Lajme

Rama, Erdoganit: Nuk harrohet njohja e pavarësisë së Kosovës nga ju në minutat e para të shpalljes së saj

Kryeministri i Shqipërisë, Edi Rama, ka përmendur tre momente që sipas tij Turqia dhe presidenti i saj, Recep Tayyip Erdogan, nuk do të harrohen nga shqiptarët.

Ai, në konferencën e tij të përbashkët me Erdogan në Ankara, ka përmendur njohjen që Turqia i ka bërë Kosovës kur e shpalli pavarësinë para 16-vjetëve.

“Shqiptarët, Shqipëria dhe Kosova nuk mund të harrojnë tre gjëra që mbeten në kujtesën tonë kombëtare për sot dhe për nesër fal jush dhe qeverisë tuaj. Kosova u njoh si Republikë e pavarur pak minuta pasi parlamenti i saj shpalli pavarësinë. E dyta kur Shqipëria u godit nga një tërmet me pasoja jashtëzakonisht të rënda ju ishit i pari që komunikuat me mua më thatë që sa të jetë Turqia, Shqipëria nuk do të jetë kurrë vetëm, dhe bëtë iniciativën publike për fillimin e menjëhershëm të 500 apartamenteve të reja”.

“E treta kur Shqipëria dhe populli shqiptar bashkë me popujt e tjerë të rajonit tonë të Ballkanit u ndjenë si peshku pa ujë, momenti kur bota u godit nga pandemia COVID-19 dhe teksa shikonim nëpër ekranet e televizioneve evropiane fillimin e vaksinimit në Evropë, nëse nuk do të ishte Turqia dhe nëse nuk do të ishit ju personalisht kushedi se sa njerëz do të kishin humbur jetën. Këto tre momente mes jetës dhe vdekjes nuk harrohen kurrë”, ka thënë Rama. /Klankosova.tv

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.