Lajme

Spasovski: BDI ka “faj” për rezultatin e dobët

Në prag të kongresit të LSDM-së në qershor ku do të zgjidhet kryetari i ri dhe udhëheqësia e re, për shkak të rezultateve të dobëta në zgjedhje, parashtrohet pyetja se kush ishte fajtor për rezultatin e tillë i cili ishte më i keqi në historinë e kësaj partie. Pasi që dje Kovaçevski akuzoi një pjesë të ish anëtarëve dhe funksionarë të lartë, Oliver Spasovski një pjesë të fajit ia hodhi partnerit të deritanishëm në Qeveri, BDI-së.

“Asnjëherë nuk dua që fajin t’ia hedh të tjerëve. Unë thash se një prej arsyeve për krijimin e përshtypjes negative në opinion, janë disa vendime të caktuara, mënyra e sjelljes së BDI-së. Tani pse është krijuar përshtypje e tillë, kësaj pyetjeje duhet t’i përgjigjemi ne e jo BDI-ja.

Po, andaj po ju pyes…

Po, jo BDI-ja. Këtë dua ta them. Nuk duhet askush të na përgjigjet për pyetje të caktuara, ne duhet të përgjigjemi”, tha Oliver Spasovski, deputet dhe ish minister.

Spasovski thotë se në opinion është krijuar përshtypje se LSDM i ka dhënë gjithçka BDI-së nga ajo që ka kërkuar, por bashkëpunimi ka qenë tërësisht tjetër.

“Ky është perceptimi, ky është perceptimi që krijohet në opinion.

-Por sigurisht jo pa arsye, apo….

-Do të shohim nëse është me arsye apo jo, sepse krijimi i një perceptimi të tillë nga të gjithë, nga subjekte politike, organizata joqeveritare, individë, media etj., krijohet perceptimi. Fatkeqësisht politika në vend të parë është perceptim, pa dallim se çfarë do të shihni në esencën e vendimeve që i sillni”.

Spasovski u lavdërua se qeveria e kaluar ka bërë shumë për luftën kundër krimit dhe korrupsionit. Për presidenten Davkova tha se është hipokrite, duke marrë parasysh se nuk e përdor përcaktimin E Veriut, por e nënshkroi dekretin me emrin kushtetues.

Në lidhje me këtë nëse dikush nga LSDM mund të kalojë te shumica parlamentare, Spasovski tha se është i bindur se në LSDM nuk ka deputet që do ta përkrahë shumicën aktuale.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!