Lajme

Çmimet më të larta se në Europë: Qytetarët kritikojnë “shportën e vitit të ri”

5 ditë pas fillimit të zbatimit të “shportës së vitit të ri” e cila parasheh ulje të çmimeve të produkteve të ndryshme ushqimore, qytetarët ankohen se çmimet nuk janë zvogëluar. Të pyetur nga TV SHENJA ata thonë se kjo masë nuk është e realtë dhe se nuk i përfshin produktet bazë si buka dhe vaji. Ata madje theksojnë se çmimet në vend janë më të larta se çmimet në shtetet e zhvilluara europiane.

QYTETAR

“Jo vetëm maskojnë pak nuk shoh se ka në çmime ndryshim të madh. Zakonisht shoqja i bënë ato por ndonjëherë shkoj edhe unë, disa çmime janë pak diçka të ulura, shumica jo. Nuk besoj se ndihmon edhe pse mendoj se luksi është rritur pak më tepër, por disa çmime janë edhe më të shrenjta se në vendet e perëndimit si në Gjermani”.

QYTETARE

“Shumë pak dhe rrallë, nuk besoj se ndihmon, për të varfërin nuk ka shpëtim. Çmimet janë të larta për masën e gjërë, për të tjerët nuk ka problem. Fukarain smundet ta përmbush askush se masa e madhë është”.

QYTETARE

“Asnjë çmim nuk është ulur, po gënjejnë, kjo masë nuk do ti ndihmojë aspak qytetarët. Çmimi I qumështit është ulur shumë pak, thuajse fare vaji dhe prodkutet tjera aspak nuk janë ulur. Shteti asgjë nuk po na ndiihmon”.

Ata të revoltuar thonë se përfaqësuesit shtetëror nuk bëjnë asgjë për t’iu dalë në ndihmë qytetarëve dhe potencojnë se uljet e tilla të çmimeve ku bëhet fjalë për ca denarë, nuk I mbushin xhepat e zbrazët të qytetarëve.

QYTETAR

“Nuk janë ulur aspak çmimet”.

QYTETAR

“ Nuk po shoh ndonjë zvogëlim të çmimeve, standardi është aq sa dihet, uljet e çmimeve mund tu ndihmojnë të pasurve ndërsa për të varfërit nuk don të thotë asgjë. Çmimet e produkteve kryesore si buka dhe vaji nuk janë ulur aspak, çka të duhet për të tjerat”.

QYTETAR

“Asgjë nuk është zvogëluar, sapo dola nga marketi asnjë çmim nuk ka ndryshuar edhe nëse kanë ndryshuar bëhet fjalë për 1 denarë apo 2, çka mund të bësh me 1 denarë”.

Më 15 dhjetor ka nisur fushata “Shporta e Vitit të Ri”, me të cilën mbi mbi një mijë produkte do të duhet të shiten me çmime të zvogëluara prej të paktën 10%.

Lajme

Festa e Flamurit, MPB-ja me kundërvajtje ndaj Mendi Qyrës

Policia në Strugë dorëzoi kërkesë për fillimin e procedurës kundërvajtëse kundër Komunës së Strugës dhe kryetarit Mendi Qyra për një vepër të kryer në kundërshtim me nenin 6, dhe të dënueshme sipas nenit 11 të Ligjit për përdorimin e flamujve të komuniteteve në Republikën e Maqedonisë. Të pandehurit, si organizatorë të një eventi me rastin e Ditës së Flamurit Shqiptar, në rrugën Marshall Tito në Strugë, nuk e shfaqën ose vendosën flamurin shtetëror të Republikës së Maqedonisë, sqarohet në komunikatën e MPB-së. /Alsat.mk

Lajme

Bastisje në Shkup dhe Kumanovë për shkak të “keqpërdorimit të detyrës zyrtare”

Për shkak të dyshimit për vepër penale “keqpërdorim i detyrës zyrtare”, Ministria e Punve te Brendshme (MPB), në koordinim me Prokurorinë Publike Shkup, po kryejnë bastisje në Shkup, Kumanovë dhe vende të tjera, njoftoi sot Prokuroria Publike.

– Në koordinim me Prokurorinë Themelore Publike Shkup, është duke u zhvilluar një operacion policor me bastisje në Shkup, Kumanovë dhe vende të tjera, për shkak të dyshimit për vepër penale të keqpërdorimit të detyrës zyrtare, konfirmoi Prokuroria Publike. Informacionet tjera do te publikohen pas perfundimit te aksionit ne fjale.

Lajme

19-vjeçari gjendet i vdekur në rrethinë të Shkupit

Nga Ministria e Punëve të Brendshme njoftojnë se gjatë ditës së djeshme në fshatin Ognjancë të Shkupit është gjetur i vdekur një 19-vjeçar, përcjell TV21. Sipas MPB-së, autoritetet kanë konstatuar vdekje pa shenja dhune.

“Më 04.12.2025, në orën 15:38, në Stacionin e Policisë së Shkupit është raportuar se në shtëpinë në fshatin Ognjancë të Shkupit, është gjetur i vdekur R.O. (19 vjeç). Mjeku i Ndihmës së Shpejtë ka konstatuar vdekjen pa shenja të dukshme dhune, dhe me urdhër të prokurorit publik, trupi i të ndjerit i është dorëzuar për obduksionit”, thonë nga MPB.