Lajme

Bekteshi: Deklarata e ministres së Arsimit fyerje e rëndë ndaj shqiptarëve

Deklarata e Ministres së Arsimit është fyerje e rëndë ndaj shqiptarëve për të njejtën duhet të ndërmerren masa konkrete, kështu vlerëson Kreshnik Bekteshi nga BDI sipas tij, pala tjetër duhet kuptuar se UÇK-ja është pjesë e histories së shqiptarëve në këtë shtet dhe e njejta duhet respektuar.

“Ajo deklaratë është fyerje e rëndë për shqiptarëtdhe shpresoj që Koalicioni VLEN pas kësaj deklarate nëse nuk ndërmeren masa ndaj ministers së arsimit atëherë më nuk ka çka kërkon në këtë qeveri, ku edhe anëtarë I kësaj qeveria e cila ditëpërditë ri me bashkëmëbas tanë që janë shndërruar në vasal të kësaj qeverie. Kur bahet fjalë për UÇK ajo është pjesë e lavdishme e histories së shqiptarëve të RMV-së dhe nuk mund të mohohet se është pjesë e histories së këtij shteti, njejtë siç është e rëndësishme për palën tjetër ata duhet të respektojnë edhe atë” – tha Kreshnik Bekteshi.

Lidhur me incidentet gjatë kremtimit të festës së 28 nëntorit, Bekteshi vlerson se policia e shtetit po përdor standarte të dyfyshta, pasi deri më tani nuk u ndërmorë asnjë masë ndaj policit I cili largoi flamurin kombëtarë në Kumanovë por po meren masa vetëm ndaj shqiptarëve, gjë me të cilën nuk ajtohet gazetari Abedin Ismaili I cili thotë se autoritetet po ndërmarrin masa për të gjithë.

“Ka veprime selektive. Shqiptarët i arrestuan, një fëmije të mitur i jepet 8 ditë paraburgim, mirëpo nuk i shqiptohet asnjë masë diciplinore policit i cili e hodhi në toke flamurin shqiptar, ndaj tij nuk janë marrë masa. Këto institucionet janë bërë për dikend nënë e për dikë njerkë” – tha Abedin Ismaili.

Profesori Murat Aliu kërkon që partitë politike most ë akuzojnë njëra tjetrën por të ulen dhe të gjejnë një zgjidhje të përbashkët ër të ulë tensionet.

“Duhet një takim I tillë, mendoj që është e nevojshme një takim lidrësh, politika në vetvete është mënyrë racionale dhe në mënyrë të arsyeshme ti mbledhin mend dhe të parandalojnë eskalime të tjera të kësaj natyre” – tha Murat Aliu, profesor.

Për bashkëbisedesit thirrjet e fundit anti -shqiptare të huliganëve por edhe incidentet e fundit si në Kumanovë paraqesin situate shqetësese, e për të njejtën kërkojnë të merren masa urgjente. /tvklan.mk/

Lajme

Georgievski: Me shqiptarët, kuptohem më mirë sesa me maqedonasit e “Botës Serbe”

Ish-kryeministri dhe lideri i Partisë OBRM-Popullore, Ljubço Georgievski, ka reaguar publikisht përmes rrjeteve sociale ndaj deklaratave të fundit të liderit të Aleanca për Shqiptarët, Arben Taravari.

Georgievski ka shpërndarë një video nga intervista e Taravarit, duke e shoqëruar me një koment që ka ngjallur reagime në opinionin publik. Ai thekson se pas shumë vitesh pavarësi të shtetit, raportet dhe perceptimet politike në vend po marrin një drejtim të ri.

“Pas 35 viteve pavarësi, ka ardhur koha kur me shqiptarët kuptohem më mirë sesa me maqedonasit e botës serbe”, ka shkruar Georgievski në profilin e tij në Facebook.

Reagimi i tij vjen pas deklaratës së Arben Taravarit, i cili në një intervistë ka shprehur vlerësim të lartë për Georgievskin, duke e cilësuar si një nga figurat politike që e ndjek dhe e respekton më së shumti në Maqedoninë e Veriut.

