Lajme

Ahmeti: Kemi shkelë në shtigje të pa hapura, por kemi lënë gjurmë

Sekretariati për mundësi të barabarta të BDI-së organizoi manifestimin me moton “Një premtim në vigjilje të 7 dhe 8 Marsit”.

Historia na rastisi që në vazhdimësi të shkelim në shtigje të pa hapura, por e rëndësishme është që të lësh gjurmë – tha në fjalimin e tij Kryetari I BDI-së, Ali Ahmeti, duke iu drejtuar manifestimit “Një premtim në vigjilje të 7 dhe 8 Marsit” në organizim të Sekretariatit për mundësi të barabarta të BDI-së.

“Kështu na rastisi historia që në vazhdimësi të shkelim nëpër shtigje të pa hapura. Por, cfarë është e rëndësishme të hapish shtigje të pa hapura, e rëndësishme është që të lësh gjurmë, për shkak se në rrugë të hapur ec gjithkush, kurse në shtigje të pa hapura është vështirë dhe në këtë ëvshtirësi, gjurmët kanë mbetur. Ne e nisëm me Teutën si deputete të parë dhe sot mbi 40% të Kuvendarëve, të deputetëve në parlamentin e RMV-së janë gra shqiptare”, tha Ali Ahmeti.

Manifestimit iu drejtuan edhe mysafire nga Shqipëria dhe Kosova sikurse Deputetja në Kuvendin e Kosovës dhe Nënkryetarja e AAK-së, Time Kadriaj dhe Etilda Gjonaj deputete në Parlamentin shqiptar.

Sipas Gjonajt, në dy vitet e fundit rajoni ynë është sfiduar me cështjet e paqës, sigurisë dhe jetët e grave, duke përmendur diskutimet për manifestimet e ndryshme të dhunës dhe format më të rënda të femicidit. Sipas saj, gratë kanë nevojë për një tablo më të gjerë për të ndërmarrë masat.

“Nëse prezenca ime sot këtu dhe prezenca e Times nuk është rastësore për të ndarë këto mesazhe me ju, por është edhe për të treguar konkretisht që ne përtej kufijve gjeografik por për faktin që jemi një zemër, një komb – jemi këtu për të mbështetur njëra-tjetrën, sot dhe nesër”, tha Etilda Gjonaj.

Nga Sekretariati për mundësi të barabarta të BDI-së, në manifestimin e sotëm, me mirënjohje dhe dhurata u nderuan mësueset në trevat shqiptare të vendit.

Lajme

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë ka zhvilluar aksion për pastrimin e mbeturinave në lumin Shkumbin, kositjen e kullosës dhe mirëmbajtjen e hapësirave përreth lumit.

Në terren ishte edhe drejtori i NPK Tetovë, dr. Samet Bislimi, ndërsa ekipit iu bashkua edhe Kryetari i Komunës së Tetovës, z. Bilall Kasami.

Aksioni është pjesë e punës së vazhdueshme të NPK-së për mirëmbajtjen e hapësirave publike dhe një mjedis më të pastër në qytet.

Bashkë për një Tetovë më të pastër dhe më të mirë! 🌿

https://www.facebook.com/share/r/1EWC6nXwCL/?mibextid=wwXIfr

Lajme

‘Fluturoi’ 119 km/h në zonën 50 km/h, arrestohet 23-vjeçari në Tetovë

Një 23-vjeçar nga fshati Gjermë është arrestuar në Tetovë pasi është kapur duke drejtuar automjetin me shpejtësi prej 119 km/h, në një pjesë të bulevardit „Vidoje Smilevski Bato“ ku kufizimi është 50 km/h.

Policia e ka ndaluar E.A. më 18 shtator në ora 06:14.

Me udhëzim të prokurorit publik, ai është privuar nga liria nën dyshimin për veprën penale „ngasje e pakujdesshme e mjetit motorik“, sipas nenit 297-a të Kodit Penal.

Pas dokumentimit të rastit, ndaj tij do të vijojë parashtresa përkatëse.

Lajme

“Interex” mori dritën jeshile për të blerë “Tinex”, përfshirë “SuperTinex”, “Tinex Delikates”, “Konto” dhe “Spot”

Komisioni për Mbrojtjen e Konkurrencës ka dhënë dritën jeshile për përqendrimin përmes të cilit kompania kosovare “Proeks Internacional” synon të marrë kontrollin mbi “Tinex Market” SHPK Shkup, thuhet në vendimin e miratuar nga anëtarët e Komisionit.

Nga vendimi bëhet e ditur edhe struktura e transaksionit të planifikuar. Më 2 korrik të këtij viti është nënshkruar një letër qëllimi ndërmjet “Tinex-MT”, si shitës, dhe “Proeks Internacional”, si blerës, përmes së cilës palët janë dakorduar për kushtet kryesore komerciale për marrjen e biznesit të shitjes me pakicë të supermarketeve të “Tinex” në Maqedoni.

Në dokument specifikohet se transaksioni përfshin biznesin që operon, ndër të tjera, me emrat “Tinex”, “SuperTinex”, “Tinex Delikates”, “Konto” dhe “Spot”.

Pas nënshkrimit të letrës së qëllimit, më 14 korrik 2026, “Tinex-MT” ka regjistruar shoqërinë e re “Tinex Market” SHPK Shkup, e cila, sipas vendimit, është krijuar për të shërbyer si mjet për marrjen në kontroll dhe vazhdimin e operimit të këtij biznesi.

Biznesi i shitjes me pakicë, ose pjesët përkatëse të tij, pritet t’i vihen në dispozicion shoqërisë së re në përputhje me kushtet e dakorduara dhe dokumentacionin përfundimtar të transaksionit.

“Proeks Internacional” është kompani me seli në Prishtinë, aktiviteti kryesor i së cilës është tregtia me pakicë në dyqane të paspecializuara, kryesisht me ushqime, pije dhe produkte të duhanit.

Kompania është pjesë e “Proeks Group”, një grup biznesi kosovar i diversifikuar, aktiv në tregti, distribucion, shitje me pakicë, logjistikë dhe sektorin e energjisë. Grupi merret gjithashtu me importin dhe distribuimin e mallrave të konsumit të gjerë, menaxhimin e rrjeteve të supermarketeve, si dhe tregtinë, magazinimin dhe distribuimin e derivateve të naftës.

Një tjetër detaj interesant është se “Proeks Internacional” dhe grupi të cilit i përket deri më tani nuk kanë pasur subjekte të lidhura të regjistruara në Maqedoni, ndërsa gjatë vitit 2025 nuk kanë realizuar të ardhura në tregun maqedonas.

Njoftimi për përqendrimin i është dorëzuar Komisionit më 10 gusht dhe është plotësuar një ditë më vonë. Komisioni më pas e ka shqyrtuar transaksionin dhe ka konstatuar se janë plotësuar kushtet ligjore për miratimin e tij.

Me këtë vendim, praktikisht është hequr pengesa nga aspekti i mbrojtjes së konkurrencës për realizimin e blerjes së planifikuar të biznesit të shitjes me pakicë të “Tinex” nga kompania kosovare “Proeks Internacional”.