrimit të letrës së qëllimit, më 14 korrik 2026, “Tinex-MT” ka regjistruar shoqërinë e re “Tinex Market” SHPK Shkup, e cila, sipas vendimit, është krijuar për të shërbyer si mjet për marrjen në kontroll dhe vazhdimin e operimit të këtij biznesi.

Biznesi i shitjes me pakicë, ose pjesët përkatëse të tij, pritet t’i vihen në dispozicion shoqërisë së re në përputhje me kushtet e dakorduara dhe dokumentacionin përfundimtar të transaksionit.

“Proeks Internacional” është kompani me seli në Prishtinë, aktiviteti kryesor i së cilës është tregtia me pakicë në dyqane të paspecializuara, kryesisht me ushqime, pije dhe produkte të duhanit.

Kompania është pjesë e “Proeks Group”, një grup biznesi kosovar i diversifikuar, aktiv në tregti, distribucion, shitje me pakicë, logjistikë dhe sektorin e energjisë. Grupi merret gjithashtu me importin dhe distribuimin e mallrave të konsumit të gjerë, menaxhimin e rrjeteve të supermarketeve, si dhe tregtinë, magazinimin dhe distribuimin e derivateve të naftës.

Një tjetër detaj interesant është se “Proeks Internacional” dhe grupi të cilit i përket deri më tani nuk kanë pasur subjekte të lidhura të regjistruara në Maqedoni, ndërsa gjatë vitit 2025 nuk kanë realizuar të ardhura në tregun maqedonas.

Njoftimi për përqendrimin i është dorëzuar Komisionit më 10 gusht dhe është plotësuar një ditë më vonë. Komisioni më pas e ka shqyrtuar transaksionin dhe ka konstatuar se janë plotësuar kushtet ligjore për miratimin e tij.

Me këtë vendim, praktikisht është hequr pengesa nga aspekti i mbrojtjes së konkurrencës për realizimin e blerjes së planifikuar të biznesit të shitjes me pakicë të “Tinex” nga kompania kosovare “Proeks Internacional”.

Një 23-vjeçare nga Tetova ka denoncuar në polici një stomatolog nga një ordinancë private në qytet, duke pretenduar se është ngacmuar seksualisht gjatë vizitave mjekësore.

Sipas denoncimit, ngjarjet dyshohet se kanë ndodhur gjatë vizitave të 14 dhe 18 shtatorit, ndërsa 23-vjeçarja pretendon se stomatologu ka kryer veprime të papërshtatshme gjatë ndërhyrjeve mjekësore.

Ajo gjithashtu ka deklaruar se pas vizitave ka pranuar nga stomatologu mesazhe me përmbajtje të papërshtatshme përmes një aplikacioni celular.

Rasti është denoncuar në polici, ndërsa autoritetet kanë nisur procedurat për verifikimin e pretendimeve dhe zbardhjen e plotë të rrethanave të rastit.