Taravari ka deklaruar se, ndonëse janë takuar vetëm disa herë shkurtimisht, ai i ndjek rregullisht analizat dhe qëndrimet e ish-kryeministrit, duke vlerësuar njohuritë e tij për zhvillimet historike dhe politike në vend, si dhe për raportet Maqedoni–Bullgari.

“Kur i dëgjoj deklaratat e tij, ai është njohës i mirë i historisë dhe i zhvillimeve në Maqedoni, si dhe i marrëdhënieve ndërmjet Bullgarisë dhe Maqedonisë. Ka analiza të mira dhe unë shpesh e dëgjoj dhe pajtohem plotësisht me të”, është shprehur Taravari.

Në pjesën tjetër të deklaratës së tij, Taravari ka folur edhe për marrëdhëniet ndëretnike dhe orientimin gjeopolitik të shtetit, duke theksuar rolin e faktorit politik shqiptar në kursin euroatlantik të vendit.

Lajme

Ecolog mund të tërhiqet nga Shkëndija, kërkon nga FFM, rishikim të vendimit

Pas vendimit të fundit të Federatës së Futbollit të Maqedonisë (FFM) ndaj KF Shkëndijës, sponsori i klubit ka reaguar ashpër, duke kërkuar që vendimi të rishikohet dhe korrigjohet urgjentisht.

Sipas reagimit, KF Shkëndija konsiderohet si një nga klubet e pakta në vend që ka funksionuar me seriozitet, korrektësi dhe në përputhje të plotë me të gjitha obligimet sportive dhe financiare. Sponsori thekson se investimet, mundi dhe sakrificat e bëra ndër vite kanë qenë të mëdha, ndërsa klubi ka dhënë kontribut të jashtëzakonshëm edhe në arenën ndërkombëtare.

“Shkëndija është klubi që me paraqitjet dinjitoze në Evropë ngriti koeficientin e ligës, nga i cili përfitojnë të gjitha klubet vendore dhe falë të cilit, nga viti i ardhshëm, futbolli ynë do të ketë një vend shtesë në kupat evropiane”, thuhet në reagim.

Sponsori e konsideron të papranueshme që, sipas tij, me vendime të marra në tavolinë të dëmtohet një projekt serioz dhe një kontribut i tillë të shpërblehet me “goditje të qëllimshme”. Për këtë arsye, paralajmërohet se do të shqyrtohet edhe mundësia e tërheqjes nga klubi dhe nga futbolli në Maqedoninë e Veriut.

“Prandaj, është e papranueshme që me vendime të marra në tavolinë të dëmtohet një projekt serioz dhe ky kontribut të shpërblehet me goditje të qëllimshme. Kjo qasje na shtyn të shqyrtojmë edhe opsionin e tërheqjes nga klubi/futbolli në Maqedoni të Veriut. Nëse FFM nuk e tërheq këtë vendim, atëherë ne si sponsor do ta shqyrtojmë seriozisht vazhdimin e mëtutjeshëm, pasi që ky vendim i cenon të drejtat dhe politikat e klubit”, thuhet më tej në deklaratë.

Në fund, sponsori u bën thirrje organeve të FFM-së që të reflektojnë me urgjencë dhe të veprojnë në interes të drejtësisë sportive, të klubit dhe të ardhmes së futbollit në vend.

Lajme

“Safe City” do t’i kapë edhe targat e huaja

Ministri i Brendshëm Pançe Toshkovski paralajmëron përditësim brenda një muaji të sistemit “Safe City” për makinat me targa të huaja. Sipas Toshkovskit puna nuk ka përfunduar dhe se ka ende për t’u bërë.

Ai paralajmëroi se mangësitë për gjobitjen e drejtuesve të makinave me targa të huaja do të mënjanohen.

Deri të përmirësimin e sistemit gjobat për makinat e huaja do të vazhdojnë të regjistrohen automatikisht, edhe pse nuk dihet sa prej tyre paguhen dhe kush është drejtuesi i tyre, pasi sistemi aktualisht njeh vetëm targat e automjeteve.

Nga MPB bënë të ditur se në tre muaj, sistemi “Safe City” kishte regjistruar 33.722 shkelje nga makina me targa të huaja. Më shumë raste janë shënuar në maj 11.258 ndërsa më pak në shkurt 4.301.