Sport
Shkëndija nuk i shfrytëzon gabimet e Shkupit dhe Strugës, vetëm barazim me Makedonija Gjp
Pesë ndeshjet e fundit të xhiros së 26-të në Ligën e Parë të futbollit të Maqedonisë së Veriut të luajtura pasditën e sotme kanë sjellur plotë surpriza.
Kampionët në fuqi Struga Trim Lum dhe Shkupi kanë pësuar humbje, ndërsa Shkëndija e Tetovës dhe Voska Sport nuk kanë shkuar më shumë se një barazim. Kampionët në fuqi u mundën nga Vardari në kryeqytet me rezultatin 1:0, teksa me shifra identike u mposht edhe Shkupi në Shtip nga Bregallnica me golin e vetëm të Gorgievit të shënuar në minutën e 7-të.
Humbjet e Strugës dhe Shkupit nuk ka arritur ti shfrytëzojë Shkëndija e Tetovës, e cila në transfertën ndaj Makedonija Gjorçe Petrovit nuk shkoi më shumë se një barazim 1:1.
Gjithashtu edhe Voska Sport ndaj Rabotniçkit u ndal me rezutlat 1:1, përderisa takimi tjetër i luajtur në Kavdar i takoi Tikveshit që mundi Brerën me shifrat 3:1.
Sport
Arigon Avdimetaj pritet të shkund ringun në përballje me serbin Miomcilo Jajic
Boksieri shqiptar Arigon Avdimetaj pritet të ngjitet në ring në një nga mbrëmjet më të rëndësishme të boksit në Belgjikë, ku do të përballet me serbin Miomcilo Jajic.
Ndeshja do të zhvillohet më 25 prill 2026 në Hasselt, në kuadër të eventit “Exclusive Boxing Night VI”, një mbrëmje që pritet të mbledhë vëmendjen e publikut ndërkombëtar dhe dashamirëve të sportit të boksit.
Përballja mes Avdimetajt dhe Jajić nuk është vetëm një duel sportiv, por edhe një moment krenarie për tifozët shqiptarë, pasi boksieri shqiptar synon të dëshmojë forcën dhe potencialin e tij në arenën ndërkombëtare.
Me përgatitje intensive dhe ambicie të larta, Arigon Avdimetaj hyn në këtë sfidë me synimin e qartë për fitore, duke kërkuar të ngrejë lart flamurin shqiptar dhe të afirmohet si një emër i rëndësishëm në boksin profesionist.
Interesi për këtë duel është në rritje, ndërsa komuniteti shqiptar në diasporë pritet të jetë i pranishëm në numër të madh për të mbështetur sportistin e tyre në këtë përballje të rëndësishme.
Sport
Leandro Maksutaj super talenti shqiptar në ekipin e parë të FC Winterthur në Super Ligën zvicerane
Leandro Maksutaj është një tjetër super talent shqiptar që promovohet në ekipin e parë të FC Winterthur në Super Ligën zvicerane
Mesfushori i ri me prejardhje shqiptare nga Kosova, Leandro Maksutaj, ka arritur një hap të rëndësishëm në karrierën e tij duke u promovuar në ekipin e parë të FC Winterthur, që garon në Swiss Super League.
18-vjeçari (i lindur më 18 qershor 2007) aktivizohet në pozitën e mesfushorit dhe konsiderohet një talent në zhvillim në futbollin zviceran. Kalimi në ekipin e parë vjen si rezultat i paraqitjeve të mira dhe progresit të vazhdueshëm në nivelet e të rinjve.

Maksutaj vjen nga një familje me traditë sportive, pasi është djali i kampionit të njohur të kickbox-it, Azem Maksutaj.
Promovimi i tij në elitën e futbollit zviceran përbën një arritje të rëndësishme në moshë të re dhe një sinjal pozitiv për të ardhmen e tij në skenën ndërkombëtare.
Lajme
Yamal shpërthen ndaj tifozëve të Spanjës: Jam mysliman, Elhamdulilah! Ishte një sjellje e patolerueshme
Lamine Yamal ka reaguar ashpër ndaj tifozëve të Spanjës që kënduan një këngë anti-myslimane pas barazimit 0-0 të Spanjës me Egjiptin në duelin e luajtur në Barcelonë. Gjatë 10 minutave të para të ndeshjes, tifozët vendas u dëgjuan duke kënduar: “kërce, kërce .. kush nuk kërcen është mysliman”. Egjipti është një vend ku feja kryesore është Islami. Jamal, sensacioni i Barcelonës dhe Spanjës me prejardhje marokene, është gjithashtu një mysliman praktikues dhe pas ndeshjes pati një reagim. “Jam mysliman, Elhamdulilah. Dje në stadium u dëgjua një thirrje: ‘Kush nuk kërcen është mysliman’. E di që ishte drejtuar ndaj ekipit kundërshtar dhe jo personalisht ndaj meje, por si mysliman, kjo mbetet sjellje e papranueshme dhe mungesë respekti. E kuptoj që jo të gjithë tifozët janë të tillë, por për ata që përdorin fraza të tilla, përdorimi i fesë për tallje në stadium ju bën njerëz injorantë dhe racistë. Futbolli është krijuar për argëtim dhe përkrahje, jo për të ofenduar njerëzit për atë që janë apo çfarë besojnë. Dhe në fund, faleminderit tifozëve që na mbështetën, shihemi në Kupën e Botës”, ka thënë Jamal. Sipas disa mediave, Jamal ishte i vetmi lojtar spanjoll që nuk duartrokiti tifozët pas ndeshjes dhe thuhet se u largua nga stadiumi me kokë ulur, i shoqëruar nga sigurimi.
-
Lajme5 months agoZbulohet Identiteti i Personit Të Vrarë Në Tetovë
-
Lajme1 year agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme5 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
