Lajme

Vrasja e të dyshuarit në Tetovë, policia: Ishte i armatosur dhe nuk ju bind policisë

Më 23 gusht 2024, rreth orës 22:00, zyrtarët policorë nga SPB Tetovë dhe Departamenti për Operacione Speciale Policore, pas informacioneve operative të marra paraprakisht se L.M. (41) nga fshati Gajre, Tetovë, i cili dyshohet për veprën penale të vrasjes më 05.07.2024 dhe kërkohej për arratisje nga Spitali Psikiatrik Bardovci, gjendet në fshati Gajre, ku morën masa dhe aktivitete për heqjen e lirisë së personit.

Pas bastisjeve të siguruara më parë në tri shtëpi në Gajre dhe marrjen e masave për kontrollin e një shtëpie në pronësi të Z.M. u gjet L.M. i cili ishte i armatosur me automatik. I njëjti ka rezistuar dhe nuk ka zbatuar urdhrat e punonjësve të policisë duke drejtuar automatikun drejt policëve, pas së cilës policët kanë qëlluar. Më pas është kërkuar ndihmë mjekësore nga Shërbimi Emergjent Mjekësor dhe është njoftuar edhe prokurori publik.

Tek L.M. u gjet edhe një pistoletë dhe korniza për një automatik dhe fishekë. Rreth orës 22.50 L.M. ka ndërruar jetë, ndërsa vdekjen e ka konstatuar mjeku i Emergjencës Mjekësore.

Ekipet policore kanë kryer kontrrolle në vendin e ngjarjes dhe me urdhër të prokurorit publik, trupi i pajetë i të ndjerit është dërguar në repartin e mjekësisë ligjore në Spitalin klinik të Tetovës për obduksion.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.