Sport

FIFA dënon Shqipërinë pas ndeshjes me Serbinë

Federata Shqiptare e Futbollit (FSHF) ka njoftuar në lidhje me një dënim që i ka ardhur nga FIFA pas ndeshjes kualifikuese ndaj Serbisë në kuadër të Kupër së Botës 2026.

Shqipëria ishte nikoqire e Serbisë më 7 qershor në “Air Albania”, me ndeshjen e vlefshme për Grupin K, e cila përfundoi me barazim 0-0.

Megjithatë, kjo ndeshje ka bërë që FSHF të dënohet nga FIFA “për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë”.

FSHF është dënuar me gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun.

Postimi pa ndërhyrje i FSHF-së

FSHF është njoftuar zyrtarisht nga FIFA për një vendim disiplinor pas ndeshjes Shqipëri–Serbi

FSHF dënohet me gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun.

Ky dënim vjen për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare).

Ky vendim është një penalizim serioz për gjithë komunitetin futbollistik dhe dëmton jo vetëm Federatën, por mbi të gjitha Kombëtaren. FSHF u bën thirrje të gjithë tifozëve të Kombëtares që të shmangin çdo veprim që mund të dëmtojë skuadrën tonë, të respektojnë rregullat ndërkombëtare dhe të kontribuojnë për një atmosferë dinjitoze në mbështetje të Shqipërisë.

Vetëm të bashkuar dhe të përgjegjshëm mund ta mbështesim Kombëtaren siç ajo e meriton.

/Telegrafi/

Sport

Norvegjia “tremb” Francën, Haaland një “përbindësh”, shkëlqen me dygolësh

Norvegjia ka hedhur kandidaturën për të qenë një nga surprizat e mundshme të Kupës së Botës pas fitores 3-2 përballë Senegalit në ndeshjen e dytë në grup, duke u bërë gati për “finalen” përballë Francës që do të përcaktojë kreun, pasi të dy skuadrat kanë siguruar kualifikimin në turin tjetër.

Në një ndeshje të dominuar nga norvegjezët që në start, ishte Pedersen ai që u dha avantazhin në fundin e pjesës së parë.

Më pas, e kishte radhën Haland të shënonte dy herë, duke bërë të pavlefshme tentativat e ekipit afrikan për të marrë diçka nga kjo sfidë me dy golat e Sarr që shërbyen vetëm për statistikë.

Kështu, Norvegjia fitoi për herë të parë dy ndeshje në një edicion të Kupës së Botës dhe Haland mbeti në garë për “Këpucën e Artë” të turneut duke mos iu ndarë dyshes Mesi-Mbape. Kurse Senegali, mban ende gjallë shpresa për kualifikim mes të tretave më të mira nëse mund Irakun.

Sport

Francë – Irak, publikohen 11-shet zyrtare: Deschamps bën lëvizje në repartin ofensiv

Është gjithçka gati për ndeshjen mes Francës dhe Irakut, e vlefshme për javën e dytë të Grupit I në Kupën e Botës 2026.

Pas fitores së thellë në takimin e parë, Franca synon të vulosë kalimin në fazën me eliminim direkt, ndërsa Iraku hyn në këtë përballje me objektivin për të marrë pikët e para në kompeticion.

Trajneri Didier Deschamps ka zgjedhur formacionin më të mirë të mundshëm, duke i besuar vijës së sulmit të udhëhequr nga Kylian Mbappé, së bashku me Michael Olise, Ousmane Dembélé dhe Bradley Barcola.

Nga krahu tjetër, irakianët do ta kërkojnë befasinë me Basil në portë dhe me Hussein në sulm, përballë një prej skuadrave që konsiderohet favorite e turneut.

Francezët paraqiten në këtë duel me vetëbesim të lartë pas suksesit në debutim, aty ku u dalluan Michael Olise dhe Kylian Mbappé. Ndërkohë, Iraku do të përpiqet të përballojë presionin e “Les Bleus” dhe të mbetet në garë për kualifikim.

Formacioni i Francës: Maignan, Digne, Upamecano, Koundé, Saliba, Koné, Rabiot, Dembélé, Mbappé, Michael Olise, Barcola.

Formacioni i Irakut: Basil, Ali, Tahseen, Hashim, Doski, Bayesh, Iqbal, Alammari, Ismael, Qasem, Hussein.

Sport

Arijan Topallaj brutal para çekut, momneti kur e mposhti me “submission”

Kampioni shqiptar i MMA-së, Arijan Topallaj, ka shënuar një fitore të rëndësishme në karrierën e tij, sfidë ku i pranishëm ishte edhe ylli i Kosovës Fisnik Asllani.

Topallaj triumfoi ndaj çekut Jan Stanovsky në meçin e zhvilluar në Berlin të Gjermanisë, duke treguar edhe një herë cilësitë e tij në kafaz.

Përballja zgjati deri në raundin e dytë, kur shqiptari e detyroi kundërshtarin të dorëzohej pas një “submission”, duke siguruar kështu fitoren në mënyrë bindëse.

Me këtë sukses, “The Albanian Eagle” e çon bilancin e tij në 10 fitore, 2 humbje dhe 1 barazim në karrierën profesionale.